Aefeso 1

1 # Atũ 18.19-21; 19.1 Kuuma kũrĩ niĩ Paũlũ, o niĩ nduĩkĩĩte mũtũmwo wa Kristũ Jesũ nĩ ũndũ wa kwenda kwa Ngai;

Kũrĩ andũ a Ngai arĩa me Efeso#1.1 Arĩa me Efeso: Maandĩko mamwe matirĩ “arĩa me Efeso.”, arĩa ehokeku nĩ ũndũ wa kũnyiitana na Kristũ Jesũ:

2Wega na thaayũ wa Ngai Ithe witũ o na wa Mwathani Jesũ Kristũ irogĩa na inyuĩ.

Iraathimo cia kĩĩroho thĩinĩ wa Kristũ

3Ngai, o we Ithe wa Mwathani witũ Kristũ Jesũ, arogoocwo! Nĩ ũndũ wa gũkorwo twĩ thĩinĩ wa Kristũ nĩatũraathimĩĩte na iraathimo ciothe cia kĩĩroho iria irĩ ũtũũroinĩ wa igũrũ. 4O na mbere ya thĩ kũũmbwo, Ngai nĩatũthuurĩĩte tũtuĩke aake nĩ ũndũ wa gũkorwo twĩ thĩinĩ wa Kristũ nĩguo tũkoragwo tũrĩ atheru na tũtarĩ na ũcuuke mbere yake.

Nĩ ũndũ wa wendo wake, 5Ngai nĩatuĩte o mbere atĩ nĩagaatũtua ciana ciake, naguo ũndũ ũcio wahotekire nĩ ũndũ wa Jesũ Kristũ na kĩu nĩkĩo gĩkeno gĩake, na noguo eendeete. 6Rekeei tũgooce Ngai nĩ ũndũ wa wega wake wĩ riiri, na nĩ ũndũ wa kĩheeo gĩake kĩrĩa aatũheire o tũhũ thĩinĩ wa Mũũriũ ũrĩa eendeete mũno! 7#Akol 1.14 Nĩ ũndũ wa thakame ya Kristũ nĩtwakũũrirwo, ũguo nĩ ta kuuga, nĩtuoheirwo meehia maitũ. Kaĩ ti itherũ wega wa Ngai, 8ũrĩa atũheete kwa ũingĩ nĩ mũnene-ĩ!

Nĩ ũndũ Ngai nĩ mũũgĩ maũndũinĩ moothe na nĩarĩ ũmenyo, 9nĩekire ũrĩa aabangĩĩte gwĩka, agĩgĩtũmenyithia rĩciiria rĩake rĩa hitho rĩrĩa eeciirĩĩtie kũhingia, naguo ũndũ ũcio wahotekekire na ũndũ wa Kristũ. 10Rĩciiria rĩrĩa Ngai akaahingia mahinda marĩa maagĩrĩire maakinya, nĩgũcookanĩrĩria hamwe indo ciothe iria ciombirwo, iria ikoragwo igũrũ na iria ikoragwo thĩ, naake Kristũ akorwo arĩ we mũtongoria wacio.

11Maũndũ moothe meekagwo kũringana na wendi na itua rĩa Ngai; Ngai nĩatũthuurire tũtuĩke andũ aake twĩ thĩinĩ wa Kristũ na ũndũ wa kwenda gwake, o ta ũrĩa aatuĩte gwĩka kuuma o kĩambĩrĩria. 12Rekeei ithuĩ twarĩ a mbere kwĩrĩgĩrĩra Kristũ tũgĩtũũre tũgoocaga riiri wa Ngai!

13Inyuĩ o na inyuĩ nĩmwatuĩkire andũ a Ngai rĩrĩa mwaiguire Ũhoro ũrĩa wa ma, o guo Ũhoro ũrĩa Mwega wa ũhonokio wanyu. Ningĩ nĩmwetĩkirie Kristũ, naake Ngai akĩmũhũũra mũhũũri wa kũrũũgamĩrĩra atĩ mũrĩ aake na njĩra ĩyo ya kũmũhe Roho Mũtheru ũrĩa aamwĩrĩire. 14Roho ũcio naake nĩ we mũrũũgamĩrĩri wa kĩrĩa gĩothe Ngai eerĩire andũ aake. Ũndũ ũcio nĩũtũmaga tũmenye na ma atĩ, Ngai nĩakaahe arĩa marĩ aake wĩyathi mũkinyanĩru. Rekeei tũgooce riiri wake!

Ihooya rĩa Paũlũ

15Nĩ ũndũ ũcio kuuma hĩndĩ ĩrĩa ndaiguire ũrĩa mwĩtĩkĩĩtie Mwathani Jesũ, na ũrĩa mwendeete andũ oothe a Ngai, 16nditigaga gũcookeria Ngai ngaatho nĩ ũndũ wanyu. Nĩndĩmũririkanaga mahooyainĩ maakwa. 17Nĩnjũũragia Ngai wa Mwathani witũ Jesũ Kristũ, o we Ithe ũrĩa wĩ riiri, atĩ amũhe Roho ũrĩa ũkaamũhe ũũgĩ mũũhĩge na amũguũrĩrie Ngai nĩguo mũmũmenye. 18Ndĩmũhooyaga atĩ atherie maitho ma ngoro cianyu nĩ geetha mũmenye nĩ kĩĩrĩgĩrĩro kĩrĩkũ amwĩtĩire na mũmenye nĩ ũtonga wa riiri ũrĩkũ andũ a Ngai makaagaya, 19o na mũmenye nĩ hinya mũnene atĩa ũraruta wĩra thĩinĩ witũ ithuĩ twĩtĩkĩĩtie. Hinya ũyũ ũraruta wĩra thĩinĩ witũ nĩ hinya mũnene, 20#Thab 110.1 o ũrĩa aahũthĩrire hĩndĩ ĩrĩa aariũkirie Kristũ kuuma kũrĩ akuũ akĩmũiga mwenainĩ wake wa ũrĩo kũu igũrũ. 21Kũu igũrũ aathaga moonene moothe, moohoti moothe, maahinya moothe o na wathani o wothe. Ningĩ nĩaheetwo rĩĩtwa rĩkĩrĩĩte marĩa mangĩ moothe ma hĩndĩ ĩno tũrĩ o na ma ĩrĩa ĩgooka. 22#Thab 8.6 #Akol 1.18 Na rĩĩrĩ, Ngai nĩaigire maũndũ moothe magũrũinĩ ma Kristũ agĩcooka akĩmũnenganĩra kũrĩ kanitha ta mwathani wa maũndũ moothe. 23Kanitha nĩguo mwĩrĩ wa Kristũ na noguo ũiyũrũ wake, o we ũiyũrĩĩte maũndũ moothe kũndũ guothe.#1.23 O we ũiyũrĩĩtie maũndũ moothe kũndũ guothe: Kana “o we ũrĩa ũiyũrĩĩtwo nĩ ũgima wa Ngai.”

Currently Selected:

Aefeso 1: GKN

Highlight

Copy