Ding Dalit 34
34
Kapurian king Hustisia ning Dios#Ing pamansag na king Hebreo: Kanitang i David ginawa yang sangkan a sira ya buntuk king arapan nang Abimelec; pepalakuan neng Abimelec. Inyang ala ne king arapan nang Abimelec, sinulat neng David iting Kanta.
1Pasalamatan ke ing Ginu king kapilan pa man;
labi ku e la tuknang pupuri king Ginu.
2Ing Ginu ya ing pagmaragul ku;
makiramdam kayu at tumula, ikong mayayalipusta.
3Parangalan yeng abe ku ing Ginu;
miyabe-abe ta yang purian ing lagyu na.
4Menalangin ku king Ginu, at pekibatan na ku;
karing sablang kakung takut linigtas na ku.
5Lumawe kayu king Ginu at tumula kayu,
at e kayu mipakarine.
6Ing taung maliligalig king Ginu minaus ya,
at pekiramdaman ne;
linigtas ne king sabla nang dusa.
7Ing anghel ning Ginu babanten na la detang ating takut at gagalang;
king panganib liligtas na la.
8 # 1 Ped 2:3. Pilasan yu at subukan ing kayapan na!
Tumula ya ing taung lalapit king Ginu!
9Ikong taung pinili ning Ginu, pitakutan ye't igalang,
at sabla yung kailangan kekong kamtan.
10Magkulangan la at daranup ding leon,
oneng detang king Ginu magdulap e la magkulangan.
11Meko keni, kalupa kung tau;
kaku makiramdam kayu
ban takut at kagalangan king Ginu ituru ku.
12 # 1 Ped 3:10-12. E wari makabang bie ing kekong pagnasan, at sablang kayapan ing buri yung kamtan?
13Uli niti, dila keko yang pigilan
at e kayu magsalitang kalaraman.
14Ing e mayap keko nang lakuan,
at ing mayap yang kekong daptan;
panintunan at pakikuanan ing kapayapan.
15Lalawan na la at ingatan ning Ginu ding matulid,
at pakiramdaman nang karelang saingsing.
16Lalabanan na la ning Ginu ding taung darapat pamikasala,
at paten na la ba na lang makalinguan.
17Neng mamaus lang taung matulid, pakiramdaman na la ning Ginu,
at liligtas king sabla rang problema.
18Malapit ya ing Ginu karetang meina lub,
at sasagipan na la detang milako kapanayan.
19Dakal ing kasakitan a daralanan na ning taung-matulid,
oneng iligtas ne ning Ginu kareting kasakitan.
20 # Jn 19:36. Ingatan ne ning Ginu nanuman ing mapalyari;
metung man karing butul na alang mapakli.
21Ing e ustu ya ing makamate king makasalanan;
detang masama karing banal tanggap lang kaparusan.
22Iligtas na la ning Ginu ding talasuyu na; alang dugpang parusa karetang lalapit king Ginu.
Currently Selected:
Ding Dalit 34: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
