SOOLLA 101
101
Mul ma Jivina
1Soolla vi David.
An min gi soolla kay ɗegeera u gasira,
an min luu ni kaŋu, Yawe.
2An min so tan a tuɗ hu voɗ maŋga ɗegee.
Aŋ hin mbay egenni saɓage?
Hu ziinni an wi yal ma ŋgom tanna,
kak u hurun ɗegee.
3An ka caa yan kay tlesuu hin ba kinaɗi,
an ka min goɓ fulinaɗi,
asi ka ndak a fi saɓakŋa kanɗi.
4Suu hurusi cona ɦuɗ ha ki egenna day.
An ka min dla coraɗi.
5Sa ma tum u suuna ŋgay gumuna
an hin seŋem vunumu.
Ii mayra cora u huu ma mbambana,
an ka min suu asinaɗi.
6An hin ɓorow ii suu gasi suu ka hu mbassana kiyo,
asina ni suu hin lak egenna.
Sa ma poy mamba jivina,
sa namma ni saan ma sunda.
7Sa ma ganyam suunana,
sa namma ka ndak kak varanɗi.
Suu di dlara kaboyna ka col fokonɗi lay.
8Hu buuna halaŋŋi
an seŋ vun suu co suu hu mbas mandana kiyo,
an bulumusi ki hu zi ma vi Yawena,
asi suu li dla cora halaŋ.
Currently Selected:
SOOLLA 101: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
