Legic 54
54
Héipuc wammimac niŋac ʒéwelerec.
1(Legic galeŋawac; Dawidiac legic ʒéra niŋu hiŋgac hiŋgara, gita kuleleginaguc, Ʒip ic eneŋ Sauloac hama ézéma, Dawidinéŋ sucninaiguc ménda saŋgima tacʒac? ʒégic nalé imuaru oyec.)#54:1 1Sa 23:19 Yawe qacganéŋ aŋgéŋna tima kucganéŋ waŋ nénna solaŋanimaŋ.#54:1 Hebiraio aciguc; Ʒégési néŋna. 2Anutu ʒéwelecna nimma kuana igucnec acna gezac qema niŋna. 3Ic enianéŋ yacma nuwiŋ ʒé wanʒu. Helanʒi tilanʒi wannénʒu ieneŋ nuac kekec uŋanawac hochoc wanʒu, imuac niŋac guruzua. Ieneŋ imi Anutuac ewa éréhéc ménda waŋanʒu.#54:3 Hebiraio aciguc; Anutu wéséginaiguc ménda opocgic kecanʒac. Ohec
4Héŋgic! Anutu imi nuac héipuc icna kecʒac, Miŋ Kewuna imi kekec uŋana qenaŋgé némma kecanʒac. 5Inéŋ haʒéchécna bakia biria meénécmimac. Miŋ kewu, hakaga héla iminéŋ unuhumuna.
6-7Geŋ ʒérabéra hénia hénia igucnec metecgé néŋna haʒéchécna ieneŋ bakia megic kicnanéŋ iniri, imuac niŋac ni ewa siŋnawac sese haigémmaŋ. Qacga imi hiabia imuac niŋac, Yawe guac qacga qacma mepési gémmaŋ.
Currently Selected:
Legic 54: KGF
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
