Popular Bible Verses from Aefeso 1

Share

Ndĩmũhooyaga atĩ atherie maitho ma ngoro cianyu nĩ geetha mũmenye nĩ kĩĩrĩgĩrĩro kĩrĩkũ amwĩtĩire na mũmenye nĩ ũtonga wa riiri ũrĩkũ andũ a Ngai makaagaya, o na mũmenye nĩ hinya mũnene atĩa ũraruta wĩra thĩinĩ witũ ithuĩ twĩtĩkĩĩtie. Hinya ũyũ ũraruta wĩra thĩinĩ witũ nĩ hinya mũnene, o ũrĩa aahũthĩrire hĩndĩ ĩrĩa aariũkirie Kristũ kuuma kũrĩ akuũ akĩmũiga mwenainĩ wake wa ũrĩo kũu igũrũ. Kũu igũrũ aathaga moonene moothe, moohoti moothe, maahinya moothe o na wathani o wothe. Ningĩ nĩaheetwo rĩĩtwa rĩkĩrĩĩte marĩa mangĩ moothe ma hĩndĩ ĩno tũrĩ o na ma ĩrĩa ĩgooka.

O na mbere ya thĩ kũũmbwo, Ngai nĩatũthuurĩĩte tũtuĩke aake nĩ ũndũ wa gũkorwo twĩ thĩinĩ wa Kristũ nĩguo tũkoragwo tũrĩ atheru na tũtarĩ na ũcuuke mbere yake. Nĩ ũndũ wa wendo wake, Ngai nĩatuĩte o mbere atĩ nĩagaatũtua ciana ciake, naguo ũndũ ũcio wahotekire nĩ ũndũ wa Jesũ Kristũ na kĩu nĩkĩo gĩkeno gĩake, na noguo eendeete.

Nĩ ũndũ wa thakame ya Kristũ nĩtwakũũrirwo, ũguo nĩ ta kuuga, nĩtuoheirwo meehia maitũ. Kaĩ ti itherũ wega wa Ngai

Ngai, o we Ithe wa Mwathani witũ Kristũ Jesũ, arogoocwo! Nĩ ũndũ wa gũkorwo twĩ thĩinĩ wa Kristũ nĩatũraathimĩĩte na iraathimo ciothe cia kĩĩroho iria irĩ ũtũũroinĩ wa igũrũ.