ᒉᓂᓯᔅ 25

ᐁᐸᕒᐊᐋᒻ ᑯᑕᒃ ᐅᐲᐌᓰᒪᐞ

1ᐁᐸᕒᐊᐋᒻ Abraham ᑕᔥ ᑯᑕᒃ ᒦᓇᐙ ᐃᑴᐗᓐ ᑮᐐᐎ, ᑫᑑᕒᐊ Keturah ᐁᑮ ᐃᔑᓂᑳᓱᓂᒡ᙮ 2ᒦᑕᔥ ᐅᐅ ᑳᐃᔑᓂᑳᓱᓂᒡ ᐊᐱᓅᒌᔕᐞ ᑳᑮ ᐊᔮᐙᐙᒡ ᓯᒻᕒᐊᓐ Zimran, ᒐᒃᔕᓐ Jokshan, ᒦᑕᓐ Medan, ᒥᑎᔭᓐ Midian, ᐃᔥᐸᒃ Ishbak, ᔔᐊ Shuah᙮ 3ᒐᒃᔕᓐ ᑮᐊᓂ ᐅᑯᓯᓯ ᐅᐅ ᔒᐸᐗᓐ Sheba, ᑏᑕᓇᓐ Dedan ᑲᔦ᙮ ᐊᐊ ᑕᔥ ᑏᑕᓐ Dedan ᐅᑯᓯᓴᐞ ᑮᐃᔑᓂᑳᓱᐗᐞ ᐋᔓᕒᐃᒻ Asshurim, ᓬᐃᑑᔑᒻ Letushim, ᓬᐄᐅᒥᒻ Leummim ᑲᔦ ᑳᑎᓄᐎᓂᒡ᙮ 4ᒥᑎᔭᓐ ᑕᔥ ᐅᑯᓯᓴᐞ ᐅᐅ ᑮᐃᔑᓂᑳᓱᐗᐞ, ᐄᐸ Ephah, ᐄᐲᕒ Epher, ᐁᓇᒃ Hanoch, ᐊᐹᐃᑕ Abida, ᐁᓬᑌᐊ Eldaah᙮ ᒦᐗᐞ ᓴ ᐅᓄᐌᓂᐗᐞ ᑫᑑᕒᐊ ᐅᐲᐌᓰᒪᐞ᙮

5ᐁᐸᕒᐊᐋᒻ ᑕᔥ ᐅᑮ ᒦᓈᓐ ᐋᐃᓯᑰᓐ Isaac ᑲᑭᓇ ᑫᑰᓐ ᑳᑮ ᐊᔮᒡ᙮ 6ᐃᐃ ᑕᔥ ᐅᑯᓯᓴᐞ ᑳᑮ ᐅᒌᓂᒡ ᐅᑖᓂᑫ ᐐᐎᕽ,#25.6 ᐅᑖᓂᑫ ᐐᐗᐞ: ᐃᓂᓂᐗᒃ ᐋᓇᐐᓐ ᐁᑮ ᐐᐎᐙᒡ, ᔖᑰᒡ ᑕᔥ ᑯᑕᒃ ᐃᑴᐗᐞ ᑮᐊᓂ ᐋᓂᑫ ᐐᐎᐗᒃ᙮ ᐅᑮ ᐅᓃᒑᓂᓯᐋᐙᐞ ᐃᑕᔥ ᐃᑯ ᑲᔦ᙮ ᐁᐸᕒᐊᐋᒻ ᐅᑮ ᒦᓈᐞ ᒥᑭᐙᓇᓐ ᒣᒀ ᑮᐱᒫᑎᓯᒡ᙮ ᐙᐸᓄᕽ ᑕᔥ ᐃᓇᑫ ᐅᑮᐃᓈᐞ ᒌᔖᓂᒡ, ᓂᑯᒋ ᐅᑮ ᐅᒋ ᐃᔑᓂᔕᐙᓐ ᐁᔑᐊᔮᓂᒡ ᐋᐃᓯᑰᓐ᙮

ᐁᐸᕒᐊᐋᒻ ᑮᓂᐳᒡ, ᑮᓇᐃᓂᓐᒡ ᑲᔦ

7ᒥᓂᒃ ᑕᔥ ᑳᑮ ᐱᒫᑎᓯᒡ, ᓂᑯᑣᒃ ᓃᔣᓯᒥᑕᓇᔑᓈᓇᓐ 175 ᑮᑕᓱ ᐱᐴᓉ᙮ 8ᒦᑕᔥ ᑳᐃᔑ ᐃᔥᒀ ᐱᒫᑎᓯᒡ ᐁᑮ ᓇᐃ ᑕᓱ ᐱᐴᓉᒡ ᐁᑮ ᐊᑭᐌᓰᐎᒡ᙮ ᐐᑫ ᑮᐊᑭᐌᓰᐎ, ᒦᔥ ᑳᐃᔑ ᓂᐳᒡ ᐁᑮ ᓇᐃᓂᓐᒡ᙮ 9ᐅᑯᓯᓴᐞ ᐃᑕᔥ ᐋᐃᓯᑰᓐ Isaac, ᐃᔥᒣᔭᓬᐗᓐ Ishmael ᑲᔦ ᐅᑮ ᐃᔑ ᓇᐃᓂᑰᐞ ᐁᔑ ᐐᐹᐱᑳᓂᒃ ᒪᒃᐲᓬᐊ Machpelah ᑳᑮ ᐃᔑᓂᑳᑌᓂᒃ᙮ ᐃᐃ ᓴ ᐐᐹᐱᒃ ᑮᐃᔑᐊᔮᓂ ᐙᐸᓄᕽ ᐃᓇᑫ ᐊᔮᐎᓂᕽ ᒪᒻᕒᐃᑳᕽ Mamre, ᐅᑕᑮᒥᕽ ᐊᐊ ᐄᐸᕒᐊᓐ Ephron ᑮᐃᔑᐊᔮᓂ ᑳᑮ ᐅᑌᑌᒡ ᓲᐋᕒᐊᓐ Zohar ᐁᑦ Hittite ᑳᑮ ᑎᓄᐎᓂᒡ᙮ 10#Gen 23.3-16. ᐁᐸᕒᐊᐋᒻ ᐄᑐᒃ ᐅᑮ ᐊᑖᒫᑯᐸᓐ ᐁᑦ ᑳᑎᓄᐎᓂᒡ ᐃᐃ ᐊᑮᓂ᙮ ᒦᑕᔥ ᐃᐃᒫ ᑳᐃᔑ ᓇᐃᓈᑯᐸᓀᓐ ᐐᐗᓐ ᓭᕒᐊ Sarah ᑳᑮ ᐃᔑᓂᑳᓱᓂᒡ᙮ 11ᐁᐸᕒᐊᐋᒪᓐ ᑕᔥ ᑳᐃᔥᒀ ᐱᒫᑎᓯᓂᒡ ᐋᐃᓯᒃ ᐅᑮ ᔕᐌᓂᒥᑰᓐ ᑭᔐᒪᓂᑑᓐ᙮ ᑮᐃᔑᑖ ᑕᔥ ᐃᐃᒫ ᒌᑲᔭᐄ ᐅᑑᑕᐃᐹᓐ ᑳᐱᒫᑎᓯᒡ ᑳᐙᐸᒥᒡ ᑳᑮ ᐃᒋᑳᑌᓂᒃ᙮

ᐃᔥᒣᔭᓬ ᐅᐲᐌᓰᒪᐞ ᐁᑕᔑᓱᓂᒡ

12ᒦᐗᐞ ᐃᑕᔥ ᐅᓄ ᐃᔥᒣᔭᓬ Ishmael ᐅᐲᐌᓰᒪᐞ ᐁᐸᕒᐊᐋᒪᓐ ᑳᑮ ᐅᑌᑌᒡ, ᐅᒫᒫᓐ ᐃᑕᔥ ᐁᑳᕒ Hagar ᑮᐃᔑᓂᑳᓱᐗᓐ ᐄᒋᐸᑮᕽ Egypt ᑳᑮ ᐅᒌᓂᒡ᙮ ᐁᑳᕒ ᓴ ᓭᕒᐊᐗᓐ Sarah ᐅᑮ ᐸᒦᑕᐙᓐ᙮ 13ᒦᔥ ᐅᐅ ᐁᔑᓂᑳᓱᓂᒡ ᐃᔥᒣᔭᓬ ᐅᑯᓯᓴᐞ ᐁᐃᔑ ᐐᓱᓂᒡ ᑳᑮ ᐃᔑ ᓂᑖᐎᑭᓂᒡ᙮ ᓃᐯᔪᑦ Nebaioth ᓭᓰᑭᓯᒡ, ᑮᑕᕒ Kedar, ᐊᑦᐲᔭᓬ Adbeel, ᒥᑉᓴᒻ Mibsam, 14ᒥᔥᒪ Mishma, ᑑᒪ Dumah, ᒫᓴ Massa, 15ᐁᑖᑦ Hadad, ᑏᒪ Tema, ᒌᑕᕒ Jetur, ᓀᐱᔥ Naphish ᑲᔦ ᑫᑏᒪ Kedemah᙮ 16ᒦᑕᔥ ᐃᐃ ᐃᔥᒣᔭᓬ ᐅᑯᓯᓴᐞ, ᐁᐙᐐᓱᓂᒡ ᑳᓃᑳᓂᓯᓂᒡ ᐁᑕᓱ ᐯᐸᑳᓉᐙᓇᑭᓯᓂᒡ, ᐁᔑ ᑲᑲᐯᔑᓂᒡ ᑲᔦ᙮ 17ᓂᑯᑣᒃ ᓂᓯᒥᑕᓇᔑᓃᔣᓱ 137 ᓴ ᑮᑕᓱ ᐱᐴᓉ ᐃᔥᒣᔭᓬ ᑮᐃᔥᒀ ᐱᒫᑎᓯᒡ᙮ ᐁᔑ ᓇᐃᓂᒥᓐᒡ ᐃᑕᔥ ᐅᑎᓇᐌᒫᑲᓇᐞ ᑮᐃᔑ ᓇᐃᓈ᙮ 18ᐅᐲᐌᓰᒪᐞ ᐃᓴ ᑕᔥ ᑮᐃᔑ ᑲᐯᔑᐗᐞ ᐋᐱᓬᐊ Havilah ᐊᑮᕽ ᐲᓂᔥ ᐌᑎ ᔔᕒ Shur ᐊᑮᕽ ᒌᑲᔭᐄ ᐄᒋᐸᑮᕽ ᐌᑎ ᐃᓇᑫ ᑳᓂ ᐃᔖᓂᐗᕽ ᐊᓰᕒᐃᔭ ᐊᑮᕽ᙮ ᐸᑳᓐ ᐃᑕᔥ ᑮᐃᔑᑖᐗᒃ ᐁᔑᑖᓂᒡ ᐃᐃ ᐅᑎᓇᐌᒫᑲᓂᐙᐞ᙮

ᑮᓂᑖᐎᑭᐙᒡ ᒉᑲᑉ, ᐊᐊ ᑲᔦ ᐄᔂ

19ᒦᐗᐞ ᑕᔥ ᐅᐅ ᐋᐃᓯᒃ Isaac ᐅᐲᐌᓰᒪᐞ᙮ ᐋᐃᓯᒃ ᐄᑐᒃ ᑮᐅᑌᑌ ᐁᐸᕒᐊᐋᒪᓐ Abraham᙮ 20ᐋᐃᓯᒃ ᓃᒥᑕᓇ 40 ᑮᑕᓱ ᐱᐴᓉ ᐊᐲ ᑮᐐᐎᒡ ᐅᕒᐃᐯᑲᐗᓐ Rebekah᙮ ᐅᕒᐃᐯᑲ ᑕᔥ ᐅᑌᑌᓐ ᐯᑦᔪᐁᓬ Bethuel ᑳᑮ ᐃᔑᓂᑳᓱᓂᒡ ᑳᑮ ᓂᑖ ᐸᐹᒥᑯᓯᓂᒡ ᒣᓱᐳᑌᒥᔭ Mesopotamia ᑳᑮ ᐅᒌᓂᒡ᙮ ᓬᐁᐸᓐ Laban ᑮᐃᔑᓂᑳᓱᐗᓐ ᐅᑕᐌᒫᓐ ᐊᐊ ᐃᑴ᙮ 21ᐋᐃᓯᒃ ᑕᔥ ᐅᑮ ᐊᓇᒥᐁᑕᐙᓐ ᑳᑎᐯᒋᑫᓂᒡ ᐐᐗᓐ ᐅᒋ, ᐋᓃᔥ ᑳᐐᓐ ᐅᑮ ᑲᔥᑭᑑᓰᓂ ᒋᐅᓃᒑᓂᓯᓂᒡ᙮ ᑳᑎᐯᒋᑫᓂᒡ ᑕᔥ ᐅᑮ ᓅᑖᑰᓐ ᐋᐃᓯᒃ ᑳᑮ ᐃᔑ ᐊᓇᒥᐁᑕᐙᒡ᙮ ᒦᑕᔥ ᐃᐃ ᑌᐺ ᐐᐗᓐ ᐅᕒᐃᐯᑲᐗᓐ ᑳᑮ ᑭᑭᔥᑲᐙᐗᓱᓂᒡ᙮ 22ᒣᒀ ᑕᔥ ᐅᕒᐃᐯᑲ ᐁᑭᑭᔥᑲᐙᐗᓱᒡ, ᐃᐃ ᓃᔑᓐ ᐊᐱᓅᒌᔕᐞ ᑳᑮ ᐱᒥᐎᓈᒡ ᑮᓂᑖ ᓇᐗᑎᓂᑎᐗᐞ᙮ ᒦᑕᔥ ᑳᐃᑭᑐᒡ, ᐌᑯᓀᓐ ᑕᔥ ᐅᐅ ᓃᓐ ᐌᒋ ᐃᔑᓭᔮᓐ? ᑳᑎᐯᒋᑫᓂᒡ ᑕᔥ ᐅᑮ ᓈᓯᑲᐙᓐ ᐁᑮ ᑲᑴᒋᒫᒡ᙮

23 # Rom 9.12. ᑳᑎᐯᒋᑫᓂᒡ ᑕᔥ ᐅᑮ ᐃᔑ ᓇᑴᑖᑰᓐ,

ᓃᔗᐙᓇᑭᓯᐗᒃ ᓴ ᐯᒫᑎᓯᐙᒡ

ᑳᐱᒥᐎᓇᑣ ᐅᐅ ᑳᑭᑭᔥᑲᐙᐗᓱᔭᓐ᙮

ᑭᑲ ᓂᑖᐎᑭᐋᒃ ᓴ ᓃᔗᐙᓐ ᐯᒫᑎᓯᐙᒡ ᑫᒫᒦᑳᑎᐙᒡ,

ᐯᔑᑴᐙᓐ ᓴ ᐃᑭ ᑕᒪᔥᑲᐌᑖᑯᓯᐗᒃ ᐊᐲᒡ ᐐᓐ ᐃᑭ ᑯᑕᒃ᙮

ᐊᐊ ᑕᔥ ᓂᑕᒻ ᑫᓂᑖᐎᑭᒡ ᐅᑲ ᐸᒦᑕᐙᓐ ᐅᔒᒣᔕᓐ᙮

24ᐊᐲ ᑕᔥ ᐁᑮ ᐅᒋᒋᓭᓂᒃ ᒋᓂᑖᐎᑭᓈᐗᓱᒡ, ᑮᑸᐎᓭᓯᐎᐗᐞ ᓴ ᐃᐃ ᐅᓃᔓᐅᑌᒪᐞ᙮ 25ᐊᐊ ᑕᔥ ᓂᑕᒻ ᑳᑮ ᓂᑖᐎᑭᒡ ᑮᒥᔅᑯᓈᑯᓯ, ᐐᑫ ᑲᔦ ᒥᓯᐌ ᑮᒦᔖᑯᓇᐌ᙮ ᐄᔂ Esau#25.25 ᐄᔂ Esau: ᐃᐃᐌ ᐃᔑᓂᑳᓱᐎᓐ ᐄᔂ ᑳᐃᒋᑳᑌᒃ ᑖᐱᔥᑰ ᑫᑰᓐ ᑳᒦᔖᒃ, ᒦ ᐃᐌ ᐁᓂᑖᑾᓂᓂᒃ ᑳᐃᔑ ᑮᓶᐙᒡ᙮ ᑕᔥ ᑮᐃᔑᓂᑳᒋᑲᓂᐎ᙮ 26ᐊᐊ ᑕᔥ ᐃᔥᒀᒡ ᑳᑮ ᓂᑖᐎᑭᒡ ᐅᑮ ᓴᑭᑑᑕᓀᓈᓐ ᐄᔂᓐ᙮ ᒦᑕᔥ ᑳᑮ ᐃᔑᓂᑳᓂᓐᒡ ᒉᑲᑉ Jacob᙮#25.26 ᒉᑲᑉ Jacob: ᐃᐃᐌ ᐃᔑᓂᑳᓱᐎᓐ ᒉᑲᑉ ᑳᐃᒋᑳᑌᒃ ᑖᐱᔥᑰ ᐅᓴᑭᑑᑕᓀᓂᐌ, ᒦ ᐃᐌ ᐁᓂᑖᑾᓂᓂᒃ ᑳᐃᔑ ᑮᓶᐙᒡ᙮ ᐋᐃᓯᒃ ᓴ ᓂᑯᑣᓯᒥᑕᓇ 60 ᑮᑕᓱ ᐱᐴᓉ ᑮᓂᑖᐎᑭᓂᒡ ᐅᑯᓯᓴᐞ᙮

ᐄᔂ ᑮᒦᑭᐌᒡ ᑫᑮᑎᐱᓇᐌᐎᓯᐸᓐ

27ᐊᐲ ᑕᔥ ᑳᑮᔖᐯᐎᐙᒡ, ᐄᔂ Esau ᓴ ᐐᑫ ᑮᓂᑖ ᐊᑕᐌᒋᑫ, ᑮᒥᓉᑕᒻ ᑲᔦ ᐊᑾᒌᕽ ᐁᐊᔮᒡ᙮ ᐊᐊ ᑕᔥ ᐐᓐ ᒉᑲᑉ Jacob ᑮᓂᑆᑳᐙᑎᓯ, ᑮᓂᑖ ᐊᔭᐱ ᑳᑮ ᐃᔑᑖᐙᒡ᙮ 28ᐋᐃᓯᒃ Isaac ᑕᔥ ᐅᑮ ᓵᑭᐋᓐ ᐄᔂᓐ ᐋᓃᔥ ᑮᐅᒋ ᓂᑖ ᒥᓄ ᐐᓯᓂ ᐁᑮ ᓂᑖ ᓂᓵᓂᒡ ᐊᔭᐋᐎᔕᐞ᙮ ᐅᕒᐃᐯᑲ Rebekah ᑕᔥ ᐐᓐ ᒉᑲᐴᓐ ᐅᑮ ᓵᑭᐋᓐ᙮

29ᐋᐱᑎᕽ ᑕᔥ ᐁᑮᔑᑲᓂᓂᒃ ᒣᒀ ᒉᑲᑉ ᐊᐴᐲᑳᓂᓂ ᐁᐅᔑᑑᒡ, ᐄᔂ ᑮᐱᐅᒋ ᑕᑯᔑᓐ ᐱᑾᑕᑲᒥᒃ ᐁᑮ ᐃᔥᒀ ᐊᑕᐌᒋᑫᒡ, ᐐᑫ ᐁᑮ ᓅᑌᔅᑲᑌᒡ᙮ 30ᒦᑕᔥ ᑳᐃᓈᒡ ᒉᑲᐴᓐ, ᑕᑲ ᐊᔕᒥᔑᓐ ᐃᐃ ᑳᒥᔅᑯᓈᑾᒃ ᑳᐅᔑᑑᔭᓐ, ᐐᑫ ᐅᔕ ᓂᓅᑌᔅᑲᑌ᙮ ᒦ ᐄᑐᒃ ᐄᑕᒻ Edom#25.30 ᐄᑕᒻ Edom: ᐃᐃᐌ ᐃᔑᓂᑳᓱᐎᓐ ᐄᑕᒻ ᑳᐃᒋᑳᑌᒃ ᑖᐱᔥᑰ ᑫᑰᓐ ᑳᒥᔅᒀᒃ, ᒦ ᐃᐌ ᐁᓂᑖᑾᓂᓂᒃ ᑳᐃᔑ ᑮᓶᐙᒡ᙮ ᑳᑮ ᐅᒋ ᐃᔑᓂᑳᓱᒡ᙮

31ᒉᑲᑉ ᑕᔥ ᐅᑮᐃᓈᓐ ᐄᔂᓐ, ᐱᓇᒫ ᓴ ᐊᔓᑕᒪᐎᔑᓐ ᒋᒦᔑᔭᓐ ᐃᐃ ᑲᑭᓇ ᑫᑰᓐ ᑳᐐ ᑎᐱᓇᐌᐎᓯᔭᓐ ᐁᑎᓄᐎᔭᓐ ᐅᑯᓯᓯᒫ ᓂᑕᒻ ᑳᑮ ᓂᑖᐎᑭᒡ᙮

32ᐄᔂ ᑕᔥ ᑮᐃᑭᑐ, ᐱᓵᓂᓴᑯ ᑭᑲ ᒦᓂᓐ ᐃᐃ ᑲᑭᓇ ᑫᑰᓐ ᑳᐐ ᑎᐱᓇᐌᐎᓯᔮᓐ ᓂᑕᒻ ᐁᐅᑯᓯᓯᒫᐎᔮᓐ᙮ ᐋᓃᓐ ᑕᔥ ᒥᓴᐙ ᑫᐃᓍᑕᒫᐹᓐ ᐋᔕ ᑯᑕ ᑫᑳ ᐁᐐ ᓂᐳᔮᓐ᙮ 33#Heb 12.16. ᒉᑲᑉ ᑕᔥ ᑮᐃᑭᑐ, ᐱᓇᒫ ᓴ ᐊᐱᒧᓐ ᒋᒦᔑᔭᓐ ᐃᐃ ᑳᑎᐱᓇᐌᐎᓯᔭᓐ᙮ ᐄᔂ ᑕᔥ ᑮᐊᐱᒧ, ᒦᑕᔥ ᑳᐃᔑ ᒦᓈᒡ ᒉᑲᐴᓐ ᑲᑭᓇ ᑫᑰᓂᓂ ᑳᑎᐱᓇᐌᐎᓯᒡ ᓂᑕᒻ ᐁᑮ ᐅᑯᓯᓯᒫᐎᒡ᙮ 34ᒦᑕᔥ ᐸᔦᔥ ᒉᑲᑉ ᑳᐃᔑ ᐊᔕᒫᒡ ᐄᔂᓐ ᒋᐊᒸᓂᒡ ᐸᑴᔑᑲᓇᓐ, ᒋᒦᒋᓂᒡ ᑲᔦ ᐊᐴᐲᑳᓂᓂ᙮ ᐄᔂ ᑕᔥ ᑮᐐᓯᓂ, ᐁᑮ ᒥᓂᑴᒡ ᑲᔦ᙮ ᒦᑕᔥ ᑳᐃᔑ ᐸᓯᑸᒡ ᐁᑮ ᐊᓂ ᒫᒑᒡ᙮ ᑳᐐᓐ ᐄᑐᒃ ᐋᐱᒋ ᐅᑮ ᓵᐯᑕᓰᓐ ᐃᐃ ᑲᑭᓇ ᑫᑰᓂᓂ ᑳᑮ ᑎᐱᓇᐌᐎᓯᒡ ᓂᑕᒻ ᐁᐅᑯᓯᓯᒫᐎᒡ᙮

Currently Selected:

ᒉᓂᓯᔅ 25: OJBS

Highlight

Copy