Ezipt yiib kibare Ezipt yiiba kibara karemdb yĩnga
Ezipt yiiba kibara karemdb yĩnga
D yãenda ne a Zozɛf kibarã, sẽn tũ ne bũmb ninga t'a Abraam yagensa bas Kanaã tẽng n tɩ kẽ Ezipt tẽnga. Tũu ne kom sẽn yi kom menga la d neeme tɩ Wẽnd n sigl yɛlã n naag ne a Zozɛf koosgo.
D sã n karem Bũmb fãa singrẽ sebrã n sɛ, bũmb la d datẽ n bãng vẽenega: dũni wã sẽn naan daare. Ne tõnd dũnna rãmba, yaa a yʋʋm a wãna n be sʋka? D kõn bãng rẽ abada tɩ Wẽnd pa togs ye. Sã n ya Ezipt yiiba wakato, d paam n bãnga rẽnna. Zemsa Krista waoong ket tɩ yʋʋm tusr la kobs-yi la pisnu (1250).
A Zozɛf wakatẽ Israyɛl kamba vɩɩm yɩ-b-la noogo. Bũmb da ka paoog-b ye. La a Zozɛf waa n loogame, dĩm kãseng a ye n waa n yik n yet tɩ yẽ rat n mee tẽn-paalle, Pi-Ramsɛs, n bao yʋʋre, la rẽnd Israyɛl kamba modg ne tãn-koɛɛma la bũmba fãa. Bũmba fãa wã n wa ne yembdo. Yembd sẽn pa tog yaa ne a Israyɛl, yaa ne Wẽnd buudã, tɩ Wẽnd me na n zab n yiis b buuda Ezipt tẽnga.
Zabra tãnsoab yɩ-la a Moyiiz la yẽ yaa Israyɛl biig Wẽnd sẽn le segl a tʋʋmda yĩnga, t'a ra paamame tɩ b wuba wa Ezipt biiga, Ezipt dĩma meng zakẽ. A ra wɩsga zãnga n leokd dĩma wa sẽn segde (1—15).
Yiiba wa n tõogame, ka yɩ naana la waa n tõogame (15,22—18,27). Sinayi tãnga zugu Wẽnd le yõga zood ne a Israyɛl la b kõ-a-la b Noore (19,1—24,18).
Noora wilga Wẽnd waoogra sẽn tũud soy niynsi. Waoogra tara a roogo t'a Moyiiz yaas n wilg a sẽn tog n ti to-to (25—31). Wẽnd sẽn dat wakat ning fãa n pẽneg b buudã, yaa be la b ra wata, tɩ sawadg lut b ziirã (35—40). Wẽnd naag n wẽnega Israyɛl kamba tɩ b bãng tɩ yembd buud a to n be t'a wẽnema yɩɩd tãn-koɛɛm wẽeb yembdo: yaa wẽn-yaalsa pʋgbo. Israyɛl kamba paam n yeega fuug n dɩgle, Ezipt fuugu, bu-zẽn fuugu, n na n wẽneg buud ninga sẽn welg toore, sõmblem la kis rẽgd buudu, wa sebr ning sẽn pʋgdã, wa maan-kʋʋr sebra sẽn na n wilgã.
Currently Selected:
Ezipt yiib kibare Ezipt yiiba kibara karemdb yĩnga: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.