ᒉᓂᓯᔅ 28

1ᐋᐃᓯᒃ ᑕᔥ ᐅᑮ ᐊᑐᒫᓐ ᒉᑲᐴᓐ, ᐁᑮ ᐊᑕᐌᓂᒫᒡ ᒋᒥᓄᓭᓂᒡ, ᒦᑕᔥ ᑳᐃᓈᒡ, ᑫᑯ ᐐᑎᑫᒫᑫᓐ ᐃᑴ ᑫᓇᓐ Canaan ᐊᑮᕽ ᐌᒌᒡ᙮ 2ᐸᓯᑸᓐ, ᐌᑎ ᐃᔖᓐ ᒣᓱᐳᑌᒥᔭ Mesopotamia ᒋᐊᑕ ᐙᐸᒪᒡ ᐅᑖᐎᓂᕽ ᐊᐊ ᐯᑦᔪᐁᓬ Bethuel ᑭᒥᔔᒥᔅ᙮ ᒦ ᓴ ᐌᑎ ᑫᐅᑎᓂᑴᐌᔭᓐ᙮ ᑭᒥᔔᒣᓐᔥ ᓬᐁᐸᓐ Laban ᐅᑖᓂᓴᓐ ᓴ ᐐᐎᐙᑲᓐ᙮ 3ᑕᑲ ᑭᔐᒪᓂᑑ ᑳᒫᐗᒋ ᒪᔥᑲᐎᓰᒡ ᑭᑲ ᔕᐌᓂᒥᒃ, ᑭᑲ ᐃᔑᐃᒃ ᑲᔦ ᒋᐹᑏᓄᓂᒡ ᑫᐅᓃᒑᓂᓯᐗᒡ, ᑮᓐ ᐃᑕᔥ ᑭᑲ ᐅᑌᑌᒥᑰᒃ ᓃᐱᐗᐞ ᑳᑕᓶᐙᓇᑭᓯᐙᒡ᙮ 4#Gen 17.4-8. ᑕᑲ ᑲᔦ ᑭᑲᔑ ᔕᐌᓂᒥᒃ, ᐃᐃ ᑲᔦ ᑭᐲᐌᓰᒪᐞ ᑖᐱᔥᑰ ᑳᑮ ᐃᔑ ᔕᐌᓂᒫᒡ ᐁᐸᕒᐊᐋᒪᓐ Abraham᙮ ᑮᓐ ᓴ ᒋᑎᐯᑕᒪᓐ ᐅᐅ ᐊᑭ ᑳᑖᓄᑕᒪᓐ, ᑭᔐᒪᓂᑑ ᑳᑮ ᒦᓈᑯᐸᓀᓐ ᐁᐸᕒᐊᐋᒪᓐ, ᐅᑮᐃᓈᓐ᙮ 5ᐋᐃᓯᒃ ᑕᔥ ᐅᑮ ᐃᔑᓂᔕᐙᓐ ᒉᑲᐴᓐ ᒣᓱᐳᑌᒥᔮᕽ ᒌᔖᓂᒡ ᑳᑮ ᐃᔑᐊᔮᓂᒡ ᓬᐁᐸᓅᓐ᙮ ᓬᐁᐸᓐ ᑮᐅᑌᑌ ᐯᑦᔪᐁᓬᐗᓐ ᑳᑮ ᓂᑖ ᐸᐹᒥᑯᓯᓂᒡ᙮ ᓬᐁᐸᓐ ᑮᐅᑕᐌᒫ ᐅᕒᐃᐯᑲᐗᓐ᙮ ᒉᑲᑉ ᐊᐊ ᑕᔥ ᐄᔂ Esau ᐄᑐᒃ ᑮᐅᒫᒫᐗᒃ ᐅᕒᐃᐯᑲᐗᓐ᙮

ᐄᔂ ᑯᑕᒃ ᐃᑴᐗᓐ ᑮᐐᐎᒡ

6ᐄᔂ ᑕᔥ ᐅᑮ ᑭᑫᑖᓐ ᐅᑌᑌᓐ ᐋᐃᓯᑰᓐ Isaac ᐁᑮ ᐃᔑᓂᔕᐙᓂᒡ ᒉᑲᐴᓐ Jacob ᒣᓱᐳᑌᒥᔮᕽ ᒋᐅᑎᓂᑴᐌᓂᒡ ᐌᑎ᙮ ᐅᑮ ᑭᑫᑖᓐ ᑲᔦ ᐊᐲ ᑮᔕᐌᓂᒫᓂᒡ ᐅᐅ ᐁᑮᐃᓈᓂᒡ, ᑫᑯ ᐐᑎᑫᒫᑫᓐ ᐃᑴ ᑫᓇᓐ Canaan ᐊᑮᕽ ᐌᒌᒡ᙮ 7ᐅᑮ ᑭᑫᑖᓐ ᑲᔦ ᒉᑲᐴᓐ ᐁᑮ ᐃᔖᓂᒡ ᒣᓱᐳᑌᒥᔮᕽ Mesopotamia ᐁᑮ ᓇᐃᑕᐙᓂᒡ ᐅᑌᑌᓂ, ᐅᒫᒫᓂ ᑲᔦ᙮ 8ᐄᔂ ᑕᔥ ᐅᑮ ᑭᑫᑖᓐ ᐅᑌᑌᓐ ᐋᐃᓯᑰᓐ ᐁᑮ ᓇᐁᓂᒫᓯᓂᒃ ᐃᐃ ᐃᑴᐗᐞ ᑫᓇᓐ ᑳᑮ ᐅᒌᓂᒡ᙮ 9ᑮᐃᔖ ᑕᔥ ᐃᔥᒣᔭᓬᐗᓐ Ishmael ᐁᔑᐊᔮᓂᒡ ᐁᑮ ᐐᐎᒡ ᐅᑖᓂᓯᓂ ᒣᐊᓬᐊᑦ Mahalath ᐁᔑᓂᑳᓱᓂᒡ᙮ ᒦᔥ ᑮᓇᑮᓄᐗᐞ ᐐᐗᐞ ᐋᔕ ᑳᑮ ᑕᔑᓂᒡ᙮ ᐅᓴᔦᓴᓐ ᑕᔥ ᓃᐯᔪᑦ Nebaioth ᑮᐃᔑᓂᑳᓱᐗᓐ᙮ ᐃᔥᒣᔭᓬ ᐄᑐᒃ ᐁᐸᕒᐊᐋᒪᓐ Abraham ᑮᐅᑌᑌ᙮

ᒉᑲᑉ ᐅᐸᐙᒋᑲᓐ ᐁᑕᔑᑌᓂᒃ

10ᒉᑲᑉ Jacob ᑕᔥ ᐃᐃᒫ ᐲᐊᕒᔒᐸ Beersheba ᑮᐅᒋ ᒫᒑ ᐁᑮ ᐃᔖᒡ ᐌᑎ ᐁᕒᐊᓐ Haran ᐆᑌᓈᕽ᙮ 11ᑮᐊᓂ ᑕᑯᔑᓐ ᑕᔥ ᐌᑎ ᑲᐯᔑᐎᓂᕽ ᑳᑮ ᑭᑌᑖᑾᓂᓂᒃ ᐁᐊᓂ ᐸᑭᔑᒧᓂᒡ ᑮᓯᓲᓐ᙮ ᒦᑕᔥ ᐃᐃᒫ ᑳᐃᔑ ᑲᐯᔑᒡ ᐁᑮ ᓂᐹᒡ᙮ ᐊᓯᓃᓐ ᑕᔥ ᐯᔑᒃ ᐅᑮ ᐅᑖᐱᓈᓐ ᐁᑮ ᐊᐱᑴᔑᒧᒡ ᐁᑮ ᐊᓉᔑᕽ᙮ 12#Jhn 1.51. ᒦᑕᔥ ᐅᐅ ᑳᐃᔑ ᐸᐙᒋᑫᒡ; ᐅᑮ ᐙᐸᑖᓐ ᐃᓈᑕᐙᓐ ᐅᐅᒫ ᐊᑮᕽ ᐁᑮ ᐅᒋ ᒫᒌᔮᑾᑰᑌᓂᒃ ᐲᓂᔥ ᐌᑎ ᑭᒋ ᑮᔑᑯᕽ ᐁᑮ ᐅᑎᑖᑾᑰᑌᓂᒃ᙮ ᒦᑕᔥ ᐃᐃᒫ ᐃᓈᑕᐙᓂᕽ, ᑭᔐᒪᓂᑑ ᐅᑌᒐᓬᐃᒥᓂ ᑳᐃᔑ ᐊᔭᒀᑕᐌᓂᒡ, ᑳᐃᔑ ᓈᓃᓵᑕᐌᓂᒡ ᑲᔦ᙮ 13#Gen 13.14,15. ᐃᓇᔥᑫ ᑕᔥ ᑳᑎᐯᒋᑫᒡ ᑮᓃᐸᐎ ᐗᑭᒐᔭᐄ ᐃᓈᑕᐙᓂᕽ ᐁᑮᐃᑯᒡ, ᓃᓐ ᑳᑎᐯᒋᑫᒡ, ᑳᐅᑭᔐᒪᓂᑑᒥᒡ ᐁᐸᕒᐊᐋᒻ Abraham, ᑳᐅᑭᔐᒪᓂᑑᒥᒡ ᑲᔦ ᐋᐃᓯᒃ Isaac᙮ ᐃᐃᒫ ᓴ ᐊᑮᕽ ᑳᔑ ᐱᒥᔑᓇᓐ, ᒦ ᓴ ᐃ ᑳᐐ ᒦᓂᓈᓐ, ᐃᑭ ᑲᔦ ᑭᐲᐌᓰᒪᒃ᙮ 14#Gen 12.3; 22.18. ᐃᑭ ᓴ ᑭᐲᐌᓰᒪᒃ ᐋᐱᒋ ᑕᐹᑏᓄᐗᒃ, ᒋᑕᔑᐙᒡ ᑖᐱᔥᑰ ᑫᑰᓐ ᑳᐹᔥᑭᓀᓭᒃ ᐅᐅᒫ ᐊᑮᕽ᙮ ᒥᓯᐌ ᓴ ᑕᔑ ᒥᓯᑌᔥᑳᐗᒃ, ᓂᑳᐲᐊᓄᕽ ᐃᓇᑫ, ᐙᐸᓄᕽ ᑲᔦ ᐃᓇᑫ, ᑮᐌᑎᓄᕽ ᐃᓇᑫ, ᔖᐗᓄᕽ ᑲᔦ ᐃᓇᑫ᙮ ᑮᓐ ᓴ ᑲᔦ ᑭᐲᐌᓰᒪᒃ ᐅᒋ ᑕᐅᒋ ᔕᐌᑖᑯᓯᐗᒃ ᑲᑭᓇ ᐁᑕᓶᐙᓇᑭᓯᐙᒡ ᐯᒫᑎᓯᐙᒡ᙮ 15ᐃᔑ ᒫᒥᑲᐎᓐ, ᓃᓐ ᑭᑲ ᐐᒌᐎᓐ, ᑭᑲ ᑲᓇᐌᓂᒥᓐ ᑲᔦ ᐋᑎ ᐱᑯ ᐁᔖᔭᓐ᙮ ᑭᑲ ᐱᑮᐌᐎᓂᓐ ᑲᔦ ᐅᐅᒫ ᐊᑮᕽ, ᑳᐐᓐ ᑭᑲ ᓇᑲᓂᓯᓅᓐ᙮ ᑲᑭᓇ ᓴ ᓂᑲ ᐃᔑᒋᑫ ᑳᔑ ᐊᔓᑕᒪᐎᓈᓐ, ᐅᑮᐃᑰᓐ᙮

16ᒉᑲᑉ ᑕᔥ ᑮᑯᔥᑯᓯ ᐁᑮ ᐃᑭᑐᒡ, ᑫᑫᑦ ᓴ ᑳᑎᐯᒋᑫᒡ ᐅᐅᒫ ᐊᔮᑐᒃ, ᑳᐐᓐ ᑕᔥ ᓂᑮ ᑭᑫᑕᓰᓐ, ᑮᐃᑭᑐ᙮ 17ᐋᐱᒋ ᑕᔥ ᑮᓭᑭᓯ ᐁᑮ ᐃᑭᑐᒡ, ᐋᐱᒋ ᐅᐅᒫ ᑯᑖᓀᑖᑾᓐ, ᒦᒫᐐᓐ ᐅᐅᐌᓂ ᑭᔐᒪᓂᑑ ᐅᑖᐎᓐ᙮ ᒦᒫᐐᓐ ᐅᐅᒫ ᐁᔑ ᐃᔥᒀᑌᒥᐗᕽ ᑭᒋᑮᔑᒃ, ᑮᐃᑭᑐ᙮

18ᒉᑲᑉ ᑕᔥ ᐐᐸ ᑭᑭᔐᑉ ᑮᐗᓂᔥᑳ, ᐁᑮ ᐅᑖᐱᓈᒡ ᐊᓯᓃᓐ ᑳᑮ ᐊᐱᑴᔑᒧᒡ ᐁᑮ ᐸᑕᑭᓈᒡ ᐁᑮ ᑭᑭᓇᐙᑖᐱᑭᓂᑳᑫᒡ, ᒦᑕᔥ ᑳᐃᔑ ᓰᑭᓇᕽ ᐋᓬᐃᑉ olive ᐱᒥᑌᐙᐴᓂ ᐃᐃᒫ ᐗᑭᒐᔭᐄ᙮ 19ᒦᑕᔥ ᑳᐃᔑ ᐐᑕᕽ ᐃᐃᒫ ᑳᑮ ᐃᔑᐊᔮᒡ ᐁᑮ ᐃᔑᓂᑳᑕᕽ ᐯᑕᓬ Bethel᙮ ᐃᐃ ᑕᔥ ᐆᑌᓈᓂ ᓬᐋᔅ Luz ᑮᐃᔑᓂᑳᑌᓂᑯᐸᓐ᙮ 20ᒉᑲᑉ ᑕᔥ ᑮᐃᔑ ᐊᐱᒧ ᐁᑮ ᐃᑭᑐᒡ, ᑮᔥᐱᓐ ᑭᔐᒪᓂᑑ ᐐᒌᐎᒡ, ᑲᓇᐌᓂᒥᒡ ᑲᔦ ᐅᐅᒫ ᑳᐱᒥ ᐊᔮᐗᒃ, ᒦᔑᒡ ᒦᒋᒻ ᑫᒦᒋᐗᒃ, ᑭᑭᔥᑭᑲᓇᓐ ᑲᔦ ᑫᑭᑭᔥᑲᒧᐗᒃ, 21ᐌᐌᓂ ᑲᔦ ᓈᓈᑲᒋᐃᒡ ᐲᓂᔥ ᐊᓂ ᐊᔐ ᑮᐌᐗᒃ ᐌᑎ ᓂᑌᑌᓐ ᑳᔑ ᐊᔮᓂᒡ, ᒦᑕᔥ ᐃᐃ ᑳᑎᐯᒋᑫᒡ ᒋᐅᑭᔐᒪᓂᑑᒥᔮᓐ᙮ 22ᐃᐃᒫ ᑕᔥ ᑳᑮ ᐃᔑ ᑭᑭᓇᐙᑖᐱᑭᔑᒪᒃ ᐊᐊ ᐊᓯᓐ, ᒦ ᓴ ᐃᒫ ᑫᑕᔑ ᐊᓇᒥᐁᑕᐗᒃ ᑭᔐᒪᓂᑑ, ᓂᑲ ᐅᒋ ᒦᓈ ᑲᔦ ᐯᔑᒃ ᑫᑰᓂᓂ ᐁᑕᓱ ᒥᑖᓱ ᑲᑭᓇ ᑫᑰᓐ ᑳᒦᔑᒡ,#28.22 ᓂᑲ ᐅᒋ ᒦᓈ ᑲᔦ ᐯᔑᒃ ᑫᑰᓂᓂ ᐁᑕᓱ ᒥᑖᓱ ᑲᑭᓇ ᑫᑰᓐ ᑳᒦᔑᒡ: ᒦ ᐅᐌ ᑳᐅᒋ ᑑᑕᒪᕽ ᐁᓂᓯᑕᐎᓇᒪᕽ ᑳᑎᐯᒋᑫᒡ ᐁᑭᔐᒪᓂᑑᐎᒡ ᔑᑾ ᑲᔦ ᐁᑭᒋᐅᑭᒫᐎᒡ᙮ ᑮᐃᑭᑐ᙮

Currently Selected:

ᒉᓂᓯᔅ 28: OJBS

Highlight

Copy