یارادیلیش 46
46
یعقوبون مئصئره گتمه‌سی
1ائسرایئل بوتون وار-یوخو ائله بئرلئکده یولا چیخدی. بئرشئبایا گلئب، آتاسی ائسحاقین تاریسینا قوربانلار کسدی. 2تاری، گجه رؤیالاریندا ائسرایئلی چاغیردی: «یعقوب! یعقوب!» یعقوب جاواب وردی: «بویور، بورادایام.» 3تاری ددی: «من تارییام، آتانین تاریسی‌یام. مئصئره گتمکدن قورخما، چونکی اورادا سندن بؤیوک بئر مئلّت تؤره‌ده‌جیم. 4من ده سنئنله بئرلئکده مئصئره گده‌جیم. سنی گئنه اورادان گتئره‌جیم. یوسئف اؤز اَلی ائله سنئن گؤزلرئنی باغلایاجاق.»
5یعقوب بئرشئبادان چیخدی. ائسرایئلئن اوغوللاری آتالاری یعقوبو و آرواد-اوشاقلارینی فئرعونون گؤندَردئیی عارابالارا مئندئردئلر کی، آپارسینلار. 6یعقوب و اونون بوتون اؤولادلاری حیوانلارینی و کَنَعان تورپاغیندا مالئک اولدوغو هر شیی گؤتوروب مئصئره گلدئلر. 7او، اؤزو ائله بئرلئکده، اوغوللارینی و قیزلارینی، اوغول نوه‌لرئنی و قیز نوه‌لرئنی و بوتون اؤولادلارینی مئصئره گتئردی.
8ائسرایئلئن مئصئره گلن اوغوللارینین، یعقوبلا اوغوللارینین آدلاری بله‌دئر:
یعقوبون ائلک اوغلو رِعوبئن. 9رِعوبئنئن اوغوللاری: خَنوک، پالّو، خِصرون و کَرمی. 10شَمعونون اوغوللاری: یِمواِل، یامئن، اوحَد، یاکئن، صوخَر و بئر کَنَعانلی آرواددان دوغولان شاول. 11لاوئنئن اوغوللاری: گِرشون، قِهات و مِراری. 12یهودانین اوغوللاری: عِر، اونان، شِلا، پِرِص و زِرَخ. آنجاق عِر و اونان کَنَعان اؤلکه‌سئنده اؤلدولر. پِرِصئن اوغوللاری: خِصرون و خامول. 13یئسّاکارین اوغوللاری: تولاع، پووّا، یوب و شئمرون. 14زِبولونون اوغوللاری: سِرِد، اِلون و یَخلِه‌اِل. 15بونلار یعقوبون لئیه‌دن دوغولان اوغوللاری‌دیر. لئیه اونلاری و قیزی دئنانی پَدّان‌اَرامدا دوغدو. یعقوبون اوغول و قیز اؤولادلاری جَمی اوتوز اوچ نفر ائدی.
16جادین اوغوللاری: صئفیون، خَگّه‌ی، شونی، اِصبون، عِری، اَرودی و اَرِه‌لی. 17آشِرئن اوغوللاری: یئمناع، یئشوه‌ی، یئشوه‌ی، بِرئعا و اونلارین باجیسی سِرَخ. بِرئعانین اوغوللاری: خِبِر و مَلکئیِل. 18بونلار زئلپادان دوغولان یعقوبون اؤولادلاری‌دیر کی، لابان اونو قیزی لئیه‌یه ورمئشدی. زئلپا یعقوبا بو اون‌آلتی نفری دوغدو.
19یعقوبون آروادی راحئلئن اوغوللاری: یوسئف و بِنیامئن. 20یوسئفئن مئصئرده آسِنَتدن مِنَسّه و اِفرایئم آدلی ائکی اوغلو اولدو. آسِنَت اون شهرئنئن کاهئنی اولان پوتی‌فِرانین قیزی ائدی. 21بِنیامئنئن اوغوللاری: بِلَع، بِکِر، اَشبِل، گِرا، نَعَمان، اِخی، روش، موپّئم، خوپّئم و آرد. 22بونلار یعقوبون راحئلدن دوغولان اؤولادلاری‌دیر. اونلار اون دؤرد نفر ائدئلر.
23دانین اوغلو خوشئم. 24نَفتالئنئن اوغوللاری: یَخه‌سی‌اِل، گونو، یِصِر، شئلّم. 25بونلار بئلحا‌دان دوغولان یعقوبون اؤولادلاری‌دیر کی، لابان اونو قیزی راحئله ورمئشدی. بئلحا بونلاری یعقوبا دوغموشدو. اونلار جَمی یدّی نفر ائدئلر.
یعقوب اوغوللارینین گوشِنده ساکئن اولماسی
26یعقوبون اوغوللارینین آروادلاریندان ساوایی، یعقوبون نسلئندن اولان و اونونلا مئصئره گلن اؤز اؤولادلاری، آلتمیش آلتی نفر ائدی. 27یوسئفئن مئصئرده دوغولان ائکی اوغلو ائله بئرلئکده، یعقوبون مئصئره کؤچن عایئله‌سئنده جَمی یتمئش نفر وار ائدی.
28یعقوب گوشِن یولونا بَلَدچئلئک اتمک اوچون اؤزوندن قاباق یهودانی یوسئفئن یانینا گؤندَ‌ردی. اونلار گوشِن وئلایتئنه گئرنده 29یوسئف عاراباسینی حاضیرلاییب، گوشِنه آتاسی ائسرایئلئن پئشوازینا گتدی. اونو گؤرونجه، اونون بوینونا ساریلیب و بوینوندا اوزون مودّت آغلادی. 30ائسرایئل یوسئفه ددی: «ائندی اؤله بئله‌رم، چونکی اوزونو گؤردوم. سن حله صاغ-سالاماتسان.» 31یوسئف قارداشلارینا و آتاسینین عایئله‌سئنه ددی: «قوی گدئم فئرعونا خبر ورئم کی، کَنَعان تورپاغیندا یاشایان قارداشلاریملا آتامین عایئله‌سی یانیما گلئبلر. 32اونلار سورو صاحئبی اولان چوبانلاردیر. اونا گؤره ده قویون-کچئلری، مال-حیوانلاری و بوتون شیلری ائله بئرلئکده گلئبلر. 33فئرعون سئزی چاغیریب ”نه ائشئن صاحئبئسئنئز؟“ سوروشسا، 34دئیَرسئنئز: ”آتالاریمیز کئمی بو قوللارین دا اوشاقلیقدان بَری حیواندارلیقلا مشغولدور.“ اِله کی، سئزی گوشِن وئلایتئنده یرلَشدئرسئن، چونکی مئصئرلی‌لر چوبان خایلاغیندان ائیره‌نئرلر.»
Currently Selected:
یارادیلیش 46: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
