EFESNA TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 60-63. Sok boyna, Suu vina ni mbalata Kristu.
Magara ɓiiriɗ maŋ suu Efesna ay ni hu Rom, ndaɗ ni magaa mayra ɓiiriɗ jew giŋ giŋ hu daŋgayna ni ndaɗu (Sun. 22—28, gol 28.30). Pol min ana Onesim hoŋ eg Filemon hu Kolos, nam ɓiirim magara ha kom maŋ malamma, nam li ay jew egemma. Onesim tuɗ u tasi ha Tisik, tli magaara ɓiiriɗ maŋ suu Efesnara u mayra vi suu Kolosna ha kosiya (gol takkira kay magaara Pol ɓiiriɗ maŋ Filemonda).
Magara maŋ suu Efesna ni ka magaara Pol ɓiiriɗ maŋ suu dewɗi, dla ndaɗta di ki hu Efes. 1.1. Boy namma hu magaara daŋ ɦiw ni nam ka huɗi. Hu Kol. 4.16 Pol di kay magaara maŋ suu vi Kristuna hu Laodise. Ni kay ndaɗta di ana magaara maŋ suu Efesna a gasira ni ɓiiriɗ ni maŋ suu Laodisena lay. Na lay ni ɦaɗ maŋ suu Efesna maŋ suu Laodisena ni ndaɗ tok, sekeɗ ka ki maŋ suu vina hu li ma dewɗi. Magaara ɓiiriɗ ni maŋ suu teteɗna u suu vina vi Yesu Kristu.
Gaɗ mayra tinira ɓak kay boy namma. Ndaɗ ɓak kay gasira vi suu vina, na may ka di va kay mayra ana iirisi kaay ni na naraɗi. Tani wanni kay suu vina ni mbalata Kristu, (Efes. 1.22; 5.23). Ni ka kay suu vina hu lina dew ko mayra maŋ suu Filipina naɗi, ka ko Korintna naɗi.
Dlara gasira ŋgolora ka na hindi tak ki hu magaa ndaɗta. 1. Suu vina u oora vi Lona fi li ma jivina, kolo su ndarayammana. 2. Mbalata Kristu ni gasira. 3. Iirira, poyra, lini nanagelay tli taɗ u yira Lona yaŋga. Magaara ɓiiriɗ maŋ suu Efesna hu saara ni ndaɗ taɓi u magaara vi Josuwera. Li ma kolona ni ko suu vina hu Kanaan maŋ suu Israelna na. Hu dla mayra waɗ ki fok jew mba ndaɗta ni duuna ka huwa, tew tew ni dla ndaɗta ka liɗi, na lay ni suu su kay ndarayasina ka may, hal u dlara koɗ tara ka may (Josuwe 21.43-45; Efes. 1.3; 3.14-19; 6.16). Ay wi ana ndum mayra kiɗisiyara tak pasiyakka, sunuɗ ka hu magaa ndaɗta tani cocoo, ko ana kiɗisiya «hu Kristu», ɗowba egemu (Efes. 1.3-14), ɗowba kawi ma kiɗisiya (Efes. 6.14-18).
Magaara ndak a ɓorow ko wanni na
1. Takkira 1.1-2
2. Suu vina coli hu oora 1.3—3.21
3. Poyra u sunda vi suu vina 4.1—5.17
4. Poyra u duuna vi suu vina, oy u Musuk Lonara 5.18—6.20
5. Daɓpa 6.21-24
Currently Selected:
EFESNA TAKKIRA: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.