یارادیلیش 47
47
1یوسئف فئرعونون یانینا گدئب ددی: «کَنَعان تورپاغیندان آتام و قارداشلاریم قویون-کچئلری، مال-حیوانلاری و صاحئب اولدوقلاری بوتون شیلری ائله بئرلئکده بورایا گلئبلر و گوشِن وئلایتئنده‌دئرلر.» 2سونرا قارداشلاری آراسیندان بِشئنی گؤتوروب، فئرعونون حوضورونا گتئردی. 3فئرعون یوسئفئن قارداشلاریندان سوروشدو: «نه ائشئن صاحئبئسئنئز؟» اونلار فئرعونا جاواب وردئلر: «بئز قوللارین، آتالاریمیز کئمی چوبانیق. 4بو اؤلکه‌یه گلمئشئک کی، بئر مودّت اوندا یاشایاق. چونکی کَنَعان تورپاغیندا دهشتلی آجلیق حؤکم سورور. بو قوللارینین سورولری اوچون اوتلاق یوخدور. ائندی خاهئش ادئرئک کی، قوللارینا، گوشِن وئلایتئنده یاشاماغا ائجازه وره‌سئنئز.» 5فئرعون یوسئفه ددی: «آتانینلا قارداشلارین یانینا گلئبلر. 6مئصئر تورپاغی سنئن قاباغیندادیر: آتانینلا قارداشلارینی بو تورپاغین لاپ یاخشی یرلرئنده یِرلَشدئر. قوی گوشِن وئلایتئنده یاشاسینلار. اگر اونلارین آراسیندا باجاریقلارینی تانی‌ییرسان، اونلاری منئم سورولرئمه چوبان قوی.»
7یوسئف آتاسی یعقوبو گؤتوروب، فئرعونون حوضورونا گتئردی. یعقوب فئرعونا برکت وردی. 8فئرعون یعقوبدان سوروشدو: «نچه یاشین وار؟» 9یعقوب فئرعونا جاواب وردی: «عؤمرومون یوز اوتوز ائلئنی قوربتده کچئرتدئم، آمّا عؤمروم آز و آغیر اولدو، آتالاریمین قوربتده‌کی عؤمرو قدر اوزون اولمادی.» 10سونرا فئرعونا برکت ورئب، اونون حوضوروندان چیخدی.
11یوسئف آتاسی ائله قارداشلارینی مئصئرده یِرلَشدئردی و فئرعونون امر اتدئیی کئمی، اونلارا اؤلکه‌نئن لاپ یاخشی یرئنده، رَعمِسِس بؤلگه‌سئنده مولک وردی. 12بوندان علاوه، یوسئف آتاسینا، قارداشلارینا و آتاسینین عایئله‌سئنه مالئک اولدوقلاری اوشاقلارین سایینا گؤره چؤرک تداروک گؤردو.
آجلیق
13آجلیق گتدئکجه او قدر گوجلَندی کی، هچ بئر اؤلکه‌ده چؤرک تاپیلمادی. آجلیق مئصئر و کَنَعان اؤلکه‌لرئنئن اهالئسئنی طاقتدن سالمیشدی. 14یوسئف ساتدیغی تاخیلین عوضئنده مئصئر و کَنَعان اؤلکه‌لرئنده ییغیلان بوتون پوللاری ییغیب، فئرعونون سارایینا آپاردی. 15مئصئر و کَنَعان اؤلکه‌لرئنده پول قورتاراندا بوتون مئصئرلی‌لر یوسئفئن یانینا گلئب ددئلر: «بئزه چؤرک ور. گؤزونون قاباغیندا نئیه اؤلَک؟ پولوموز آرتیق یوخدور.» 16یوسئف ددی: «حیوانلارینیزی ورئن. اگر پولونوز قورتاریب، حیوانلارینیزی ورئن، اونلارین عوضئنه سئزه چؤرک وره‌رم.» 17اونلار حیوانلارینی یوسئفئن یانینا گتئردئلر. یوسئف ده آتلارین، قویون-کچی و مال-حیوان سورولرئنئن و اِششَکلرئن عوضئنه اونلارا چؤرک وردی. همئن ائل اونلاری، حیوانلاری عوضئنه وردئیی چؤرکله ساخلادی.
18ائل باشا چاتاندا ائکئنجی ائل گئنه اونون یانینا گلئب ددئلر: «آغامیزدان گئزله‌ده بئلمه‌رئک کی، پولوموز قورتاریب، حیوان سورولرئمئز ده آغامیزیندیر. آغامیزین حوضوروندا جانیمیز و تورپاقلاریمیزدان باشقا بئر شیئمئز قالمادی. 19نه اوچون گؤزونون قاباغیندا تورپاغیمیزلا برابر محو اولاق؟ بئزی و تورپاقلاریمیزی چؤرک عوضئنه ساتین آل. قوی هم بئز، هم ده تورپاقلاریمیز فئرعونا قول اولسون. توخوم ور کی، اؤلمه‌یئب یاشایا بئلَک، هم ده تورپاغیمیز صحرایا چِوئرئلمه‌سئن.»
20بله‌جه، یوسئف مئصئرئن بوتون تورپاقلارینی فئرعون اوچون ساتین آلدی. بوتون مئصئرلی‌لر اؤز زمئلرئنی ساتدیلار، چونکی آجلیق اونلارا چوخ آغیر ائدی. تورپاقلار فئرعونون اولدو. 21یوسئف مئصئر اراضئسئنئن بئر اوجوندان او بئری اوجونا قدر، بوتون اهالئنی شهرلره کؤچورتدو. 22آنجاق کاهئنلرئن تورپاغینی ساتین آلمادی، چونکی اونلار فئرعوندان مَواجئب آلیب، فئرعونون وردئیی مَواجئبله دولانیردیلار. بونا گؤره ده تورپاقلارینی ساتمادیلار.
23یوسئف خالقا ددی: «باخ بو گون سئزی ده، تورپاقلارینیزی دا فئرعون اوچون ساتین آلمیشام. آلین، بو سئزئن توخومونوز! تورپاغی اَکه‌جکسئنئز. 24محصول ییغیلاندا اونون بشده بئرئنی فئرعونا وره‌جکسئنئز. بشده دؤردونو ده اَکئن توخومو اوچون اؤزونوزه ساخلایاجاقسینیز کی، هم اؤزونوز، هم اِو اَهلئنئز، هم ده اوشاقلارینیز اوچون یمک اولسون.»
25خالق ددی: «سن بئزئم جانیمیزی قورتاردین. قوی آغامیزین گؤزونده لوطف تاپاق، بئز فئرعونون قولو اولوروق.» 26یوسئف مئصئر تورپاغیندا بئر قانون قویدو کی، محصولون بشده بئری فئرعونا ورئلسئن. بو قانون بو گونه قدر قووّه‌ده‌دئر. آنجاق کاهئنلرئن تورپاغی فئرعونا ورئلمه‌دی.
ائسرایئلئن آخیر سؤزو
27ائسرایئلئن نسلی مئصئرده‌کی گوشِن وئلایتئنده یاشایاراق، اورادا مولک صاحئبی اولدو. اونلار چوخالیب آرتدیلار. 28یعقوب مئصئر تورپاغیندا اون یدّی ائل یاشادی. او، یوز قیرخ یدّی ائل عؤمور سوردو. 29ائسرایئلئن اؤله‌جیی گون یاخینلاشاندا، اوغلو یوسئفی چاغیریب ددی: «اگر گؤزونده لوطف تاپمیشام، اَلئنی بودومون آلتینا قوی و آند ائچ کی، منه مهرئبانلیق و وفا گؤرسده‌سن. خاهئش ادئرم منی مئصئرده باسدیرمایاسان. 30لاکئن اجدادلاریملا بئرلئکده یاتاندا منی مئصئردن آپاریب، آتالاریمین مقبره‌سئنده باسدیرارسان.» یوسئف ددی: «ددئیئن کئمی اده‌رم.» 31آتاسی ددی: «منه آند ائچ.» او دا اونا آند ائچدی. او واخت ائسرایئل یاتاغینین باشیندا اَیئلئب تارییا سجده اتدی.
Currently Selected:
یارادیلیش 47: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
