KOHELETI 11

Ko e ngaahi Founga ‘a ha Taha Poto

1TUKU atu ho‘o me‘a tokoni ‘i he funga ‘o e loloto:

He hili ‘a e ‘aho lahi te ke ‘ilo pē ki ai.

2Vahe fitu ‘a e tofi‘a,

‘Isa, ke valu foki;

He ‘oku ‘ikai te ke ‘ilo pe ko e hā ‘a e kovi ‘e hoko ki māmani.

3Ka fonu ‘uha ‘a e ngaahi ‘ao,

Te nau mahua ki he fonua:

Pea ka hinga ha ‘akau ki he tonga, pe ki he tokelau;

Ko e potu ‘oku hinga ki ai ‘a e ‘akau ‘e ‘i ai pē ia.

4Ko ia ‘oku ne lama ai pē ‘a e matangi;

‘E ‘ikai te ne tō ta‘u:

Pea ko ia ‘oku vakai ‘ao ma‘u pē,

‘E ‘ikai te ne utu hono ta‘u.

5Hangē ko ho‘o ta‘e‘ilo pe ko e hā ‘a e ‘alunga ‘o e matangi,#11.5 matangí; pe ‘o e laumālié.

Tatau mo ho‘o ta‘e‘ilo ki he ‘alunga ‘o e ngaahi hui

‘I he fatu ‘o e fefine feitama;

Pehē ‘oku ‘ikai te ke ‘ilo ‘a e ngāue ‘a ‘Elohimi,

‘A ia ‘oku ne fai ‘a e me‘a kotoa.

6‘I he pongipongi, tō ho‘o tenga,

Pea ‘i he efiafi ofi ‘a e po‘uli, ‘oua ‘e ta‘ofi ho nima;

He ‘oku ‘ikai te ke ‘ilo pe ko e fē ‘e tu‘umālie, ‘a ē pe ko ē; pea na‘a fakatou lelei.

7Pea ‘oku sai ‘a e maama pea ko e me‘a lelei ki he mata ke sio ki he la‘ā. 8Seuke, kapau ‘e mo‘ui ‘a e tangata ‘o lahi ta‘u, ‘oku lelei ke ne fiefia ‘i hono kotoa, pea ke ne manatu ki he ngaahi ‘aho fakapo‘uli ka hoko mai; he ‘e lahi ia. Ko e kaha‘u ko e koto muna pē.#11.8 Kuo ngangana heni e veesi ‘e ua ‘i he liliu ‘a Molitoní, ‘a ia ‘oku pehē: ‘E kau talavou mo e finemui, mou fiefia ‘i ho‘omou kei tupú. Mou fai pē e me‘a ‘oku mou loto ki aí, mo feinga ke a‘usia ‘a e faka‘amu ‘a homou lotó. Kehe ke ‘oua ‘e ngalo ‘iate kimoutolu ‘e fakamāu‘i ‘e he ‘Otuá kimoutolu ‘i ho‘omou me‘a kotoa ‘e fai.

Currently Selected:

KOHELETI 11: TMB

Highlight

Copy