Maa 13

Yelusalɛũ dúuzɔ̃a ń dũniaɛ bee laagɔɔ seelaɔ

(Mat 24.1-22; Luk 21.5-24)

1Kɛ́ Yesu lɛ́ bɔ Lua ua, aà iwae òɛ̀: Mɛtulu, gwa lá wà kpɛ́ maaɔ dɔ̀ ń gbɛ̀ kɛfɛnaeɔ taaɔ. 2Ɔ̃ Yesu òɛ̀: N kpɛ́ zɔ̃ɔpi è piia? Gbɛe a gɔ̃ dikɔ̃a weo, wa a dúuzɔ̃ piiɛ.

3Yesu zɔ̃lɛa Kukpɛ sĩsĩpɔlɛu, aà aɛ dɔa Lua uawa. Piɛɛ ń Zakio ń Zãao ń Ãndeleo mɛ́ kuaanɔ ntɛ̃ɛ, ɔ̃ aa aà là aa mɛ̀: 4Owɛ̃ɛ, bee a kɛ bɔɛ ni? Bɔmɛ aɔ dɛ apii kɛgɔɔ seela ũi? 5Ɔ̃ Yesu ònɛ́: À laaika, ásu to wà á sãsão. 6Gbɛ̃́ɔ mɔ ń ma tɔ́o dasi, aai mɛ Mɛsin ń ũ, aai gbɛ̃́ɔ sãsã dasi. 7Tó a zĩkakɔ̃fĩ mà ge a bao, ásu bilikɛo. Sema bee kɛ, ãma dũnia laaan we gĩ́ao. 8Bui ń buioɔ fɛlɛ ń kɔ̃o, màaɛ lɔ busu ń busuo. Tɔɔlɛ a lualua gueɔ mɛ́ nɔana aɔ ku. Yãpi aɔ dɛ lan nɔwãwã daalɛawaɛ.

9Àɔ ku ń laaio. Wa á kũkũ wà yãkpalɛkɛánɔ, wi á gbɛ̃ luasisikpɛɔ guu. Áɔ zɛa busu gbãadeɔ ń kiaɔ aɛ ma yãi, íɔ dɛnɛ́ ma seeladeɔ ũ. 10Sema wà baonakpa bui piiɛ gĩ́a. 11Tó wà gɛ̀ánɔ yãkpalɛu, ásuli dɔaa à bilikɛ yã pɔ á owao. Yã pɔ Lua a soso kaɛ́ á lɛ́u gɔɔbeezĩ ɔ̃ á o, asa i kɛ ámɛ á yã'oo, Lua Nisĩnaɛ. 12Vĩi ń dãunaɔ kɔ̃ kpamá dɛa yãi. Màa maeɔ ń nɛɔ kpamá. Nɛɔ bɔ ń deɔ ń ń daɔ kpɛ wà ń dɛ. 13Gbɛ̃pii a zaágu ma yãi. Gbɛ̃́ pɔ mɛnafɔ̃̀ e a lɛ́wa, ade mɛ́ a bɔ.

14Tó a tɛ̃̀ gugbãlɛbɔ#Dan 9.27, 11.31, 12.11 è gu pɔ dɛ àɔ kuuo (kyokɛna yãpi da), gbɛ̃́ pɔ ku Yudeɔ baalɛ aa mipɛ sĩ̀sĩɔwa. 15Gbɛ̃́ pɔ ku a kpɛ́ musu su pila gɛ̃ kpɛ́u pɔe sɛio. 16Gbɛ̃́ pɔ kpɛ búa su ɛa bɛ a ula sɛio. 17Waiyoo nɛadeɔ ń nɔsindeeɔ gɔɔpizĩ. 18À wabikɛ kɛ́ yãpiɔ su kɛ buziɛo, 19asa wɛtɛ̃a pɔ aɔ ku gɔɔpi aɔ zɔ̃ɔɛ.#Dan 12.1 Za gɔɔ pɔ Lua dũnia kɛ̀ e gbã a taa i kɛo, mɛ́ a kɛ bau lɔo. 20Tó Dii i gɔɔpiɔ laoo, gbɛ̃e a bɔo. Ãma à gɔɔpiɔ lào a gbɛ̃́ pɔ à ń sɛ́ɔ yãiɛ.

Gbɛ̃nazĩn Nɛ mɔa

(Mat 24.23-44; Luk 21.25-38)

21Gɔɔ bee tó wa òɛ́ Mɛsi gwa kɛ, ge Mɛsi ku le, ásu sio. 22Asa mɛsi ɛgɛnaɔ ń ãnabi ɛgɛnaɔ mɔ aa dabudabuɔ ń yãbɔnsaɛɔ kɛ, kɛ́ baa gbɛ̃́ pɔ Lua ń sɛ́ɔ aa ń sãsãò, tó a zɛ́ ku. 23Àɔ ku ń laaio, ma dɔ̀aa ma yãpii òɛ́ za káauɛ.

24Gɔɔ bee wɛtɛ̃api gbɛa ĩatɛ̃ a siakũ, mɔvua a ikɛo, 25saanaɔ wolo luawa, pɔ pɔ ku luawapiɔ zã ń pɛkĩiwa.#Isa 13.10, 34.4; Yoɛ 3.4 26Wi Gbɛ̃nazĩn Nɛ mɔa e lounaau ń gbãa zɔ̃ɔo ń gawio,#Dan 7.13 27i a malaikaɔ zĩ aa gbɛ̃́ pɔ Lua ń sɛ́ɔ kãaa aa ń bɔlɛ dũnia gola siiɔ̃ guu, za dũnia lɛla ń a lɛleo.

28À yã pɔ figi lí lɛ́ daɛ́ ma. Tó a gɔ̃naɔ busɛkũ̀ mɛ́ a lá lɛ́ paɛ, ɔ̃ i dɔ̃ kɛ́ guantɛ̃na kãikũ̀. 29Màaɛ lɔ, tó á è yãpiɔ lɛ́ kɛ, àɔ dɔ̃ kɛ́ aà mɔa kãikũ̀ɛ, a ku kpɛɛlɛ. 30Sĩana malɛ oɛ́ gɔɔbeedeɔ gɛ̃lɛ yãpiɔ pii kɛsaio. 31Musu ń tɔɔlɛo a gɛ̃lɛ, ãma ma yãɔ gɛ̃lɛa vĩo. 32Gbɛ̃e a gɔɔ ge a zaa dɔ̃o, baa malaika pɔ aa ku luabɛɔ ge Lua Nɛ, sema Mae Lua ado.

33Àɔ ku ń laaio à itɛ̃kɛ, asa á dɔ̃ zĩ́ pɔ gɔɔpi a kao. 34A dɛ lan gbɛ̃́ pɔ lɛ́ gɛ́ wɛ̃lɛuwaɛ. À a bɛ tò a zĩkɛnaɔnɛ baade ń a zĩo, ɔ̃ a ò a gudɔ̃anaɛ aà itɛ̃kɛ. 35Apiɔ sɔ̃ á uabele sugɔɔ dɔ̃o, oosin nò, wɛɛdon nò, ko'ɔɔlɔan nò, gufɛ̃nɛn nò. Ayãmɛto à itɛ̃kɛ, 36kɛ́ asu su kãndo, i á le álɛ i'oo yãi. 37Yã pɔ malɛ oɛ́, malɛ o gbɛ̃piiɛɛ, à itɛ̃kɛ.

Currently Selected:

Maa 13: Boo2024

Highlight

Copy