VUN ŊGOLNA 4
4
Wi yal dlara ni va ma jivi ɦayna
1Goryonu, hum haɗta vi bugira haa,
so tagi a li ki ni suu ma neeyna.
2Na daŋ may an dagi ha ni gaɗta jivira
ka agi hinin haɗ manda kiɗi.
3An lay ay vo vi bunni a goo ma jivina,
sun minin coco ko goo dewna na.
4Bun haɗan ay ni ko ndal wanda na,
mal huruŋ ki a van boy manna.
Hum u gaɗ manda aŋ hin kak iiriya.
5Haɗ wi dlara, haɗ nera may.
Humuŋ maa dlara an daŋgara kiɗi, ɦal ŋgoroŋ maɗɗi.
6Noy yalna wi dlara kiɗi,
nam hin goloŋŋi namu,
minimu nam hin njun kaŋu.
7A fi yalna wi yal dlara ni
so taŋ a haɗam ki jiviya,
noy tlesuu koŋŋa ki bel a fi nera.
8Vi taŋ eg wira tok ndaɗ hin ɦuɗuŋ koloo,
ndaɗ hin tlaŋ yaŋ kolo lini aŋ vaɗ koŋ jiviya.
9Ndaɗ hin kuluɓuŋ jumba oora kaŋu.
Ndaɗ hin ɦaŋ zew ŋgol ma tii semma keleŋu.
Hin poyra vi suu cona kiyo
10Goonna, hum haa, van boy manna kaŋu,
basa maŋga kay ndaŋgara
hin zul ha fokŋi zuli na ɗow ɗow.
11An tuɗuŋŋi hu voɗ yalna,
an tuɗuŋŋi hu voɗta ɗegeera.
12Va ka hin laŋ hu tuɗ maŋ ndaɗtaɗi,
lini aŋ liŋ lay ni va ma daɓaŋ seŋ kaɗi.
13Col seŋ eŋ kay haɗ maŋga,
noyoɗ kiɗi,
ŋgomoɗ jiviya, ndaɗ ni iiri maŋga.
14Tuɗ taŋ hu voɗta vi suu conaɗi,
dlaɓ taŋ u suu li dla coraɗi lay.
15Hin voɗ ndaɗta, tuɗ huɗi,
wak ki keŋeɗu, tli huruɗɗi.
16Asi ka buu sen kaŋga bay li dla co ay kiɗi,
bay asi a ndi sa ki ga na ba ni asi ka buu senɗi.
17Asi ti ni fu ma kulum ay kulina,
sum ma asi camma ni ma ɓaɗam ay fun dla corana.
18May voɗta vi suu ɗegeena ni kiɗikka fo lina,
kiɗik ndaɗta tuɗ ha fok gak gak ɓo lina kiyo.
19Voɗta vi suu conara ni ndufunda,
asi ka wi tlesuu daɓasi sesinaɗi lay.
Col eŋ hu poy maŋga
20Goonna, kak jivi humun boy manna haa,
tin humuŋ ha hum dlara an daŋgara.
21Hin boy namma a viɗ ki iriŋgi,
aŋ ŋgom boy namma ni huruŋ kurufuwa.
22Boy namma ni iirira kay sa ma li umma,
ni a tara fanira kay sa namma lay.
23Saa jivi kay dlara aŋ humuɗta,
kay ii hakara vi iiri maŋgara ka ni kay boy namma.
24Hin vunuŋ a di dlara kaboyɗi,
ɦuɗ dlara tum ura ha ki egeŋ na day.
25Gol iriŋ ha ni fok na ɗow,
hin a dlara aŋ laɗta tuɗ ha ni duk na ɗegee.
26Wi dlara aŋ laɗta ki jiviya
kay a sun maŋga halaŋ li ni jiviya.#Heb. 12.13
27Ka aŋ viɗ voɗ maŋga
tuɗ bik njuf may, gulu mayɗi.
Ҥuɗ dla cora ha ki egeŋ na day.
Currently Selected:
VUN ŊGOLNA 4: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
