Ezipt yiib kibare 1
1
Ezipt tẽng vɩɩm
1Ad-a Israyɛl kamb ne b zak rãmb sẽn tũ a Zakoob n wa Ezipt tẽnga: 2A Rubẽ, a Simeõ, a Levi, a Zɩɩda, 3a Isakar, a Zabulõ, a Bẽnzame, 4#Bs 46,8-27. a Dã, a Neftali, a Gad la a Asɛr. 5Sã n naag ne b zak rãmba, b fãa gill sõor yaa pisopoe. Sã n yaa a Zozɛf, yẽ ra reng n bee Ezipt tẽnga. 6A Zozɛf ne a saam-biisa fãa waa n maana kaalem. 7#Tv 7,17. B ra roga kamb wʋsgo, n wa lebg ka tɛka; b waa n pida tẽngã, b waa n kẽe pãafo.
8 #
Tv 7,18. Dĩm a ye n wa n deeg Ezipt tẽng naam. Yẽ ka bãng a Zozɛf ye. 9Yẽe n wa n yeel a soolem dãmba: «Dẽnd d gũus ne a Israyɛl kamba, b lebga wʋsgo, b tara pãnga; tõe n wa yɩɩ yelle. 10#Tv 7,19. D bao yam n kõ d menga, n sõng tɩ b sõora ra le paas ye; ka rẽ zabr tõe n yikame tɩ b bas tõnd sõngre n sõng d bɛɛba, n yaool marsã n paam n looge.» 11Woto wã b yãka neb sẽn na n ges Israyɛl kamba tʋʋma, neb sẽn na n mao tɩ b yãend far ne tʋʋm-toodo. Ezipt dĩma kɩtame tɩ b me tẽn-bɛd a yi: Pitom la Ramsɛs. Be la b ra bĩngd b te-koosem buud fãa. 12Israyɛl kamba far da paasdame, la b sõora ra ka woogd ye, b tol n paasa wʋsgo, tɩ Ezipt tẽng-rãmb wa maand dabeem. 13Israyɛl kamb deega tʋʋm toodo. 14Yɩɩ tʋʋm sẽn sɩd nams-b wʋsgo: Tãnd tagbo, tãn-koɛɛm wẽebo, koobo; yɩɩ ne tʋʋm buud fãa la b modg-ba.
15Ezipt dĩma boola pʋg-roagsdb a yiibu sẽn da rogsd Ebre pogsã, a Sifara ne a Ypwa, n yeel-ba: 16«Y sã n dogsd Israyɛl pagbã bɩ y maan gũusgu. Ges-y biiga yaa pag bɩ raoa. Kʋ-y kom-dibli la bas-y kom-pugli wã.»
17Pʋg-roagsdba da zoeta Wẽnde, woto b pa sak n deeg dĩma noor ye. B pa sak n kʋ kom-dibli wã ye. 18Dẽ la dĩma bool-ba n yeel-ba: «Yaa bõe yĩng la yãmb bas kom-dibli wã n pa kʋʋda?» 19Tɩ b na n leoke: «Ad-y Israyɛl pagba ne Ezipt pagba ka wẽnd taab ye; b tara pãnga, woto, pʋg-roagsa ne a na n ta tɩ b rog n sɛɛme.» 20Wẽnd ninga pʋg-roagsdba barka. A Israyɛl kamba tõog n lebga wʋsgo, b tõog n kɩɩ yẽgna. 21Pʋg-roagsdba sẽn zoe Wẽnnaam nifa yĩnga, Wẽnd yalga b buudu. 22#Tv 7,19. Dĩma waa n yeela a nebã: «Lob-y koomẽ a Israyɛl sẽn na n dog kom-dibli niyns fãa; bas-y kom-pugli wã bala.»
Currently Selected:
Ezipt yiib kibare 1: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
