FILIPINA TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 60-63. Sok boyna, Va ma suu vina ka juɓumma.
Pol ɓii magaara maŋ suu Filipina ay ni hu Rom. Magaari suu nam ɓiirisi hu daŋgaynana ndaɗ ni duk hu may. Hu koy mamba mbara ni nam tli Filipi (Sun. 16.12). Ni hu li ma Lidi u sa gol daŋgayna, u suu mamma hom ki u Kristu (Sun. 16.14-34).
Li basara dagan ca ni suu vina hu li namma mbuɗ saɓaki ko di ay hu takkira (Fip. 1.1), «Magi agi ... suu ka gol suu vi Lonna u suu ka sunusina» na.
Dlara ɓii magaa ndaɗta kaɗta ni kay gi deɓ suu vina hu Filipi kay gursura asi haɗ maŋ Pol. Epafrodit ni sa maa dew duk suu vina mbaaraɗ maŋ Pol ni namu (4.4-18). Ni magara furira ŋgolla Pol ɓiiriɗ maŋ suu vina suu nam minisi cocona (2 Kor. 8.1-6). Hu magaa ndaɗta dlara gaɗta ka hu ŋgolɗi.
«Kan an a kak iirira ni Kristu, miɗna ni va an famma.» (1.21). Ni sok boy ma ŋgolna hu magaa ndaɗtana. Pol ay daŋgayna vi Neron, may ndaɗ magaa ndaɗta ɓak ko nam ay ka hu daŋgayɗira na. Ni boy ma furira, furira nam ɓakam tew tew (1.5, 18, 25; 2.2, 28; 3.1; 4.1, 4, 10). Ndal boy ma di ana suu vi suu gasinana ni boy ma di kay iirira u daŋ mayra u saara vi Kristu ta ka huruy kira li nanage lay (Fip. 1.6, 11; 2.5, 13). Boy ma ŋgolna nam dam kay hoŋga Yesu hoŋ yam kaŋga u ŋgol mamba bibiŋilla (2.5-11). Tlesuu asina ni tlesuu ŋgolo suu hu magaa ndaɗtana.
Magaara ndak a ɓorow ko wanni na.
1. Takkira 1.1-7
2. Kristu ni iirira vi suu vina, saɓak kay lassa lay 1.8-30
3. Kristu ni sa ma tak voɗta maŋ suu vina, hoŋ yam kaŋga hu sunda lay 2.1-30
4. Kristu ni sa ma suu vina tin hurusi kam ka juɓumma 3.1-21
5. Kristu ni saɓakŋa vi suu vina ndaki a zii wihawra 4.1-19
6. Daɓpa 4.20-23
Currently Selected:
FILIPINA TAKKIRA: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.