Cenisihs 36

Iihswaa Opiiwesiima' Ehtashinsonitc

1Miiwa' itahsh o'o Iihswaa (Esau) opiiwesiima', Iitam kaye kii‑ishinihkaaso. 2#Gen 26.34. Iihswaa hsa Kenan (Canaan) ahkiink kii⁠ontinihkwewe. Etah (Adah) wetetenitc Iilan (Elon) Heht (Hittite) kaatinowinitc, ini tahsh kaye Oholipema (Oholibamah) wetetenitc Enah (Anah) wemihshoomihsinitc Sipii'on (Zibeon) Kipii (Hivite) kaatinowinitc. 3#Gen 28.9. Inihsh kaye Paahsimaaht (Basemath) wetetenitc Ishmeyal (Ishmael) wiicihkweni Niipeyoht (Nebaioth) eshinihkaasonitc. 4Etah kii⁠okosihsi Elipaasan (Eliphaz). Paahsimaaht kii⁠okosihsi Oroo'elan (Reuel). 5Oholipema kii⁠okosihsi Cii'osh (Jeush), Celam (Jalam), kaye Koora (Korah). Mii hsa o'o Iihswaa okosihsa' kaakii nihtaawikinitc Kenan ahkiink.

6Miihsh Iihswaa kaakii maaciinaatc wiiwa', okosihsa', otaanihsa' kaye, i'i kaye kahkina eyaanitc otaawinink. Kahkina kaye otawahkaanima', kahkina kaye otaya'iiman kaakiih kashkihtamaasotc i'imaa Kenan ahkiink. Waahsa ko pahkeya'ii ahkiink kii‑ishi kosi ekii maacii kosinotawaatc wiicihkiweyan Cekapoon (Jacob). 7Onsaam kii⁠wenootisiwak cikii wiicitaantiwaahpan. Ahkiink kaakii ishitaawaatc kaawiin kiih⁠tepihsehsinini ke⁠miicinitc otawahkaaniwaa' aaniihsh onsaam okii paahtiino'aawaa'. 8Miitahsh Iihswaa, Iitam (Edom) enintc kaakiih kapehshitc Siiyar (Seir) ahkiink eshi papiihkwatinaanik.

9Miiwa' itahsh o'o Iihswaa opiiwesiima'. Mii iitok iki kaye Iitam kaa⁠onciiwaatc enintwaa. 10Miihsh o'o eshinihkaasonitc Iihswaa okosihsa'. Elipaas (Eliphaz) kaakii omaamaatc Etah (Adah) eshinihkaasonitc shikwa Oroo'el kaakii omaamaatc Paahsimaaht eshinihkaasonitc. 11Miiwa' itahsh o'o Elipaas okosihsa': Tiiman (Teman), Oomar (Omar), Seehpo (Zepho), Ketam (Gatam), Kiinas (Kenaz) mii 'owe e⁠ishinihkaasonitc. 12Ini tahsh Iihswaa okosihsan Elipaas eshinihkaasonitc kii⁠aanihke wiiwiwan Timna (Timna) ekii ishinihkaasonitc. Timna kii⁠okosihsi Amalehk (Amalek). Miiwa' ihsa 'i Iihswaa wiiwan Etah eshinihkaasonitc oshihsini.

13Miiwa' itahsh o'o Oroo'el okosihsa': Nehaaht (Nahath), Siira (Zerah), Shaama (Shammah), shikwa Misa (Mizzah). Miiwa' itahsh wiin a'a Iihswaa wiiwan Paahsimaaht eshinihkaasonitc oshihsini.

14Miiwa' itahsh o'o Oholipema wenaapemitc Iihswaan okosihsa' Cii'osh, Celam kaye Koora e⁠ishinihkaasonitc. Oholipema kaakii otetetc Enah, kaa⁠omihshoomihsitc Sipii'on.

15Miiwak itahsh oko kaa⁠niikaanentaakosinitc Iihswaa opiiwesiima'. Elipaas sesiihkisitc, wetetetc Iihswaan, miiwa' ihsa o'o okosihsa': Tiiman, Oomar, Siihpo Kiinas, 16Koora, Ketam kaye Amalehk. Mii oko okimaak kaakii otetewaatc Elipaas eshinihkaasonitc Iitam ahkiink kaa‑ayaawaatc, kaa⁠oyoohkomiwaatc Etah eshinihkaasonitc wenaapeminitc Iihswaan.

17Oroo'el kaakii otetetc Iihswaan okosihsa' mii 'owe kaa‑ayishinihkaasonitc: Nehaaht, Siira, Shaama, kaye Misa. Mii oko okimaak kaakii otetewaatc Oroo'el eshinihkaasonitc Iitam ahkiink kaa‑ayaawaatc, kaa⁠oyoohkomiwaatc Paasimaaht eshinihkaasonitc, wenaapeminitc Iihswaan.

18Iihswaa wiiwan Oholipema kaakii ishinihkaasonitc okosihsini, mii 'owe kaa‑ayishinihkaasonitc: Cii'osh, Celam, kaye Koora. Mii oko okimaak kaakii omaamaawaatc Iihswaa wiiwan Oholipema kaakii ishinihkaasonitc kaakii otaanihsimikonitc ini Enahwan. 19Miiwa' o'oweniwa' kaakii okosihsitc Iihswaa, Iitam kaye kii‑ishinihkaaso, mii o'oweniwa' kaakii okimaawinitc opiiwesiima'.

20Siiyar (Seir) kii‑ishinihkaaso Korii (Horite) tinowinini mewisha kaakii onci ishitaatc o'omaa ahkiink. Mii o'o kaa‑ayishinihkaasonitc okosihsa': Lootan (Lotan), Shoopal (Shobal), Sipii'on (Zibeon), Enah (Anah), 21Taaishon (Dishon), Iisar (Ezer), kaye Taaishan (Dishan). Oko okimaak Korii tinowininiwak i'imaa kaakii onciiwaatc ahkiink Iitam (Edom) ecikaatek. Miiwa' o'o kaakii okosihsitc Siiyar.

22Okosihsa' Lootan kaakii ayishinihkaasonitc: Horaai (Hori) kaye Hiimam (Hemam). Lootan otawemaan Timna (Timna) kii‑ishinihkaasowan.

23Okosihsa' Shoopal (Shobal) kaakii ayishinihkaasonitc: Aalpan (Alvan), Menahaaht (Manahath), Iipal (Ebal), Shiipoo (Shepho), kaye Oonan (Onan).

24Okosihsa' Sipii'on kaakii ayishinihkaasonitc: Eyah (Aiah) kaye Enah (Anah). Enah iitok kaakii mihkank kishaakamitewi moohkiciwanipiik weti pikwatahkamik mekwaa eh⁠kanawenimaatc oteten Sipii'on eshinihkaasonitc omaanshimihtatimoomini. 25Enah kii⁠okosihsi: Taaishon, kaye kii⁠otaanihsi Oholipema ekii ishinihkaasonitc. 26Okosihsa' Taaishon: Hemtaan (Hemdan), Eshpaan (Eshban), Ihtraan (Ithran) kaye Kiiran (Keran).

27Okosihsa' Iisar (Ezer): Pilhaan (Bilhan), Se'apaan (Zaavan) kaye Ekan (Akan).

28Okosihsa' Taaishan (Dishan): As (Uz) kaye Eran (Aran).

29Mii okoweniwak Korii tinowininiwak kaakii okimaawiwaatc kaakiih tahswewaanakisiwaatc Iitam ahkiink: Lootan, Shoopal, Sipii'on, Enah, 30Taaishon, Iisar kaye Taaishan.

Kihciokimaak I'imaa Iitam Ahkiink

31Miiwak itahsh oko kihci okimaak kaakiih tipencikewaatc Iitam (Edom) ahkiink ahpii Isriyalak cipwaa ayaawaawaatc kihciokimaa'. 32Piila (Bela) wetetetc Piiyoran (Beor) kii⁠ani kihciokimaawi Iitam ahkiink. Otootenaam ihsa Tin'apa (Dinhabah) kii‑ishinihkaateni. 33Ahpii tahsh Piila kii‑ishkwaa pimaatisitc, Coopapan (Jobab) wetetenitc Siira (Zerah) wenciinitc Paasra (Bozrah) ootenaank okii naapishkaakoon. 34Ahpii tahsh Coopap kii‑ishkwaa pimaatisitc, Hooshaman (Husham) wenciinitc Tiiman (Teman) ahkiink okii naapishkaakoon. 35Ahpii tahsh Hoosham kii‑ishkwaa pimaatisitc, Hetaatan (Hadad) wetetenitc Piitaat (Bedad) wenciinitc Aapiht (Avith) ootenaank okii naapishkaakoon. Mii iitok a'a kaakiih tashi shaakooci'aatc Mitiyan (Midian) ahkiink wenciinitc i'imaa Moowap ahkiink. 36Ahpii tahsh Hetaat kii‑ishkwaa pimaatisitc ini hsa Saamla (Samlah) wenciinitc Maasriika (Masrekah) ootenaank okii naapishkaakoon. 37Ahpii tahsh Saamla kii‑ishkwaa pimaatisitc Sheyolwan (Shaul) wenciinitc Oriihopwaht (Rehoboth) ootena ciiki siipi eyaanik okii naapishkaakoon. 38Ahpii tahsh Sheyol kii‑ishkwaa pimaatisitc Peyal Henan (Baal⁠Hanan) wetetenitc Ekor (Achor) okii naapishkaakoon. 39Ahpii tahsh Peyal Henan wetetetc Ekoran ini hsa Hetaat (Hadad) wenciinitc Peyoo (Pau) ootenaank okii naapishkaakoon. Wiiwan hsa Mehetapel (Mehetabel) kii‑ishinihkaasowan wetaanihsimikonitc Metratoon (Matred), wetaanihsimikonitc Mi Sehaapoon (Me⁠Zahab).

40Mii oko okimaak kaakii otetewaatc Iihswaan, mii 'owe kaa‑ayishinihkaasowaatc: Timna (Timna), Aalpa (Alvah), Ciiteht (Jetheth), 41Oholipema (Oholibamah), Iilah (Elah), Paainon (Pinon), 42Kiinas (Kenaz), Tiiman (Teman), Mipsar (Mibzar), 43Maakti'el (Magdiel) kaye Aairam (Iram). Mii okoweniwak kaakii okimaawiwaatc Iitam ahkiink. Aanti kaakii ishi kakapehshiwaatc kii‑ishinihkaateni kaakii ishinihkaasowaatc kaa⁠tahswewaanakisiwaatc.

Currently Selected:

Cenisihs 36: OJBR

Highlight

Copy