Markus 16

Wəsilya na Zezu sətəki əmta

(Matiye 28.1-8 / Luka 24.1-12 / Zaŋ 20.1-10)

1Adan pay naffet* atoŋgu, Mari na Magdala, dət Mari ma Zak, gəm Salome albahaŋgək tursan də mel na gaŋgəlnya vi kawmbat wəppay sən gəbay na Zezu. 2Pay damasi alvəɗaŋ pumu, adoŋguk ama gamasə, də pay wəgilyani agapaŋ. 3Anahaŋgək awalaŋ ziti naway nawkəɗəŋgəl səm gərəm sə ma gamas di? 4Vi gərəm nan metiŋgini sawɓa. Amma yaŋ aslanən hereti, awlanənək gərəm məkəɗəŋləŋni səkay. 5Aguloŋguk adəv gamasə. Awlanənək gawla taya dak ɗewwe dəka van dəzəŋ, aguluk tarawal babara. Ageslne'eŋke. 6Amma anahsitike: Kədaw geslne'eŋ ɓa. Munokum tatə kayanən Zezu məs na Nazaret məs məlawən aka wəlaŋga məzliwrihe. Tayaŋ ɓa, asilke. Təki məs məvoŋ gən van yaŋka. 7Mədoŋ kakaŋka məka labara nan sit gewleɗ nani gəm Piyer, wambat dabəŋ kikum a Galile. Adakki kədawlanəni va anah sukum. 8Gil agulyoŋguk sə ma gamasə, dənahaŋ sənən wənnan ko sən ɗəf taka ɓa vi a geslne'eŋke.

Va Zezu arban zən azat Mari na Magdala

(Matiye 28.9-10 / Zaŋ 20.11-18)

9[Dərɓaga Zezu asil sətəki əmta, pay damas də mompumo pumu, arbanək zən azat Mari na Magdala dabəŋ. (Ndətə məs Zezu agilgit tuyeŋɗe səkat buhul nakə.) 10Təmbatək wədawnah sit ɗii məs dəsoŋ də Zezu laŋka. Net bo tahəŋ wəhəmaŋ dəwəɗəka. 11Amma adan apprəmənən an məs tənah sit na: Zezu darani, nat bo tulaka, amma dətafən ɓa.]

Zezu arbanək zən azet gewleɗ sula

(Luka 24.13-35)

12[Dərɓagani Zezu arbanək zən azet ɗii sula səmbet gewleɗ nani, pay maɓɓan tahəŋ aka tive nawmbat aweleŋgit gəleɗe nawra. 13Amilyoŋko anahsitinik ɗiiyen dəppaŋ, amma net bo dətafən ɓa.]

Zezu arbanək zən azet gewleɗ naw klaw kiyit taka

(Matiye 28.16-20 / Luka 24.36-49 / Zaŋ 20.19-23 / Wəza net Masləŋɗe 1.6-8)

14[Dərɓagan kana Zezu arbanək zən azet gewleɗ nan klaw kiyit taka, pay adawzəmaŋ. Asga sitike vi tahəŋ dəwətaf ɓa, gəm vi makra ɓəɓəl neti, vi dətafən wənnet ɗii məs dulanən dərɓaga asil sətəki əmta ɓa. 15Yaŋ anah sit na: Mədoŋ ko aŋga aka dələv pakə, məpel Wən Nenek na Maŋgəlva azet ɗii pakə. 16Ɗəf məs dətafa, məɗɗa sən baptem wakohu. Ɗəf məs dətaf ɓa kita na Maŋgəlva waslba. 17Apprəma sokeneɗ an məs ɗii dətafaŋ adaɗɗaŋ: Warɓihin witemɗe də iya nawa, wapeleŋ ma meleketeni. 18Warmenin dohoŋɗe də veti walla wasaaŋ mufutu, amma abeyna ɓa samə, məs gbəgbaɗe wambəlaŋ.]

Va Zezu amndan aza Maŋgəlva

(Luka 24.50-53 / Wəza net Masləŋɗe 1.9-11)

19[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva. 20Gewleɗ adoŋko, apelinik Wən Nenek ko aŋga pakə. Ɗəfdaya agəɗək wəza dənɗaŋ, arbanək na wən məs adawpeleŋgəŋ na, gesiŋgi dit sokeneɗi.]

Currently Selected:

Markus 16: GDRNT85

Highlight

Copy