ᒫᓬᐊᑳᐃ 4
4
ᑳᑎᐯᒋᑫᒡ ᐅᑮᔑᑲᓄᒻ ᑳᐐᐲᔑᑕᑯᔑᕽ
1ᒦᔥ ᐅᐅ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᑌᐺ ᓴ ᑕᐅᒋᒋᓭ ᐃᐃ ᒋᐃᔑ ᑮᔑᑲᒃ ᐃᔥᑯᑌᕽ ᑳᐐ ᐃᓀᑖᑾᒃ᙮ ᒦ ᐃ ᐊᐲ ᒋᐊᒀᑭᓱᐙᒡ ᐃᑭ ᑳᑭᒋ ᐃᓀᓂᑎᓱᐙᒡ, ᑳᒪᒋᐃᔑᐌᐱᓯᐙᒡ ᑲᔦ ᑖᐱᔥᑰ ᒪᔥᑯᓯᐗᓐ ᑳᑭᔖᑕᐹᑭᑌᑭᓐ᙮ ᑳᐐᓐ ᑕᔥ ᐋᐲᓐᒡ ᐃᑯ ᑕᑭᑫᑖᑯᓯᓰᐗᒃ᙮ 2ᑮᓇᐙ ᑕᔥ ᐐᓐ ᑳᑯᑖᓀᓂᒥᔦᒃ ᑖᐱᔥᑰ ᑮᓯᔅ ᑳᐱ ᒨᑲᐊᕽ ᑳᔑ ᓵᑳᓯᑫᒡ, ᒦ ᐃᐌ ᑫᐃᔑ ᐙᐸᑕᒣᒃ ᓂᐱᒫᒋᐃᐌᐎᓐ ᑳᔑ ᐊᔮᔦᒃ ᑫᐅᒋ ᐊᑕᐎᐃᑰᔦᒃ᙮ ᒦᑕᔥ ᐃᐃ ᑮᐋᐸᐅᑯᔦᒃ ᑭᑲ ᒧᒋᑫᑖᓈᐙ ᑖᐱᔥᑰ ᐱᔑᑮᓴᒃ ᑳᐸᐹ ᐃᔥᐱ ᒀᔥᑾᓂᐙᒡ ᐁᐱ ᓵᑭᓯᐃᑣ ᑳᔑ ᐋᑖᑯᓂᑲᓂᐎᐙᒡ᙮ 3ᑮᔑᑲᒃ ᓴ ᐃ ᐊᐲ ᐃᔑᒋᑫᔮᓐ, ᑭᑲ ᔖᑰᒋᐋᐙᒃ ᓴ ᐃᑭ ᑳᒪᒋᐃᔑᐌᐱᓯᐙᒡ, ᒦ ᓴ ᑫᐃᓀᓂᒣᒀ ᑖᐱᔥᑰ ᑳᑕᑕᑯᑳᑕᒣᒃ ᐱᑸ, ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ᙮
4ᒫᒥᑲᐎᓄᑕᒧᒃ ᓴ ᑳᑮ ᐃᔑ ᑭᑭᓄᐊᒫᑫᒡ ᒨᓯᔅ Moses ᓂᑕᓄᑮᐋᑲᓐ᙮ ᐃᓂ ᑲᔦ ᐅᓇᔓᐌᐎᓇᓐ, ᐃᓈᑯᓂᑫᐎᓇᓐ ᑲᔦ ᑳᑮ ᒦᓇᑭᐸᓐ ᐌᑎ ᑭᒋ ᐗᒌᕽ ᓵᐃᓇᐃ Sinai ᐁᒋᑳᑌᓂᒃ, ᑲᑭᓇ ᐯᒫᑎᓯᓂᒡ ᐃᔅᕒᐃᔭᓬᐊᐞ Israel ᒋᓇᐃᑕᒥᓂᒡ᙮
5 # Mat 11.14; 17.10-13; Mrk 9.11-13; Luk 1.17; Jhn 1.21. ᐃᐃ ᑕᔥ ᒋᑆ ᐅᒋᒋᓭᓂᒃ ᑳᑎᐯᒋᑫᒡ ᐅᑮᔑᑲᓄᒻ ᑳᐐ ᑭᒋ ᐃᔑᐌᐸᒃ, ᑳᐐ ᑯᑖᓀᑖᑾᒃ ᑮᔑᑲᒃ, ᓂᑲ ᐃᔑᓂᔕᐙ ᓴ ᑳᔑ ᐊᔮᔦᒃ ᓂᓐᑎᐹᒋᒧᐎᓂᓃᒻ ᐃᓬᐋᐃᒐ Elijah᙮ 6ᒦᑕᔥ ᐊᐊᐌ ᑫᑲᔥᑭᐋᒡ ᐅᑌᑌᒫᐞ ᒋᒥᓄ ᐐᒌᐙᓂᒡ ᐅᓃᒑᓂᓯᓂ, ᐅᓃᒑᓂᓯᒫᐞ ᑲᔦ ᒋᒥᓄ ᐐᒌᐙᓂᒡ ᐅᑌᑌᓂ᙮ ᑮᔥᐱᓐ ᐅᐅᐌ ᐃᔑᓭᓯᓄᑭᐸᓐ ᓂᑖᑮ ᐲᔖ ᒋᑮ ᓂᔑᐗᓈᒋᑑᔮᐹᓐ ᑭᑕᑮᒥᐙ, ᐃᑭᑐ ᑳᑎᐯᒋᑫᒡ᙮
Currently Selected:
ᒫᓬᐊᑳᐃ 4: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
