Ding Dalit 33
33
Kantang Kapurian
1Ikong sablang matulid a pamibiebie,
king Ginu tumula kayu;
ikong maki pusung dalise,
kapurian sukat yung ibie.
2Kayabe ning lira ing Ginu kekayu yang purian,
kayabe ding gitara#33:2 King Hebreo: Alpa a ating apulung kuerdas. panigtigan ye.
3Pagkanta yeng bayung kanta,
manigtigan kayung masalese kayabe ning masikan a kulisak!
4Uling ing amanu ning Ginu mitmung katapatan,
at apanaligan sabla nang depatan.
5Kaluguran na ing hustisia at ing katapatan;
kakatmuan ne ing yatu king lugud na.
6King amanu na banua melalang ya,
aldo, bulan, batuin, at aliwa pa.
7Ing danum ning dagat,
at pati itang atyu king kalalaman titipunan na king metung a lugal.
8Galangan ne sa ning meto yatu ing Ginu!
Samban ye, ikong sablang mabibie king yatu!
9Melalang ya ing yatu
king metung nang amanu;
minutus ya mu at ing sabla pepalto na.
10Ing Ginu ya ing sisira king tatangka da ring bansa;
bibiguan nang e mayap dang nasa.
11Oneng ding sariling balak ning Dios manatili la kabang-kaba;
kapagnasan na kapilan man e la matda.
12Maligaya ya ing bansa, nung ing Dios ya ing Ginu na.
Maligaya ya ing balen a pinili na.
13Ibat banua ing Ginu makalawe ya;
sablang taung lelangan na lalawan na.
14Ibat king tronu na pagumasdan na
sablang tau king yatu.
15Ya ing miyubug king isip da;
sablang dapat da balu na.
16 # Jdt 9:7; 1 Mac 3:19. Uling dakal ya sundalus
magwagi ne wari ing ari?
Uling tutu yang masikan
ing makilaban akua na na wari ing kaligtasan?
17Ding kabayu ala lang kabaldugan
ban sumambut king pamakilaban;
karelang sikanan e mu apanaligan ban miligtas.
18Oneng ing Ginu ingatan na la
detang ating takut at gagalang,
at sablang manalig king lugud na.
19Iligtas na la king kamatayan;
king panaun ning danup dinan na lang pamangan.
20Ing Ginu ya ing kekatang kapanayan, talasaup, at kambilan.
21Maligaya kami uli na,
uling lagyu nang banal panaligan mi ya.
22O Ginu, lugud mu kekami ipakit
anti na ning keka ke manalig.
Currently Selected:
Ding Dalit 33: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
