Popular Bible Verses from Aefeso 2

Share

Ngai nĩ we watũũmbire; aatũũmbire thĩinĩ wa Kristũ Jesũ nĩguo twĩkage ciĩko njega iria aahaarĩirie nĩ ũndũ witũ atĩ tũciĩkage.

Nĩ amu mũhonokeetio nĩ wega wa Ngai na ũndũ wa gwĩtĩkia, mũtihonokeetio nĩ ciĩko cianyu; mũhonokeetio nĩ kĩheeo kĩa Ngai no ti ũndũ wa mawĩra maanyu, nĩ geetha mũndũ o na ũrĩkũ ndageetĩĩe.

No rĩĩrĩ, tha cia Ngai nĩ nyingĩ mũno na nĩatwendeete ũguo atĩ, o na hĩndĩ ĩrĩa twakuĩte kĩĩroho tondũ wa mahĩtia maitũ, nĩatũcookirie muoyo twĩ hamwe na Kristũ. Nĩ wega wa Ngai ũtũmĩĩte mũhonoke.

Nĩatũriũkirie hamwe na Kristũ Jesũ na agĩtũma tũikare thĩ hamwe naake kũũrĩa igũrũ.

Kwoguo rĩu inyuĩ andũ a Ndũũrĩrĩ mũtirĩ ageni kana agendi rĩngĩ; no mũrĩ raia a bũrũri ũmwe na andũ a Ngai na mũrĩ amwe a andũ a nyũmba ya Ngai. Ningĩ inyuĩ mwakĩĩtwo igũrũ wa mũthingi ũrĩa wakirwo nĩ atũmwo na anabii, naake Jesũ Kristũ we mwene nĩ we ihiga rĩrĩa rĩa bata mũno mũthingiinĩ