Gũcookerithia Maathani 24
24
Gũtigana na kũhikania rĩngĩ
1 #
Mat 5.31; 19.7; Mar 10.4 “No kũhoteke mũndũ mũrũme ahikie mũtumia, no acooke oone atĩ ndamwagĩrĩire nĩ ũndũ nĩona ũndũ ũtarĩ mwega thĩinĩ wake. Nĩ ũndũ ũcio, no amwandĩkĩre marũa ma gũtigana naake, amũnengere, acooke amwĩre oime gwake mũciĩ. 2Ningĩ no kũhoteke mũtumia ũcio ahikio nĩ mũndũ ũngĩ, 3na mũndũ ũcio o naake oone atĩ ndamwagĩrĩire. Nĩ ũndũ ũcio, o naake amwandĩkĩre marũa magũtigana amũnengere, acooke amwĩre oime gwake mũciĩ. Ningĩ mũndũ mũrũme ũcio no akue. 4Rĩu-rĩ, mũthuuri ũrĩa wamũhikĩĩtie rĩa mbere ndangĩcooka kũhikia mũtumia ũcio rĩngĩ nĩ ũndũ e na thaahu. Ũndũ ta ũcio ndũkenagia MWATHANI. Ndũkaaneeke wĩhia ta ũcio wĩ bũrũriinĩ ũrĩa MWATHANI Ngai waku egũkũhe.
Mawatho mwanya mwanya
5“Mũndũ ahikania o ũguo-rĩ, ndaagĩrĩirwo nĩgũthiĩ mbaarainĩ o na kana kũruta mawĩra ma mũingĩ. Aagĩrĩirwo nĩgwĩtĩkĩrio aikare na mũhiki wake mũciĩ handũ ha mwaka ũmwe nĩ geetha akenie mũhiki ũcio ahikĩĩtie.
6“Wakombithia mũndũ kĩndũ, ndwagĩrĩirwo nĩkuoya gĩthĩi gĩake wĩigĩre o nginya rĩrĩa agaakũrĩha. Ũngĩĩka ũguo, no ũtũme mwene kĩo aage gĩa kũhaarĩria gĩa kũrĩa nakĩo.
7 #
Tha 21.16
“Mũisiraeli o wothe ũrĩa ũkaanyiita Mũisiraeli ũrĩa ũngĩ nĩguo amũtue ngombo kana amwendie ta ngombo, aagĩrĩirwo nĩkũũragwo. Ũguo nĩguo rũũrĩrĩ rwanyu rũkeeheria ũũru ũcio.
8 #
Alaw 13.1–14.54
“Ha ũhoro wa mũrimũ mũũru wa ngoothi, mwĩmenyagĩrĩreei kũhingagia ũrĩa wothe athĩnjĩri Ngai a mũhĩrĩga wa Lawi marĩmũtaaraga mwĩke. Rũmagĩrĩraai mataaro marĩa ndĩmaheete. 9#Nda 12.10 Taririkanaai ũrĩa MWATHANI Ngai eekire Miriamu hĩndĩ ĩrĩa mwoimaga Misiri.
10 #
Tha 22.26-27
“Ũngĩgaakombithia mũndũ kĩndũ, ndũkaanatoonye nyũmba yake wĩyoere nguo ya kũrũũgamĩrĩra thiirĩ ũcio. 11Wagĩrĩirwo nĩgũikara o hau nja o nginya akũreehere nguo ĩyo ya kũrũũgamĩrĩra thiirĩ. 12Na rĩĩrĩ, mũndũ ũcio angĩgaakorwo nĩ mũthĩĩni, ndũkaanaraarie nguo ĩyo ya kũrũũgamĩrĩra thiirĩ. 13Ũkaamũcookagĩria nguo ĩyo o hwaĩinĩ wakinya nĩguo akehumbĩra nayo. Naake nĩarĩcookagia ngaatho, na MWATHANI Ngai waku nĩarĩkenagio nĩwe.
14 #
Alaw 19.13
“Ndũkaanahinyĩrĩrie ndungata ya kwandĩkwo, thĩĩni na ĩbataire, ĩrĩ Mũisiraeli kana mũgeni ũratũũra itũũrainĩ rĩmwe rĩanyu. 15Ũrĩmĩheaga mũcaara wayo hwaĩinĩ mũthenya o mũthenya, tondũ ũcio nĩguo ũteithio wayo. Ũngĩaga gwĩka ũguo, yahota gũkaĩra MWATHANI, nawe ũgĩtuuo mwĩhia.
16 #
2Atha 14.6; 2Maũ 25.4; Eze 18.20 “Aciari matikaanooragwo nĩ ũndũ wa mahĩtia marĩa meekĩĩtwo nĩ ciana ciao, kana ciana ciũragwo nĩ ũndũ wa mahĩtia marĩa meekĩĩtwo nĩ aciari aacio. Mũndũ o mũndũ arĩũragagwo nĩ ũndũ wa mahĩtia marĩa eekĩĩte we mwene.
17 #
Tha 23.9; Alaw 19.33-34; Gũco 27.19 “Tuithanagia ciira wa mũgeni, o na wa mwana wa ndigwa na kĩhooto. Ningĩ ndũkaanooe nguo ya mũtumia wa ndigwa nĩ ũndũ wa kũrũũgamĩrĩra thiirĩ wake. 18Ririkanaga atĩ o nawe warĩ ngombo bũrũriinĩ wa Misiri, na MWATHANI Ngai waku agĩkũruta kuo; nĩkĩo ndagwatha wĩkage ũguo.
19 #
Alaw 19.9-10; 23.22 “Hĩndĩ ĩrĩa ũkũgetha magetha maaku, ũngĩriganĩrwo nĩ mamwe kũu mũgũnda-rĩ, ndũkaamacookagĩre. Magetha macio marĩtuĩkaga ma kũũnganio nĩ ageni, ciana cia ngoriai, na atumia a ndigwa. Ũndũ ũcio nĩũrĩtũmaga MWATHANI Ngai waku akũraathimage maũndũinĩ moothe marĩa ũrĩĩkaga. 20Warĩĩkia kũgetha ndamaiyũ ciaku, ndũgaacookagĩre matigari. Macio marĩtuĩkaga ma ageni, ciana cia ngoriai, na atumia a ndigwa. 21Ningĩ warĩĩkia kũgetha thabibũ ciaku, ndũgaacookagĩre matigari. Macio marĩtuikaga ma ageni, ciana cia ngoriai, na atumia a ndigwa. 22Ririkanaga hingo ciothe atĩ o nawe warĩ ngombo bũrũriinĩ wa Misiri; nĩkĩo ndagwatha wĩkage ũguo.
Currently Selected:
Gũcookerithia Maathani 24: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
