Lucas 3

Ing Pamanaral nang Juan a Maminyag

(Mateo 3:1-12; Marcos 1:1-8; Juan 1:19-28)

1Labi neng limang banuang Emperador kanita i Tiberio; i Poncio Pilato ya naman ing gobernador king Judea, at i Herodes ya ing pamuntuk ning Galilea. I Felipe a kapatad na pamuntuk ne man king sakup na ning Iturea at Traconite. I Lisanias ya ing pamuntuk king Abilinia. 2I Anas at i Caifas naman ila ding pekapun ding pari. King panaun a ita atyu king disyerto i Juan a anak nang Zacarias. Kanita dinatang kang Juan ing amanu na ning Dios. 3Inya linual ya i Juan at linibut king mabilug a sasakupan ning Ilug ning Jordan. At panaral na, Sisian yu la at painggulutan ding kekayung kasalanan at pabinyag kayu ban ing Dios patawaran na kayu. 4#Isa 40:3-5.Antimo ing makasulat king libru nang propeta Isaias,

Ating metung a taung kukulisak

king disyerto:

Isadia ye ing dalanan ning Ginu;

tuliran ye ing dalan

a dalanan na!

5Tambunan yu la ding kulkul,#3:5 O kaya: libis.

at patagan ding bunduk at bunduk-bundukan.

Tuliran yu la ding dalan a bukut,

at samasnan yu la

ding matsurang dalan.

6Ding sablang tau akit da

ing pamagligtas na ning Dios!

7 # Mt 12:34; 23:33. Dakal lang taung linapit ban pabinyag la kang Juan. Ngana karela, Ikayung lahing ubingan! Ninung sinabi kekayung aligtasan yu ing mua na ning Dios a malapit nang datang? 8#Jn 8:33.Daptan yu la detang bage a pakilala king sinisi na kayu at ginulut karing kekayung kasalanan. At e yu pangangas sasabian king i Abraham ya ing kekayung makatua. Sasabian ku kekayu king agyang karing batung deni ing Dios makapalto yang lahi nang Abraham! 9#Mt 7:19.Makasadia ne ing palakul ban kuturan la angga king yamut ding tanaman. Makutud ya ing balang tanaman a e mamungang mayap at miyugse ya king api.

10Ngarang kinutang kang Juan, Nung makanyan, nanu ing sukat ming daptan?

11Nganang mekibat, Ninuman ing ating aduang kapiblas a imalan sukat neng idake ing metung ketang ala, at ing ninumang ating pamangan sukat na lang dinan ding aliwa.

12 # Lc 7:29. Linapit la kang Juan ding mapilan a talapanyingil buis ban pabinyag at kitnan de, Maestro, nanu ing daptan mi?

13Pekibat na karela, E kayu sisingil sobra king sukat yung singilan.

14Kitnan dia naman ding mapilan a sundalus. Ngara, Ikami naman, nanu ing kekeng sukat daptan?

Pekibat na karela, E kayu kakuang salapi kaninu man king kapamilatan na ning puersa o king uli na ning pamamatakut. Managyu na kayu king sueldung tatanggapan yu.

15Meragul ing kapanayan ding tau at pigmulalan de i Juan. Inisip da king ya na siguru ing Cristo. 16Inya nganang Juan karela ngan, Bibinyagan da kayu king danum, oneng ing metung a maygit kesa kanaku datang ya. E ku man karapatdapat agyang kalag mu karing tali nang sandalyas. Binyagan na kayu king Banal a Espiritu ampon king api. 17Darala ne ing sabungke na ba nang daran at ikawani ing pale king sepu at tipunan na ing pale#3:17 King Griego: trigu. king bangan at dulukan na ing sepu king aping e matatda kapilan man.

18King miyayaliwang paralan agkatan na lang Juan ding tau kabang panaral na karela ing Mayap a Balita. 19#Mt 14:3, 4; Mc 6:17, 18.Oneng menaral yang laban i Juan kang Gobernador#3:19 King Griego: tetrarka. Herodes, uling gewa neng asawa na i Herodias agyamang asawa ne ning kapatad na. Dakal pa ing e mayap a depat nang Herodes. 20At ing lalu pang e mayap a depat na ya ing pepasukul ne i Juan.

Ing Pangabinyag nang Jesus

(Mateo 3:13-17; Marcos 1:9-11)

21Mebinyag la ngan ding taung atyu karin at pati na i Jesus. Kabang manalangin ya i Jesus mibuklat ya ing banua. 22#Gen 22:2; Dalit 2:7; Isa 42:1; Mt 3:17; Mc 1:11; Lc 9:35.At tinipa ya ing Banal a Espiritu a anting patipati at tinuklu ya kang Jesus. Nganang sinabi ning metung a siwalang ibat banua, Ika ing Anak kung pakamalan; mipaligayan kung tutu keka.

Ding Makatua nang Jesus

(Mateo 1:1-17)

23Atin neng atlung pulung banua tua i Jesus inyang pegumpisan na ing obra na. King kaisipan da ring tau, i Jesus anak neng Jose a anak nang Heli, 24a anak nang Matat, a anak nang Levi, a anak nang Melki, a anak nang Janai, a anak nang Jose, 25a anak nang Matatias, a anak nang Amos, a anak nang Nahum, a anak nang Esli, a anak nang Nagai, 26a anak nang Maat, a anak nang Matatias, a anak nang Semein, a anak nang Josec, a anak nang Joda, 27a anak nang Joanan, a anak nang Resa, a anak nang Zerubabel, a anak nang Salatiel, a anak nang Neri, 28a anak nang Melki, a anak nang Adi, a anak nang Cosam, a anak nang Elmadam, a anak nang Er, 29a anak nang Josue, a anak nang Eliezer, a anak nang Jorim, a anak nang Matat, a anak nang Levi, 30a anak nang Simeon, a anak nang Juda, a anak nang Jose, a anak nang Jonam, a anak nang Eliakim, 31a anak nang Melea, a anak nang Menna, a anak nang Matata, a anak nang Natan, a anak nang David, 32a anak nang Jese, a anak nang Obed, a anak nang Boaz, a anak nang Salmon, a anak nang Nason, 33a anak nang Aminadab, a anak nang Admin, a anak nang Arni, a anak nang Hezron, a anak nang Perez, a anak nang Juda, 34a anak nang Jacob, a anak nang Isaac, a anak nang Abraham, a anak nang Tera, a anak nang Nahor, 35a anak nang Serug, a anak nang Reu, a anak nang Peleg, a anak nang Eber, a anak nang Sela, 36a anak nang Cainan, a anak nang Arfaxad, a anak nang Sem, a anak nang Noe, a anak nang Lamec, 37a anak nang Matusalem, a anak nang Enoc, a anak nang Jared, a anak nang Mahalaleel, a anak nang Kenan, 38a anak nang Enos, a anak nang Set, a anak nang Adan, a anak ning Dios.

Currently Selected:

Lucas 3: PmPV

Highlight

Copy