متّا 20
20
ائشچئلر مثلی
1«دوغرودان دا گؤیون پادشاهلیغی تورپاق صاحئبی اولان بئر آداما بنزه‌ر کی، سحر ارکن دوروب، اوزوم باغی اوچون ائشچی توتماغا چیخدی. 2ائشچئلر‌له گونو بئر دئنارا راضیلاشیب، اونلاری اوزوم باغینا گؤندَ‌ردی. 3گونون اوچونجو ساعاتینا یاخین چیخیب، اؤزگه ائشچئلری میداندا گؤردو کی، ائشسئز دوروبلار. 4اونلارا ددی: ”سئز ده اوزوم باغینا گدئن و حاقّینیزی وره‌رم.“
اونلار دا گتدئلر. 5گونون آلتینجی و دوقّوزونجو ساعاتینا یاخین گئنه چیخیب بله اتدی. 6گونون اون‌بئرئنجی ساعاتینا یاخین چیخیب، ائشسئز دوران اؤزگه ائشچئلری تاپدی و اونلارا ددی: ”نه اوچون بورادا بوتون گون آوارا دوروبسونوز؟“
7اونلار اونا ددئلر: ”چونکی هچ کئم بئزی ائشه گؤتورمه‌یئب.“
اونلارا ددی: ”سئز ده باغیما گدئن.“
8آخشام واختی باغ صاحئبی اؤز ناظئرئنه ددی: ”ائشچئلری چاغیر و آخیرکی‌لاردان باشلاییب، اوّلکی‌لره کئمی موزدلرئنی ور.“
9اون‌بئرئنجی ساعاتا یاخین ائشه گلنلر، هر بئری بئر دئنار آلدیلار. 10اونا گؤره ده، اوّلکی‌لر اله دوشوندولر کی، داها چوخ آلاجاقلار. لاکئن اونلار دا هر بئری بئر دئنار آلدی. 11آلاندان سونرا، باغ صاحئبئنه شئکایت ادئب، 12ددئلر: ”بو آخیرکی‌لار آنجاق بئر ساعات ائشله‌دئلر، آمّا سن اونلاری بئزئمله کی، گونون آغیرلیق و ائستئلئیئنی چکمئشئک، بئر توتدون.“
13لاکئن باغ صاحئبی جاواب ورئب، اونلارین بئرئنه ددی: ”دوستوم! من سنه حاقسیزلیق اتمئرم. مگر سن منئمله بئر دئنارا راضیلاشمادین؟ 14موزدونو آل، گت. ائسته‌یئرم کی، بو آخیرکی‌لارا دا سنه وردئیئم قدر ورئم. 15آیا ائختئیاریم یوخدور کی، اؤز مالیملا نه ائسته‌دئیئمی اِدئم؟ آیا سن منئم سخاوتلی اولدوغوما پاخیلّیق ادئرسن؟“
16بله‌جه ده آخیرکی‌لار اوّل و اوّلکی‌لر آخیرکی اولاجاقلار.»
عئسا گئنه اؤز اؤلومونو خبر ورئر
(مرقوس 10:32-34، لوقا 18:31-34)
17عئسا اورشلئمه طرف یولا دوشَنده اون‌‌ائکی شاگئردی بئر یانا آپاریب، اونلارا ددی: 18«باخین، اورشلئمه گدئرئک. ائنسان اوغلو باش کاهئنلر و دئن عالئملرئنئن اَلئنه ورئله‌جک. اونو اؤلومه محکوم ادئب 19قیری‌یهودئلره تسلئم اده‌جکلر کی، اونلار اونو اَله سالسینلار، قامچی ائله دؤیوب، چارمیخا چکسئنلر. آمّا او، اوچونجو گون دئرئله‌جکدئر.»
بئر آنانین ائسته‌یی
(مرقوس 10:35-45)
20او زامان، زِبِدِی اوغوللارینین آناسی، اوغوللاری ائله عئسانین یانینا گلئب، تعظئم اتدی و ددی کی، اوندان بئر خاهئشی وار. 21عئسا اونا ددی: «نه ائسته‌یئرسن؟»
آرواد اونا ددی: «امر ات کی، منئم بو ائکی اوغلوم سنئن پادشاهلیغیندا بئری صاغیندا و بئری ده سولوندا اوتورسون.»
22لاکئن عئسا جاواب ورئب ددی: «سئز نه ائسته‌دئیئنئزی بئلمئرسئنئز. مگر ائچه‌جه‌یئم پئیالا‌دن ائچه بئلرسئنئز؟»
اونلار ددئلر: «اده بئلرئک.»
23عئسا اونلارا ددی: «ائچه‌جه‌یئم پئیالا‌دن ائچه‌جکسئنئز؛ آمّا صاغیمدا، یا دا سولومدا اوتورماغا ائجازه ورمک منئم اَلئمده دیئل. آتام بو یرلری موعیّن آداملار اوچون حاضیرلاییب.»
24اون شاگئرد، بونو اشئدن واخت، ائکی قارداشا قضبلندئلر. 25آمّا عئسا اونلاری یانینا چاغیریب ددی: «بئلئرسئنئز کی، قیری‌یهودئلرئن ریئسلری اونلارا حؤکمدارلیق ادرلر و آغالاری اونلارین اوستونه حاکئمئیّت سوررلر. 26آمّا سئزئن آرانیزدا گرک بله اولماسین. سئزئن آرانیزدا بؤیوک اولماق ائسته‌ین هر کس، او بئرئلرئن نؤکری اولسون. 27و آرانیزدا بئرئنجی اولماق ائسته‌ین، او بئرئلرئن قولو اولسون. 28چونکی ائنسان اوغلو گلمه‌یئب کی، اونا خئدمت اولونسون. گلئب کی، خئدمت اتسئن و بئر چوخلاری اوچون جانینی فئدئیه ورسئن.»
ائکی کورون گؤزلری آچیلیر
(مرقوس 10:46-52، لوقا 18:35-43)
29ارئحادان چیخاندا بؤیوک بئر جاماعات عئسانین دالینجا گتدی. 30یول قیراغیندا اوتوران ائکی کور، عئسانین کچدئیئنی اشئدن واخت، باغیردیلار: «آغا، ای داوود اوغلو! بئزه یازیغین گلسئن.»
31آمّا جاماعات اونلارا آجیقلانیب، ساکئت اتمه‌یه چالیشدیلار. آمّا اونلار داها اوجادان باغیردیلار: «آغا، ای داوود اوغلو! بئزه یازیغین گلسئن.»
32عئسا دایاندی و اونلاری چاغیریب ددی: «مندن نه ائسته‌یئرسئنئز کی، سئزه ادئم؟»
33اونلار اونا ددئلر: «یارب، گؤزلرئمئز آچیلسین.»
34عئسانین اونلارا رحمی گلئب، گؤزلرئنه ال سورتدو؛ او آندا اونلارین گؤزلری آچیلدی و عئسانین دالینجا گتدئلر.
Currently Selected:
متّا 20: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
