Legic 53
53
Anutunéŋ ic solaŋawac horec.
1(Legic galeŋawac; Dawidiac legic ʒéra niŋu hiŋgac hiŋgara, Mahalat legic imuac ewaiguc héihéiya.) Ic qelaŋ imi ewa qerianéŋ ʒéma Anutu ménda kecʒac ʒéanʒac. Ic imuhucya eneŋ houdacma haka ewa loloŋawac waŋanʒu. Imuac haka hiabiawac waŋanʒac imi méŋ ménda kecʒac.
2Anutunéŋ ic niŋtegic qiŋtegicyaguc, Anutuac hochoc ai meanʒac méŋ tacʒac me qahac imi hémmaŋ ʒé, kurumeŋ igucnec baec icac naŋhéra neŋaŋ niŋac kic hiyu mazac. 3Héŋu momac yanda andé andé kemma momacnec biridacgic, imuac haka hiabia waŋanʒac méŋ ménda kerec, qahac téŋgéŋ waŋu horec.
4Képésic wamma saméŋ neanʒu ésécnec nuac ic embachécna neénécmima Anutugina ni ménda nuruanʒu imi eneŋ niniŋgina qahac kecanʒu me? 5Onac yaré qewiŋ ʒé areŋgéma nanʒu imi onac sicgina imi Anutunéŋ héndéŋ énécmiyec, imuac niŋac ieneŋ ʒénéŋ hirihiriac iwawai méŋ ménda heyec imuaru ʒénéŋ hirihiri yanda waŋgic. Anutunéŋ ionac héŋacgina meyec imuac niŋac gi gamu qeqe mihicŋi énécminec.
6Israelac aŋgéŋ titi miŋinanéŋ Zion igucnec hamac. Anutunéŋ ic embachéra hésa ɋatégina igucnec onagiru liliŋgému nalé imuaru Yakobonéŋ ʒézé ségiségi waŋu, Israelnéŋ ewa hia nimmac#53:6 Israel imi Yakoboac qara ɋelia Anutunéŋ qacmimia, waŋu qara imi iwac ɋelihéra ionac qac yanda wanʒac.
Currently Selected:
Legic 53: KGF
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
