Salamo 54
54
Antso vonjy ataon’ny olona enjehina
Ho an’ny mpiventy hira. Hampiarahina amin’ny valiha. Maskila nataon’i Davida, fony tonga ny Zifita ka nilaza tamin’i Saoly hoe: Tsy miery any aminay va i Davida?
1Vonjeo amin’ny anaranao aho, Andriamanitra ô,
ary omeo rariny aho araka ny herinao!
2Andriamanitra ô, henoy ny vavaka ataoko!
Atongilano hihaino ny tenin’ny vavako ny sofinao!
3Fa olona hafa firenena no mitsangana hamely ahy
ary mpampihorohoro no mitady ny aiko;
tsy mihevitra an’Andriamanitra ho eo anatrehany izy. Fiatoana.
4Indro Andriamanitra no Mpamonjy ahy,
ny Tompo no Mpanohana ahy.
5Hamaly ny ratsy ataon’ny mpampahory ahy Izy;
aoka ny fahamarinanao no handringananao azy!
6An-tsitrapo no hanolorako fanatitra ho Anao;
hidera ny anaranao aho, TOMPO ô, fa tsara Ianao.
7Fa efa namonjy ahy ho afaka tamin’ny fahoriana rehetra Ianao
ary ny masoko dia faly mijery ny amin’ny fahavaloko.
Currently Selected:
Salamo 54: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011
