3 Ездра 14
14
По вдахновение на Светиот Дух Ездра напишал деведесет и четири книги
1 #
13,56
По три дена седев под дабот и, ете, од капината, што беше спроти мене, излезе глас и рече: „Ездра, Ездра!“ 2#6,17Јас реков: „Еве ме, Господи“, и се исправив на своите нозе. 3#2 Мојс 3,2-8Тогаш Тој ми рече: „Во капина Јас му се открив на Мојсеј и му говорев тогаш кога Мојот народ беше роб во Египет; 4#2 Мојс 24,18го испратив и го изведов народот Свој од Египет, го доведов на гората Синај и го држев при себе многу дни; 5тогаш му открив многу чудеса и му ги покажав тајните на времињата и крајот, му заповедав и му реков: 6‚Овие зборови, објави ги, а другите – сокриј ги‘. 7А сега ти велам тебе: 8‚Знаците што ти ги покажав, и соновите што ги виде и толкувањата што ги слушна, стави ги во своето срце, 9#7,28; 8,19.62; 13,32.37.52зашто ти ќе бидеш земен меѓу луѓето и ќе општиш со Мојот Син и со оние што се слични на тебе – додека се свршат времињата. 10#4,26; 6,20; Пс 101,26Зашто векот ја изгуби својата младост и времињата се приближуваат кон старост, 11#4,50оти векот е разделен на дванаесет делови, а десетте делови и половината од десеттиот дел веќе изминале, 12и остана само она што доаѓа по половината по десеттиот дел. 13#4 Цар 20,1; 14,20И така, сега уреди ја твојата куќа и вразуми го својот народ, утеши ги понизените и откажи се од она што гние, 14#Евр 12,1; 2 Кор 5,4смртните помисли отстрани ги од себеси, отфрли ги човечките тешкотии, симни ги од себеси слабостите на природата и остави ги настрана тешките за тебе помисли – и подготвувај се да се преселиш од тие времиња. 15Зашто подоцна ќе настанат поголеми неволји, отколку што си ги видел досега. 16#Мт 24,8; Мк 13,8Колку светот слабее од старост, толку повеќе ќе се намножува злото за живите; 17уште повеќе ќе се оддалечи вистината, и ќе се приближи лагата. Веќе брза да се исполни видението што го имаше.‘“ 18#5,1; 11,1Тогаш јас одговорив и реков: „Еве, јас сум пред Тебе, Господи; 19ќе отидам, како Ти што ми заповеда, и ќе го вразумам сегашниот народ. Но кој ќе ги научи оние што подоцна ќе се родат? 20#14,13Зашто светот лежи во темнина, и оние што се во него се без светлина; 21#10,22Твојот закон е изгорен, никој не знае што си направил Ти, нити знаат што треба да прават тие. 22#4,44; Мудр 9,17; 2 Птр 1,21Но ако сум придобил милост пред Тебе, испрати ми Го Светиот Дух, за да напишам сѐ што било направено во светот од почетокот, она што било запишано во Твојот закон, та луѓето да можат да го најдат патот, и оние, што ќе посакаат да живеат во последните времиња, да можат да живеат.“ 23#14,36.44.45; 2 Мојс 24,18Тој ми одговори и ми рече: „Отиди, свикај го народот и кажи му да не те бара во текот на четириесет дена. 24#1 Езд 7,6а ти приготви повеќе штички за пишување и земи ги со себеси Сарија, Даврија, Салемија, Екана и Асиела, тие петмина вешти брзописци, 25#Пс 118,105; Изреки 6,23; 20,27па дојди овде. Јас ќе го запалам во твоето срце светилото на разумот, кое нема да изгасне сѐ додека не се сврши она што ќе почнеш да го пишуваш. 26#12,38Кога ќе го свршиш тоа, едно објави, а другото – тајно предај им го на мудрите. Утре во овој час ќе почнеш да пишуваш.“ 27Тогаш отидов како што ми заповеда Тој, го свикав сиот народ и му реков: 28#5 Мојс 5,1; 6,4; 9,1; 20,3„Израиле, слушај ги овие зборови: 29#2 Мојс 22,21; 1 Мојс 47,4нашите татковци беа туѓинци во Египет, но беа оттаму ослободени, 30#9,32; Дела 7,53го примија законот на животот, кој не го запазија, кој и вие по нив не го запазивте. 31На вас ви беше дадена земја во наследство и земјата Сион, но вашите татковци и вие вршевте беззаконија и не одевте по патот што ви го заповеда Севишниот, 32#Пс 7,11; 2 Мак 12,6.41; Дан 9,14а Тој, како праведен судија, сега ви го одзеде она што ви беше дарувал. 33Сега вие сте овде и вашите браќа се меѓу вас. 34Ако раководите со вашето чувство, и го поучувате вашето срце, ќе го запазите вашиот живот и по смртта ќе добиете милост. 35#Евр 9,27; Мудр 5,15; Дан 12,1.2; Проп 12,14; 1 Кор 4,5Зашто по смртта ќе настане суд, кога ќе оживееме; тогаш ќе бидат објавени имињата на праведниците и делата на грешниците ќе бидат покажани. 36#14,23Сега никој да не доаѓа при мене и да не ме бара додека не изминат четириесет дена.“ 37#14,24Јас ги зедов со себеси петмината мажи, како што ми заповеда Тој; отидовме во полето и останавме таму. 38#Ез 2,8; 3,1.2И ете, во вториот ден извика глас кон мене: „Ездра, отвори ја устата и испиј го она, со што ќе те напојам.“ 39Ја отворив устата и, ете, ми беше подадена полна чаша, наполнета како со вода, но бојата на тоа што беше во чашата прилегаше на оган. 40Тогаш зедов и се напив; а кога пиев, во срцето ми бликна разум, а во моите гради растеше мудроста, зашто духот мој беше поткрепуван од мојот ум; 41#10,28; Ез 24,27устата моја беше отворена и веќе не се затвори. 42#14,24Севишниот им даде разум на петмината мажи; тие пишуваа ноќе според она што им се кажуваше, а што тие не го знаеја. 43Тие јадеа леб ноќе, а јас говорев дење, а и ноќе не молчев. 44#14,23.36Во четириесетте денови беа напишани деведесет и четири книги. 45#14,23.36А кога изминаа четириесетте дена, 46Севишниот рече: „Првите книги, што ги напиша ти, изложи ги отворено, за да ги читаат и достојни и недостојни, 47#Варух 3,12; Сир 24,30.31но последните седумдесет книги запази ги, за да им ги предадеш на мудрите меѓу народот, 48зашто во нив е проводникот на разумот, изворот на мудроста и реката на знаењето.“ Така и направив.
Currently Selected:
3 Ездра 14: MK2006D
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006