Maa 14

Tulalekaa Yesu miwa

(Mat 26.1-16; Zãa 12.1-8)

1Gɛ̃amusu#Bɔa 12.1-11 dikpɛ ń Kaaso dikpɛo gɔ̃̀ gɔɔ pla, ɔ̃ sa'onkiaɔ ń Mɔizi ikoyãdanɛdeɔ lɛ́ zɛwɛɛlɛ wà gbɛ̃́ɔ zãmakɛ wà e Yesu kṹ wà dɛ. 2Asa aa mɛ̀: Wásu wà aà kũ dikpɛgɔɔzĩo, kɛ́ wasu fɛlɛ ń zɔaoo yãi.

3Gɔɔ pɔ Yesu ku Simɔ Kusude bɛ Bɛtani, àlɛ pɔble, ɔ̃ nɔɛe sɔ̃̀aazi a tulale bui maa ɔde loona kũa. Ɔ̃ à loonapi waa ɛ̀, à tulalepi kà Yesu miwa. 4Gbɛ̃eɔ ku we, yãpi ɔ̃̀má, ɔ̃ aa mɛ̀: Bɔyãi à tulalepi pãkɛ̀i màai? 5Tulale pɔ a ɔ̃a dɛ ãnusu ɔwatɛ̃ ɔaa do ń basɔooa, dɔ̃ yãa wa yìa wà a ɔ̃a kpà taasideɔwa. Ɔ̃ aa zɔadɔ̀wà. 6Ɔ̃ Yesu mɛ̀: À aà to we. Bɔyãi álɛ ĩadaiwài? À yãmaakɛ̀mɛɛɛ. 7Taasideɔ kuánɔ gɔɔpiiɛ.#Iko 15.11 Gɔɔ pɔ á yei, á fɔ̃ nakɛnɛ́, ãma máɔ kuánɔ gɔɔpiio. 8A kɛ̀ a gbãa lɛuɛ, à dɔ̀aa à tulale kà ma mɛwa ma gɛkpɛlaa yãiɛ. 9Sĩana malɛ oɛ́, gu pɔ wàlɛ ma bao kpau dũniau pii, waliɔ yã pɔ nɔɛpi kɛ̀ o aà yãdɔańgu yãi.

10Bee gbɛa Yudasi Isaliɔti pɔ dɛ gbɛ̃ɔn kuɛplaɔ do ũ gɛ̀ sa'onkiaɔ kĩi Yesu kpaamá yãi. 11Kɛ́ aa aà yãmà, an pɔ kɛ̀ na, ɔ̃ aa lɛgbɛ̃̀ɛ̀ wa ɔ̃a kpawà. Ɔ̃ àlɛ zɛwɛɛlɛ à Yesu kpamá.

Gɛ̃amusu blɛblea

(Mat 26.17-35; Luk 22.7-34; Zãa 13.21-38; 1 Kln 11.23-25)

12Kaaso dikpɛzĩ, gɔɔ pɔ wì Gɛ̃amusu sã kolokpa, Yesu iwaɔ òɛ̀: Má ń ye wà gɛ wà Gɛ̃amusu blɛ sɔukɛunɛi? 13Yesu a iwa gbɛ̃ɔn plaɔ zĩ̀ a ònɛ́: À gɛ́ wɛ̃lɛdau. Á kpaaũ ń gbɛ̃eo isɛa lo guu. À tɛaazi 14e ua pɔ a gɛ̃u, í o uabeleɛ, Mɛtulu mɛ̀ má á pilau, gua pɔ á Gɛ̃amusu blɛ bleu ń a iwaɔi? 15Kpɛdiakɔ̃a kpɛa zɔ̃ɔ pɔ ku musu wa kɛ̀kɛ ɔ̃ a ɔlɔɛ́, í sɔukɛwɛ̃ɛ we. 16Kɛ́ iwapiɔ dà zɛ́u, aa kà wɛ̃lɛpiu, aa è lá a ònɛ́wa. Ɔ̃ aa Gɛ̃amusu blɛ sɔukɛ̀ we.

17Kɛ́ oosi kɛ̀, Yesu kà we ń a iwa gbɛ̃ɔn kuɛplaɔ. 18Kɛ́ aa zɔ̃̀lɛ aalɛ pɔble, ɔ̃ Yesu mɛ̀: Sĩana malɛ oɛ́, á gbɛ̃́ pɔ wálɛ pɔble sãnuɔ, á gbɛ̃do a ma kpamá.#Soũ 41.10 19An pɔ yà, ɔ̃ aalɛ aà la dodo: Asa mamɛo yo? 20Ɔ̃ a ònɛ́: Á gbɛ̃ɔn kuɛplaɛɔ doɛ, wálɛ ɔkãaa ta doũ. 21Gbɛ̃nazĩn Nɛ a tá lá wà a yã kɛ̃̀wa,#Soũ 22.1-19; Isa 53.1-12 ãma waiyoo gbɛ̃́ pɔ a Gbɛ̃nazĩn Nɛ kpamápi. A maa wà ade ì yãao.

22Kɛ́ aalɛ pɔble, Yesu kàa sɛ̀, à baaadàu, ɔ̃ a ɛ̀'ɛ a kpàmá à mɛ̀: À sí, beeá ma mɛɛ. 23Ɔ̃ à imibɔ sɛ̀, à Lua saaukpà a kpàmá, ɔ̃ aa mì mpii. 24Ɔ̃ a ònɛ́: Beeá ma auɛ, Lua baakuańnɔ au#Bɔa 24.8 pɔ a bɔa dasi yãiɛ. 25Sĩana malɛ oɛ́, má vɛ̃ɛbɛ'i mi lɔo. E gɔɔ pɔ kpala pɔ Lua kpà gɛ bɔò gupuau, ɔ̃ má a dafu mi. 26Kɛ́ aa lɛsì aa làa, ɔ̃ aa bɔ̀lɛ aa gɛ̀ Kukpɛ sĩsĩpɔlɛu.

27Ɔ̃ Yesu ònɛ́: Ápii á ma to we, asa a kɛ̃a wà mɛ̀: Má sãdãna lɛ́, sãɔ i fãaa.#Zkl 13.7 28Ń beeo ma vua gbɛa má dɔaaɛ́ Galile. 29Ɔ̃ Piɛɛ òɛ̀: Baa tó wà n to we pii, má n to weo. 30Ɔ̃ Yesu òɛ̀: Sĩana malɛ onɛ, gwãasĩnaa e ko àɔ lɛ́ gɛ̃n plaade zu, ńyɔ̃ lelekpamazi gɛ̃n aaɔ̃. 31Ɔ̃ Piɛɛ lɛgbɛ̃̀ à mɛ̀ maũmaũɛ: Baa tó má gannɔ, má lelekpanzi bauo. Ɔ̃ aa ò màa sɔ̃ mpii.

Yesu wabikɛa Gɛsɛmani

(Mat 26.36-46; Luk 22.39-46)

32Kɛ́ aa kà gu pɔ wì mɛ Gɛsɛmani, ɔ̃ Yesu ò a iwaɔnɛ: À zɔ̃lɛ la e màɔ wabikɛ. 33Ɔ̃ à Piɛɛ ń Zakio ń Zãao sɛ̀ gɛ̀ńnɔ. Í wãa kà aà pɔa, tolobi zùaagu, 34ɔ̃ a ònɛ́: Pɔsia ma kũ gbãa e ma ka gaa. À zɛ la à itɛ̃kɛ. 35Kɛ́ à gɛ̀ aɛ yɔɔ, ɔ̃ à wùlɛ a gbɛɛu à wabikɛ̀, tó a zɛ́ ku, gɔɔpi gɛ̃ala. 36À mɛ̀: Baa, ma Mae, ń yãpii zɛ́ vĩ. To kɛɛonapi dɔmazi, ãma ma pɔeã no, sema n pɔ. 37Kɛ́ à ɛ̀a sù a gbɛ̃ɔn aaɔ̃piɔ kĩi, a è aalɛ i'o. Ɔ̃ a ò Piɛɛɛ: Simɔ, nlɛ i'o yã? Ni fɔ̃ n itɛ̃kɛ̀ baa yɔɔoa? 38À itɛ̃kɛ àɔ wabikɛ, kɛ́ ásu fu yɔ̃awao yãi. Nisĩna yei, ãma mɛ busɛ. 39À ɛ̀a gɛ̀ wabikɛi, ɔ̃ à yãdoũpi ò lɔ. 40Kɛ́ à ɛ̀a sù, a è aalɛ i'o, asa an wɛ́ gbiakũ̀ɛ. Ɔ̃ aai dɔ̃ lá wa oɛ̀o. 41Aà ɛa sua gɛ̃n aaɔ̃de a ònɛ́: Álɛ i'o álɛ kãmabo e tiaa? Bee mɔ̀. Gɔɔ kà sa. À gwa, wàlɛ Gbɛ̃nazĩn Nɛ kpá duunkɛnaɔwa. 42À fɛlɛ wà gɛ́. Gbɛ̃́ pɔ lɛ́ ma kpamá lɛ́ mɔ́ kee.

Yesu kũa

(Mat 26.47-56; Luk 22.47-53; Zãa 18.3-12)

43Kɛ́ Yesu lɛ́ yãpi o gɔ̃̀ɔ, ɔ̃ aà iwapiɔ gbɛ̃do Yudasi kà ń bila pɔ bɔ̀ sa'onkiaɔ ń Mɔizi ikoyãdanɛdeɔ ń gbɛ̃zɔ̃ɔɔ kĩiɔ. Aa fɛ̃ndaɔ ń goɔ kũkũa. 44Gbɛ̃kpamadepi sɔ̃ à dɔ̀aa à seela ònɛ́ à mɛ̀ gbɛ̃́ pɔ asu lɛpɛ̀wà, aapin we. Aa aà kũ gbãa aa taò. 45Kɛ́ à kà we, ɔ̃ à taa'ò Yesuwa gɔ̃̀ɔ, a òɛ̀: Mɛtulu! Ɔ̃ à lɛpɛ̀wà. 46Ɔ̃ wà ɔpɛ̀lɛwà wà aà kũ̀ giũgiũ. 47Zã guu gbɛ̃e a fɛ̃nda wò, à sa'onkia zĩkɛnae lɛ̀ò, à aà swã gò. 48Ɔ̃ Yesu ònɛ́: Kpãi wɛliwɛn ma ũ, ɔ̃ a mɔ ma kũi ń fɛ̃ndaɔ ń goɔa? 49Miɔ kuánɔ Lua ua lagulɛdɔ màɔ yãdaɛ́, i ma kũo. Ãma bee kɛ̀ kɛ́ yã pɔ kɛ̃a e pa yãiɛ.#Isa 53.8 50Ɔ̃ aà iwaɔ baalɛ̀ pii aa aà tò we.

51Ɛwaasoe tɛaazi, a zwãa kuaaala pɔeyesai. Kɛ́ wà aà kũ̀, 52ɔ̃ à a zwãa tònɛ́ we, à baalɛ̀ puizi.

Piɛɛ lelekpaa Yesuzi

(Mat 26.57-75; Luk 22.54-71; Zãa 18.12-27)

53Ɔ̃ wà gɛ̀ ń Yesuo sa'onkia bɛ. Sa'onkiaɔ ń gbɛ̃zɔ̃ɔɔ ń Mɔizi ikoyãdanɛdeɔ kãaaa we mpii. 54Piɛɛ tɛ́ ń kpɛ kãaa e à gɛ̀ gɛ̃̀ sa'onkia bɛ'ua. À zɔ̃̀lɛ we, àlɛ tɛkpakpa ń dɔaiɔ sãnu.

55Sa'onkiaɔ ń Yuda yãkpalɛkɛnaɔ pii aalɛ yã wɛɛlɛ wà dɔ Yesuwa wà e wà aà dɛ, aai eo. 56Wà yãdɔ̀dɔwà dasi, ãma an yãe i kɔ̃sɛo. 57Ɔ̃ gbɛ̃eɔ fɛ̀lɛ aa yãdɔ̀wà lɔ aa mɛ̀: 58Wá mà dee mɛ̀ á luakpɛ pɔ gbɛ̃nazĩna dɔ̀ wí, i a pãle pɔ gbɛ̃nazĩna mɛ́ i dɔo dɔ gɔɔ aaɔ̃ɛ. 59Baa ń beeo an lɛ́ i kɛ doũo. 60Ɔ̃ sa'onkia fɛ̀lɛ zɛ̀ zã guu à Yesu là à mɛ̀: Ńyɔ̃ yãe zãsioa? Yã pɔ wàlɛ dɔdɔmapiɔ dɛa ni? 61Yesu nilɛ kpɛ̃́, i yãe wewào, ɔ̃ sa'onkiapi ɛ̀a à aà là à mɛ̀: Mmɛ ń Lua baaade Nɛ Mɛsi ũa? 62Ɔ̃ Yesu mɛ̀: Mamɛ má aà ũ. Á Gbɛ̃nazĩn Nɛ e zɔ̃lɛa Gbãapiide ɔplaai,#Soũ 110.1 mɛ́ á aà mɔa e lounaau.#Dan 7.13 63Ɔ̃ sa'onkiapi a ulaɔ gà a kɛ̃̀ à mɛ̀: E'e, wá bàa ku ń seeladeɔ lɔe? 64Á mà lá à dɔ́ɛ ń Luao weó? Kpelewa a zɛòi? Ɔ̃ aa yãdàaala mpii, aa mɛ̀ à kà wà aà dɛ.#Lev 24.16 65Ɔ̃ wà fɛ̀lɛ wàlɛ lɛ'ikakawà.#Isa 50.6 Ɔ̃ wà pɔkùɛ̀ aà wɛ́wa, wàlɛ aà lɛlɛ ń ɔkũo, wàlɛ oɛ̀: Ãnabikɛkɛ, ní gbɛ̃́ pɔ n lɛ o. Ɔ̃ dɔaiɔ aà kũ̀, aa aà sãnkɛ̀kɛ.

66Piɛɛ ku zĩlɛ ua, ɔ̃ sa'onkia bɛ nɔɛ zĩkɛnaɔ do mɔ̀ we. 67Kɛ́ à Piɛɛ è, àlɛ tɛkpakpa, ɔ̃ à aà gwà soee, a òɛ̀: Mpi sɔ̃, iɔ sãnu ń Yesu Nazalɛtipioɛ. 68Ɔ̃ à lelekpà à mɛ̀: Má dɔ̃o, mi ma lá nlɛ o seo. Ɔ̃ à fɛ̀lɛ gɛ̃̀ gɔ̃u guu. 69Nɔɛpi ɛ̀a à aà è we, ɔ̃ a ò gbɛ̃́ pɔ zɛa weɔnɛ à mɛ̀: Gɔ̃ɛpiá an gbɛ̃doɛ. 70Ɔ̃ Piɛɛ lelekpà lɔ. Kɛ́ à kɛ̀ sàa yɔɔ, gbɛ̃́ pɔ zɛa weɔ ò Piɛɛɛ: Sĩanaɛ an gbɛ̃don n ũ, asa Galile gbɛ̃́n n ũ. 71Ɔ̃ Piɛɛ vãikpàaĩ ń azĩao à mɛ̀: Má sì ń Luao, má gbɛ̃́ pɔ álɛ aà yã'opi dɔ̃o. 72Wegɔ̃ɔ ɔ̃ ko lɛ́ gɛ̃n plaade zù, ɔ̃ yã pɔ Yesu ò dɔ̀ Piɛɛgu, kɛ́ à mɛ̀ e ko àɔ gɛ́ lɛ́ gɛ̃n plaade zui, a lelekpaazi gɛ̃n aaɔ̃. Ɔ̃ à nà ɔɔlɔwa.

Currently Selected:

Maa 14: Boo2024

Highlight

Copy