Salamo 53
53
Andriamanitra manohitra ny mpanao kolikoly
Ho an’ny mpiventy hira. Al-mahalat. Maskila nataon’i Davida.
1Ny adala no manao anakampo hoe: Tsy misy Andriamanitra.
Manao izay ratsy sy vetaveta izy;
tsy misy manao ny tsara.
2Avy eny an-danitra Andriamanitra no miondrika mijery ny zanak’olombelona
mba hizaha raha misy hendry mitady an’Andriamanitra.
3Samy efa nivily lalana izy rehetra ka tonga nanao zava-betaveta avokoa;
tsy misy manao ny tsara na dia iray akory aza.
4Tsy mahalala va ny mpanao ratsy?
Mihinana ny oloko toy ny fihinanana mofo
no sady tsy miantso an’Andriamanitra izy.
5Indreo, tonga feno tahotra ireny nefa tsy nisy tokony hatahorany;
fa Andriamanitra hanely ny taolan’izay nitoby hamely anao;
hampahamenatra azy ianao satria Andriamanitra efa nanary azy.
6Enga anie ka hivoaka avy ao Ziona* ny famonjena ny Israely!
Rehefa ampodin’Andriamanitra avy amin’ny fahababoana ny olony
dia hiravoravo i Jakoba ary hifaly Israely.
Currently Selected:
Salamo 53: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011
