Cwaan 21
21
Ciisahs ekii'naakosiihtawaatc okihkino'amawaakana' e'niishwaahcinitc
1Kii'ishkwaahsek o'o, miinawaa Ciisahs okii'naakosiihkantawaa' okihkino'amawaakana' Taaipiiriyahs (Tiberius) Saaka'ikaniink#21.1 Taaipiiriyahs Saaka'ikaniink: Kaalaliiwi Saaka'ikan hsa kaye inkotink kii'ishinihkaacikaate Taaipiiriyahs Saaka'ikan. Waapantan 6.1. ekii'ayaanitc. Mii 'owe kaakiihpi‑ishiwepahk weti kaakii'ishiwaapamintc Ciisahs. 2Kii'maamawiayaawak Saaiman Piitar (Simon Peter) kaye Twaamahs (Thomas) Niishoote kaaishinihkaasotc, kaye Nahtaaniyal (Nathanael) i'imaa Kena (Cana) kaakii'onciitc Kaalaliiwi‑ahkiink (Galilee), kaye Sepatii (Zebedee) okosihsa' kaye niishin kotak Ciisahs okihkino'amawaakana'. 3#Luk 5.5. Saaiman Piitar okiihkanoonaa': “Niwii'antapakita'waa,” kii'ihkito.
“Haw kikawiiciiwikoo,” okii'ikoo'. Miitahsh i'i kii'anipoosiwak, kii'animaaci'owak. Kapetipihk itahsh aanakiihtanahkamikisiwaatc, kaawiin awaac peshik kiihpita'anaahsiiwak kinooshen. 4Aasha tahsh e'animoohka'aninik, Ciisahs kii'niipawi ciikipiik. Kihkino'amawaakanak itahsh kaawiin okiikihkenimaahsiwaawaan e'aawinitc Ciisahsoon. 5Ciisahs itahsh okiihkanoonaa': “Niiciitok! Kikiihpita'anaam ina?” okii'inaa'.
“Kaawiin,” okii'ikoo'.
6 #
Luk 5.6. Miitahsh kii'ihkito: “Kihcinihkink inahkeyoonak ishipahkopiiwepinihk ahsap,#21.6 ahsap: wiimpahsap maawiin wa'a tino ahsap kaakiihpahkopiiwepinikaniwitc. Shemaak itahsh kinooshek kiihpita'anaawak. Miitahsh iko kaye shemaak a'a ahsap kaa'ishiakwaasipinintc ekii'maamooshakinintwaa kinooshek. kikapita'anaam,” okii'inaa'. Miitahsh miinawaa kaa'ishipakita'waanitc. Miihsh ekiihpwaawipinaanitc owiimpahsapiini kaa'ahpiihcikihcipita'anaanitc kinooshe' 'imaa.
7A'ahsh kino'amawaakan Ciisahsoon maawac kaakiihsaaki'ikotc okiihkanoonaan Piitaroon: “Mii nankwana 'a kaaTipenciketc,” ihkito. Ahpii kaa'noontank Saaiman Piitar miiwan ini e'aawinitc kaaTipencikenitc, miitahsh kaa'ishinaapiwepishkank opiinsihkawaakanishkikan kaakiihkiihcikoshkank, miitahsh kaa'ishipahkopiikwaashkwanitc. 8Kotak itahsh kihkino'amawaakanak kiihpinaatakaa'amook ciimaanink, e'naatakaameyoonaawaatc ini ahsapiin, wiinke e'mooshkinenitc kinooshe' 'imaa ahsapiink. Kaawiin aahpici waahsa mihshawakaam kii'ayaahsiiwak, maakishaa ninkotwaahk tahsonihk i'iweti. 9Ahpii tahsh kaaniakwaatahkohkiiwaatc okii'waapantaanaawaa ishkotewiahkahkanshe, shikwa wakitahkahkanshe kinooshe' ehkishisonitc, pahkweshikana' kaye e'apinitc. 10Miitahsh Ciisahs kii'ihkito: “Piinihkok aaninta kinooshek noonkom kaakiihpita'anaayek,” okii'inaa'.
11Miihsh i'i Saaiman Piitar miinawaa kiihkiiwepoosi ekii'akwaasitaapiitc ini ahsapiin, e'mooshkinenitc kihcikinooshe', inkotwaahk naanimitanahshinihsin (153) ehtahshinitc. Aanakii'ahpiihcipaahtiinonitc, kaawiin tahsh kiihpiikoshkaahsii a'a ahsap. 12Miitahsh kii'ihkito Ciisahs: “Piwiihsinik,” okii'inaa'. Kaawiin awaac awiya kihkino'amawaakanak kiihteinenintisohsiiwak: “Awenen kiin,” ci‑inaawaatc, aaniihsh okiihkihkenimaawaan e'aawinitc kaaTipencikenitc. 13Miihsh i'i Ciisahs okii'awiotaahpinaan ini pahkweshikanan ekii'ahshamaatc. Miihsh i'i kaye ini kinooshe'.
14Amii 'iwe nihsink Ciisahs ekii'naako'itisohtawaatc i'i okihkino'amawaakana' aasha ekiihkiiwepimaatisitc.
Ciisahs ekiihkakwecimaatc Piitaroon, Kisaaki' ina?
15Kaa'ishkwaawiihsiniwaatc itahsh Ciisahs okiihkanoonaan Saaiman Piitaroon (Simon Peter): “Kiin tahsh Saaiman, okosihsan Cwaan, awahshime na kisaaki' ahpiihc oko kaashisaaki'iwaatc?”
Miihsh 'iwe ihkitowan: “Eha', Tepencikeyan, kikihkentaan ehsaaki'inaan,” otikoon.
Miihsh kii'ihkito Ciisahs: “Ahsham, kanawenim nimaanahcaanihshenhsimak,” okii'inaan. 16Miitahsh miinawaa okanoonaan: “Saaiman,” okii'inaan, “kiin okosihsan Cwaan, kisaaki' ina?”
Miihsh kii'ihkitowan: “Eha', Tepencikeyan, kikihkentaan ehsaaki'inaan.”
Miitahsh Ciisahs okii'inaan: “Kanawenim nimaanahcaanihshimak.” 17Keyaapi aapitink okiihkakwecimaan, mii nihsink: “Saaiman, kiin okosihsan Cwaan, kisaaki' ina?” okii'inaan.
Kii'maanentam itahsh a'a Piitar, aaniihsh aasha nihsink ekiihkakwecimikotc: “Kisaaki' ina?” Miihsh i'iwe kaa'inaatc: “Tepencikeyan, kikihkentaan iitok kahkina kekoon. Kikihkenim ehsaaki'inaan.”
Miitahsh Ciisahs okii'inaan: “Kanawenim nimaanahcaanihshimak. 18Nintepwe e'wiintamawinaan: mekwaa e'oshkiniikiyan kikii'oshiihtaa hko, waa'ishaayan hsa ko kikii'ishaa. Ahpii tahsh e'aniahkiwensiwiyan, kikashashiipinihkehtaa, kotak awiya kikamamaancikwahpinik, kikaishiwinik kaawii'ishaahsiwan.” 19'Owehsh ekii'inaatc, okiihkihkinawaaciwiintamawaan aaniin keishiniponitc,#21.19 aaniin keishiniponitc: mii hsa kaakii'itank Piitaroon (Peter) ninkotink ci‑inaahkonimintc cinihcikaniwinitc. keishikihci‑inentaako'aanitc Kishemanitoon. Miitahsh o'owe kaa'ihkitotc Ciisahs: “Piminisha'ohshin.”
Ciisahs ekii'inaacimaatc ini kotak kihkino'amawaakanan
20 #
Jhn 13.25. Piitar (Peter) ehkwehkikaapawitc okii'waapamaan ehpipiminisha'ikenitc ini kotak kihkino'amawaakanan maawac Ciisahs kaakiihsaaki'aatc, miiwan ini kaakii'inihtaanitc pehsho ohkaahkikaniniink Ciisahsoon mekwaa e'onaakohshiwiihsiniwaatc ekiihkakwecimaanitc: “Tepencikeyan, awenen kaawii'mamishimihk?” 21Ahpiihsh Piitar ekii'waapamaatc ehpiminisha'okowaatc okii'inaan Ciisahsoon: “Tepencikeyan, aaniin tahsh wa'a keishihcike'intc?” kii'ihkito.
22Ciisahs kii'ihkito: “Kiishpin inentamaan keyaapi cipimaatisitc piinihsh iko cipitakwihshinaan, wekonehsh kiin keoncipapaamisiwiniyan? Kiin piminisha'ohshin,” otinaan.
23O'o tahsh kii'maaciiyaatote ekii'aniwiintamaatiwaatc otepwehtamook, ekaa cinipohsik a'a kihkino'amawaakan. Ciisahs itahsh kaawiin kii'onci‑ihkitohsii ekaa cinipohsinik. O'owe hsa mayaa kii'ihkito: “Kiishpin itahsh inentamaan keyaapi cipimaatisitc piinihsh cipitakwihshinaan, wekonehsh kiin wepapaamisiwiniyan?” kii'ihkito.
24Amii wa'a kihkino'amawaakan kaakiih tipaatotank ono, kaye kaakii'oshipii'ank ono. Ninkihkentaamin ihsa otipaacimowin ehtepwemakaninik.
25Inashke tahsh ayaaniwan niipiwa' kotak kekoonan Ciisahs kaakii'ayintootank o'omaa e'wiintehsininikin. Ampooshke iitok kahkina entahsopeshik oshipii'ikaatekipaniin, kaawiin awaac taakiihtepashkinehsinoonan misiwe ahkiink ini masina'ikanan kekii'oshipii'ikaatekipaniin nintinentam.
Currently Selected:
Cwaan 21: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Free Reading Plans and Devotionals related to Cwaan 21
21 Days in the Gospel of John With Levi Lusko
Last Will & Testament: The Last Apostle | Death & Resurrection
God’s Not Done With You: Encouragement From the Bible's Greatest Comeback Stories
