Второзаконие 13

Против идолопоклонството

1 # 17,2-7; Ер 23,11-14; Мт 24,24; Откр 13,14; 16,13-14 Ако се појави меѓу вас пророк, или човек што има сновиденија, и ти покаже знамение или чудо, 2и ако се оствари тоа знамение или чудо, за кое тој ти говорел, па потоа ти рече: „Да одиме да служиме на други богови, кои ти не ги познаваш,“ 3#6,5; 1 Кор 11,19ти не го слушај гласот на таков пророк, или на таков човек што има сновиденија; бидејќи преку тоа Господ, вашиот Бог, ве искушува, за да дознае, дали Го сакате Господа, вашиот Бог, со сето свое срце и со сета своја душа. 4Господа, вашиот Бог, следете Го, и плашете се од Него; извршувајте ги Неговите заповеди и слушајте го гласот Негов, и Нему служете Му и бидете приврзани кон Него. 5#7,19; 17,7; 19,13; 1 Кор 5,13А оној пророк, или оној човек што има сновиденија да биде осуден на смрт, поради тоа што те убедувал да се откажеш од Господ, твојот Бог, Кој те изведе од египетската земја и те избави од домот на ропството; зашто сакал да те одврати од патот, по кој Господ, твојот Бог, ти беше заповедал да одиш; така истребете го злото од вашата средина. 6Ако тајно те наговорува братот твој, (син на твојот татко или) син на твојата мајка, или твојот син, или ќерката твоја, или саканата жена твоја, или пријателот твој, кој е за тебе како душата твоја, па ти рече: „Да одиме и да им служиме на другите богови“, што не ги познаваше ти и твоите предци, 7#6,14на боговите на оние народи, што се околу тебе, од едниот крај на земјата до другиот, – 8#7,16не се согласувај со него и не слушај го; и да не ти се смили окото твое над него, не жали го и не сокривај го, 9туку убиј го; прво твојата рака нека биде врз него, за да го убие, – а потоа рацете на целиот народ; 10#17,5; 21,21; 22,21убиј го со камења, да умре; бидејќи тој сакал да те отстрани од Господ, твојот Бог, Кој те изведе од египетската земја, од домот на ропството. 11Целиот Израил ќе го чуе тоа и ќе се исплаши, и нема во иднина да прави среде вас такво зло. 12Ако чуеш за некој од твоите градови, што Господ, твојот Бог, ти ги дава за да се населиш во нив, 13дека во него се појавиле нечесни луѓе од твојата средина, кои ги соблазниле жителите на тој град, велејќи: „Ајде да им служиме на други богови, кои вие не ги познававте“, – 14ти испитај и дознај добро: и ако е тоа чиста вистина дека е направена таква одвратност меѓу вас, 15#2,34; Ис.Н. 6,16погуби ги жителите на тој град со сечилото на мечот, проколни го него и сѐ што е во него; и добитокот негов со меч погуби го, 16а сите добра од него собери ги среде плоштадот негов и изгори ги заедно со градот како сепаленица пред Господ, твојот Бог; и да биде тој вечно пуст – никогаш да не се обнови. 17#4,31И до ништо од проколнатото да не се допре раката твоја, за да го скрати Господ гневот на Својата јарост, па да ти даде милост и да ти прости, и да те намножи, како што (ти говореше тебе кога) се колнеше на твоите предци, 18ако го слушаш гласот на Господ, твојот Бог, извршувајќи ги сите Негови заповеди, што сега ти ги кажувам, и правејќи (добро и) угодно пред очите на Господ, твојот Бог.

Currently Selected:

Второзаконие 13: MK2006D

Highlight

Copy