ᒉᓂᓯᔅ 39
39
ᒎᓴᑉ ᑮᑲᑴᑲᔥᑭᐃᑯᒡ ᐹᑎᐸᕒᐊᓐ ᐐᐎᓂ
1ᒎᓴᑉ Joseph ᐃᑕᔥ ᑮᐃᔑᐎᒋᑲᓂᐎ ᐄᒋᐸᑮᕽ Egypt᙮ ᐹᑎᐸᕒ Potiphar ᐃᑕᔥ ᑮᐃᔑᓂᑳᓱ ᐋᓂᑫᐎ ᔑᒫᑲᓂᔒᐎᑭᒫ ᑳᑮ ᓈᑲᒋᐋᒡ ᐅᑲᓇᐌᒋᑫᐞ᙮ ᐅᑮ ᐊᓄᑮᑕᐙᓐ ᐃᑕᔥ ᑲᔦ ᐯᕒᐆᓐ Pharaoh᙮ ᒦ ᐊᐌ ᐹᑎᐸᕒ ᑮᐊᑖᐌ ᒎᓴᐴᓐ᙮ ᐄᔥᒣᔭᓬ ᑳᑎᓄᐎᓂᒡ Ishmaelites ᐁᑮ ᐊᑖᒫᒡ ᑳᑮ ᐲᓈᓂᒡ ᐌᑎ ᐄᒋᐸᑮᕽ᙮ 2#Act 7.9. ᑳᑎᐯᒋᑫᓂᒡ ᐃᑕᔥ ᒎᓴᑉ ᐅᑮ ᐐᒌᐎᑰᓐ᙮ ᒦᔥ ᐐᑫ ᑳᑮ ᒥᓄᓭᒡ᙮ ᐅᑖᐎᓂᓃᕽ ᐃᑕᔥ ᐃᓂ ᐅᑑᑭᒫᒪᓐ ᐄᒋᐲᐎᓂᓂᐗᓐ ᑮᐃᔑᑖ᙮ 3ᐅᑑᑭᒫᒪᓐ ᑕᔥ ᐅᐙᐸᑕᒥᓂ ᑳᑎᐯᒋᑫᓂᒡ ᐁᐐᒌᐎᑯᒡ, ᐋᓃᓐ ᑲᔦ ᑳᑮ ᐃᔑ ᒥᓄᓭᐃᑯᒡ ᑲᑭᓇ ᑫᑰᓐ ᑳᑮ ᐃᔑᒋᑫᒡ᙮ 4ᐅᑮ ᒥᓍᐸᒥᑰᓐ ᐃᑕᔥ ᐅᑑᑭᒫᒪᓐ, ᒦᔥ ᑳᐃᔑᐃᑯᒡ ᒋᓈᑲᒋᑕᒪᐙᒡ ᐅᑕᔭᐄᒥᓂ᙮ ᐅᑮ ᐃᔑᐃᑰᓐ ᑲᔦ ᒋᓈᑲᒋᑕᒪᐙᒡ ᐅᐙᑳᐃᑲᓂᓂ, ᑲᑭᓇ ᑲᔦ ᑫᑰᓐ ᑳᑮ ᑎᐯᑕᒥᓂᒡ᙮ 5ᒦᑕᔥ ᐃᐃ ᐊᑯᓈᒃ ᐹᑎᐸᕒ ᑳᑮ ᐃᓇᑭᒫᒡ ᒎᓴᐴᓐ ᒋᓈᓈᑲᒋᐋᓂᒡ ᑲᑭᓇ ᐁᔮᓂᒡ ᐅᑖᐎᓂᕽ, ᑲᑭᓇ ᑲᔦ ᑫᑰᓐ ᑳᑎᐯᑕᕽ᙮ ᑳᑎᐯᒋᑫᓂᒡ ᓴ ᐐᑫ ᐅᑮ ᒥᓄᓭᑑᓂ ᐅᐙᑳᐃᑲᓐ ᐊᐊ ᐄᒋᐲᐎᓂᓂ ᐅᒋ ᒎᓴᐴᓐ᙮ ᑲᑭᓇ ᑫᑰᓐ ᑳᑮ ᐊᔮᒡ ᐹᑎᐸᕒ ᑮᒥᓄᓭᓂ ᐅᑖᐎᓂᕽ, ᑲᑭᓇ ᑲᔦ ᑳᑮ ᑎᐯᑕᕽ ᐁᔑ ᑭᑎᑫᒡ᙮ 6ᐹᑎᐸᕒ ᓴ ᐅᑮ ᐸᑭᑎᓈᓐ ᒎᓴᐴᓐ ᒋᓈᓈᑲᒋᑑᓂᒡ ᑲᑭᓇ ᑫᑰᓐ ᑳᑮ ᑎᐯᑕᕽ᙮ ᑳᐐᓐ ᐃᑕᔥ ᒣᒬᒡ ᑫᑰᓐ ᐅᑮ ᐸᐹᐱᓯᔅᑫᑕᓰᓐ, ᒦᔦᑕᑯ ᒦᒋᒻ ᑳᑮ ᒦᒋᒡ᙮
ᒎᓴᑉ ᐃᑕᔥ ᐐᑫ ᑮᒥᓄᑮ, ᑮᒥᓄᓈᑯᓯ ᑲᔦ᙮ 7ᓈᑫ ᑕᔥ ᐁᐊᓂ ᐊᔨᔑᓭᓂᒃ, ᐅᑑᑭᒫᒪᓐ ᐐᐎᓂ ᐅᑮ ᒥᓴᐎᓈᑰᓐ ᒎᓴᑉ ᐁᑮ ᐃᑭᑐᓂᒡ, ᑕᑲ, ᐐᐯᒥᔑᓐ, ᐁᑮᐃᑯᒡ᙮ 8ᑳᐐᓐ ᐃᑕᔥ ᐅᑮ ᑌᐺᑕᐙᓰᓐ ᐅᐅ ᐁᑮᐃᓈᒡ, ᐃᓇᔥᑫ, ᓂᑑᑭᒫᒻ ᐅᐅᒫ ᐁᐊᔮᐗᒃ, ᑳᐐᓐ ᑫᑰᓐ ᐅᐸᐹᐱᓯᔅᑫᑕᓰᓐ ᐅᐙᑳᐃᑲᓂᕽ᙮ ᑲᑭᓇ ᐄᑐᒃ ᑫᑰᓐ ᑳᑎᐯᑕᕽ ᓂᑌᐺᔦᓂᒥᒃ ᒋᓈᓈᑲᒋᑖᐗᒃ᙮ 9ᑳᐐᓐ ᓴ ᐊᐎᔭ ᐊᐗᔑᒣ ᐃᔥᐯᑖᑯᓯᓰ ᓃᓐ ᑳᐊᐲᑌᑖᑯᓯᐗᒃ ᐅᐅᒫ ᐅᐙᑳᐃᑲᓂᕽ᙮ ᑳᐐᓐ ᓴ ᑫᑰᓂᓂ ᓂᑭᒋᐎᓇᒫᑯᓰ ᒋᐊᔮᐙᓯᐗᒃ, ᑮᓐ ᓴ ᐁᑕ ᓂᑭᒋᐎᓇᒫᒃ, ᐋᓃᔥ ᑮᓐ ᑭᐐᑎᑫᒥᒃ᙮ ᐋᓃᓐ ᐃᑕᔥ ᐃᓈ ᑫᐅᒋ ᐃᔑᒋᑫᔮᐹᓐ ᑭᒋ ᒪᒋᑫᑰᓐ, ᒋᒪᒋᑑᑕᐗᑭᐸᓐ ᑭᔐᒪᓂᑑ, ᑮᐃᑭᑐ᙮ 10ᐋᓇ ᑕᔥ ᐐᓐ ᐁᑕᓱ ᑮᔑᒃ ᐋᓇᑮ ᑲᑴ ᑲᔥᑭᒥᑯᒡ, ᑳᐐᓐ ᐃᑕᔥ ᐅᑮ ᑌᐺᑕᐙᓰᓐ ᒋᐐᐯᒫᒡ, ᐴᔥᑫ ᑯ ᒋᐐᒌᐙᒡ᙮
11ᐋᐱᑎᕽ ᐃᑕᔥ ᐁᑮᔑᑲᓂᓂᒃ ᒎᓴᑉ ᐁᐲᑎᑫᒡ ᐙᑳᐃᑲᓂᕽ ᐁᐐ ᐊᓄᑮᒡ, ᑳᐐᓐ ᑕᔥ ᑮᐊᔮᓰᐗᐞ ᐃᐃᒫ ᐃᓂᓂᐗᐞ ᑳᑮ ᓂᑖ ᐊᔮᓂᒡ᙮ 12ᒦᑕᔥ ᑳᑮ ᓇᐗᒋᐱᓂᑯᒡ ᐃᓂ ᐃᑴᐗᓐ ᐅᑲᔥᑮᑮᐎᓂᕽ ᐁᑮᐃᑯᒡ, ᐊᐯ ᑕᑲ ᐐᐯᒥᔑᓐ! ᐁᑮᐃᑯᒡ᙮ ᒦᑕᔥ ᑳᐃᔑ ᓇᑲᒋᐸᑣᑕᕽ ᐅᑲᔥᑮᑮᐎᓐ ᐁᑕᑯᓇᒥᓂᒡ ᐃᓂ ᐃᑴᐗᓐ, ᐁᑮ ᓵᑭᒋᐸᑑᒡ ᐙᑳᐃᑲᓂᕽ᙮ 13ᐊᐲ ᑕᔥ ᐊᐊ ᐃᑴ ᐁᐙᐸᑕᕽ ᐁᑮ ᓇᑲᒋᐸᑣᓂᒡ ᐅᑲᔥᑮᑮᐎᓂᓂ ᐁᑕᑯᓇᕽ, ᐁᑮ ᓵᑭᒋᐸᑑᓂᒡ ᐃᑕᔥ ᑲᔦ ᐙᑳᐃᑲᓂᕽ, 14ᒦᑕᔥ ᑳᐃᔑ ᐊᑐᒫᒡ ᐅᐙᑳᐃᑲᓂᕽ ᑳᑮ ᑕᔑ ᐸᒦᑖᑯᒡ ᐁᑮᐃᓈᒡ, ᐃᓇᔥᑫ ᓈ ᐙᐸᑕᒧᒃ ᐅᐅ! ᐊᐊ ᓴ ᐄᐸᕒᐆᐎᓂᓂ Hebrew ᐅᐅᒫ ᑳᑮ ᐲᓂᓐᒡ ᑭᒦᑭᒋᐃᑯᓈᓐ! ᑮᐱ ᐲᑎᑫ ᐅᐅᒫ ᐁᐐ ᐐᐯᒥᒡ, ᓂᑮ ᔖᑯᐌᐙᓐ ᐃᑕᔥ᙮ 15ᐊᐲ ᑳᓅᑕᐎᒡ ᐁᔖᑯᐌᐗᒃ, ᒦ ᐃ ᑳᐃᔑ ᓇᑲᒋᐸᑣᒡ ᐅᐅ ᐅᑲᔥᑮᑮᐎᓐ ᐅᐅᒫ ᐁᔑᐊᔮᐗᒃ, ᐁᑮ ᓵᑭᒋᐸᑑᒡ ᐙᑳᐃᑲᓂᕽ᙮
16ᒦᑕᔥ ᑳᐃᔑ ᑲᓇᐌᑕᕽ ᐃᐃ ᑲᔥᑮᑮᐎᓐ ᐲᓂᔥ ᐁᑮ ᑕᑯᔑᓂᓂᒡ ᐅᑑᑭᒫᒥᓂ᙮ 17ᒦᑕᔥ ᐅᐅ ᑳᐃᓈᒋᒧᑕᐙᓂᒡ, ᐊᐊ ᓴ ᐄᐸᕒᐆ ᐊᓄᑮᐋᑲᓐ ᑳᑮ ᐲᑕᒪᐎᔭᕽ, ᓂᑮ ᐱ ᓈᓯᑳᒃ ᐁᑮ ᐐ ᒫᓀᓂᒥᒡ; 18ᒦᔥ ᐅᐅ ᑳᐃᔑᓭᒃ, ᐊᐲ ᐁᔖᑯᐌᐗᒃ ᐁᑭᔒᐌᐗᒃ, ᒦ ᐃ ᑳᑮ ᓇᑲᒋᐸᑣᒡ ᐅᐅ ᐅᑲᔥᑮᑮᐎᓐ ᐁᔑᐊᔮᐗᒃ, ᐁᑮ ᓵᑭᒋᐸᐃᐌᒡ, ᑮᐃᓈᒋᒧ᙮
19ᐊᐲ ᑕᔥ ᐅᑑᑭᒫᒪᓐ ᑳᓅᑕᐙᓂᒡ ᐐᐎᓂ ᐅᐅ ᑳᐃᓈᒋᒧᑖᑯᓂᒡ, ᒦ ᓴ ᐃ ᑳᑑᑕᐎᒡ ᐊᐊ ᑭᑕᓄᑮᐋᑲᓐ, ᐐᑫ ᑕᔥ ᑮᓂᔥᑳᑎᓯᐗᓐ᙮ 20ᒎᓴᑉ ᑕᔥ ᐅᑑᑭᒫᒪᓐ ᐅᑮ ᐅᑖᐱᓂᑰᓐ ᐁᑮ ᑭᐸᐅᑯᒡ᙮ ᐁᔑ ᑭᐸᐅᒥᓐᒡ ᐃᑕᔥ ᑭᒋᐅᑭᒫᓐ ᐅᑕᑯᓂᑲᓂᓂ, ᒦᐃᐌᑎ ᑳᐃᔑ ᑭᐸᐅᓐᒡ᙮ 21#Act 7.9. ᑳᑎᐯᒋᑫᓂᒡ ᐃᑕᔥ ᒎᓴᑉ ᐅᑮ ᐐᒌᐎᑰᓐ, ᐅᑮ ᒥᓄᓭᐃᑰᓐ ᑲᔦ᙮ ᐅᑮ ᐃᔑᐋᓂ ᑲᔦ ᑕᑯᓂᐌᐎᑭᒫᓐ ᒋᒥᓍᐸᒥᑯᒡ᙮ 22ᑕᑯᓂᐌᐎᑭᒫᓐ ᐃᑕᔥ ᒎᓴᑉ ᐅᑮ ᐃᔑᐃᑰᓐ ᒋᓈᑲᒋᐋᒡ ᑲᑭᓇ ᐃᐃ ᑳᑮ ᑭᐸᐅᒥᓐᒡ᙮ ᑲᑭᓇ ᑲᔦ ᑫᑰᓐ ᒋᐅᐸᐹᒥᓯᐎᓂᒡ ᐃᐃᒫ ᐋᓃᓐ ᑳᑮ ᐃᔑᓭᓂᒃ᙮ 23ᑕᑯᓂᐌᐎᑭᒫᓐ ᐃᑕᔥ ᑳᐐᓐ ᑫᑰᓐ ᐅᑮ ᐸᐹᐱᓯᔅᑫᑕᓰᓂ ᑫᑰᓐ ᐃᑯ ᒎᓴᑉ ᑳᑮ ᓈᑲᒋᑑᒡ, ᐋᓃᔥ ᑳᑎᐯᒋᑫᓂᒡ ᒎᓴᑉ ᐅᑮ ᐐᒌᐎᑰᓐ, ᐅᑮ ᒥᓄᓭᐃᑰᓐ ᑲᔦ ᐋᓃᓐ ᐃᑯ ᑳᑮ ᐃᔑᒋᑫᒡ᙮
Currently Selected:
ᒉᓂᓯᔅ 39: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
