Kañaam 40
40
Pbeeb Naşibaţi na pñehana aţënk bañaaŋ
1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ.
2Dhaţ maakan ţi Yawe Nawat Kabuka ;
ajuţ ţi nji, aŧiinkën wi nji kadu'uluŋ aţënkën.
3Apënanaan du bnjiir bi mnhaj ;
apënanaan ţi dko dangëjuŋ maakan.
Aţu kahoţ naan ţi plaak ;
adolën kë nnaţ aliinŧ.
4Aţu ţi mntum mi naan kayeeh kahalu
kado kadëmanaan Naşibaţi i nja.
Baŧum baluŋ kawina kaşë kayikrën mnhina mi nul,
baţu wal mënţ mnhaţ mi baka ţi Nawat Kabuka.
5Ñaaŋ anţuuŋ mnhaţ mi nul ţi Nawat Kabuka anuurandëni ;
ñaaŋ anwooŋ aanya du bahomp anuurandëni ;
ñaaŋ anwooŋ aanya du baţilan anuurandëni.
6Iwi Nawat Kabuka Naşibaţi i naan, ido iko iñoŋarënaan iŧum
işal pdo iko inuura pa nja.
Nin ñaaŋ aanaam na iwi.
Dŋal kaţup iko mënţ kameeţan ya
kë işë ŧum maakan ñaaŋ afën ya.
7Iinŋal bafiŋaru ŋko kë iinŋal baţenu iko iloŋ,
ituhëşaan ibaţ nhilna nyikrën.
Ŋko ŋantëradiiŋ iinji klilandër ŋa ;
iţeŋan ppënanaan ipekadu, iinji klilandër ya.
8Kë nşë ji wal mënţ : « Natenan, nji wi, dbi du iwi,
dwin ţi ulibra uko wi nwooŋ kaţaş.
9Iwi Naşibaţi i naan dŋal kado uko wi iŋaluŋ ;
bgah bi nu bawo ţi uhaaş naan meeţ. »
10Dji kaţup ţi kadun ki bañaaŋ baŧum kë iwo naŧool.
Tenan, mënkyomp.
Iwi Nawat Kabuka ime uko mënţ !
11Mënji kamen du uhaaş meeţ kë iwo naŧool ;
dji kaţiiniyaan uŋal wi nu unjoonanuŋ na mbuur mi ijaaŋ kţij.
Ţi kadun ki bañaaŋ banŧumuŋ,
mënji kamen uŋal wi nu unwooŋ uunkba na manjoonan mi nu.
12Iwi Nawat Kabuka iinkpok pñagi'aan ;
uŋal wi nu unwooŋ uunkba na manjoonan mi nu mando kayeŋën na ŋnuur.
13Pwuţan pŧum pakëb ţi nji,
mënkak ahil pniib pa.
Ipekadu yi naan iţaşën,
mënkak ahil pten ya ;
iŧum apel wel wi bkow naan,
mënkak añoom.
14Iwi Nawat Kabuka dkooţu kooţ buuranaan !
Iwi Nawat Kabuka, ŧaraan ibi iţënkën !
15Bañaaŋ banŋaluŋ pyeenkën ubida kaba na nji,
banaakiirën bukal bŧi bakowa.
Bañaaŋ banŋaluŋ nwuţën, bakakan kafeţ bakowa.
16Bañaaŋ bankjiiŋ nji, bakeţan na mnkow.
17Bañaaŋ bŧi bankla'iiŋ,
bawoon ţi mnlilan na mnŧaŋ ţi iwi.
Bañaaŋ banŋaluŋ mbuur mi ijaaŋ kţij,
bawutan kaţañan pdo kaji : « Nawat Kabuka adëmi ! »
18Nji dwo nawaaŋ akuţ awo ţi kanuma,
kë Nawat Kabuka aşë ji şalën.
Iwi Naşibaţi i naan ikţënknuŋ abot abuuranaan ;
ŧaraan iţënkën, kjon !
Currently Selected:
Kañaam 40: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
