SOOLLA 108
108
Cenda kay njunda
1Soolla vi David.
2Hurun cuk ga wa Loonna,
an min tan a gi soolla geleɗeŋga.
Gola, aŋŋi bibiŋil manda.#Soo. 5.8-12; 60.5-12
3Jew an a dliɗ ki kolo maɗira ni
an bu diŋ manna,
lina garaɗ ay ki ni u delenu.
4Yawe, duk suuna halaŋ an gaŋ deɓ cocoo,
an gi soolla geleɗeŋga duk njaf suuna halaŋ.
5Kay ɗegee maŋga ŋgol su huulona,
gasi maŋga tuɗ ta ta tew eg ɗugulla.
6Lona tak ŋgol maŋga ay ki kolo huulona,
bibiŋil maŋga ti kay yam ndaŋgara halaŋ.
7Kay ana suu aŋ minisina suɗ kiyo,
buɗusi ki u saɓak maŋŋa.
8Lona ɓak ay hu Ziim ma Teteɗna ana,
An su kasi wa, an hin ɓorow ii Sekem kiyo,
an hin ŋga suu man suu hu Sukkotna.
9Galaad ni manu, Manasse ni varan lay,
Efrayimmi jumba kay yanda,
Yuda ni tokolo manda.
10Moab ni tassa ma an mbus tan huna,
an cuk tuɓuru manda ni kay Edom,
an bay eg suu Filistinna.
11Sa ma hin tuɗun hu ɦoŋzi ma saɓakŋa ni gege?
Sa ma hin tinin ta ta Edomma ni gege?
12Lini aŋ Lona ma noyomi kina gawɗi su,
ni Lona ma ka tuɗ u suu mami suu duuna oloɗina?
13Mbay njun umi ko suu babali mamsina,
kay njunda vi suu warna ka ndak a li vaɗi.
14Ҥi, Lona, lini aŋ ka u amiya ni,
ami ndak a su kay suu babali mamsina.
Currently Selected:
SOOLLA 108: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
