Sefanaiya 2
2
Lapaipamo alita afe leyo, huno huʼniya gemae
1 #
2 Sit 20:4; Niy 8:1; Yol 1:14; Sak 11:8 Muki vayaʼmogimo lapakaefeʼmo nohapaiya Yu nofi vayane, huno, hogotetapa alita anupa hutapa maiyo. 2-3#2 Kin 23:26-27; 2 Sit 36:16-17; Avi 4:11; Niy 1:6; Sam 105:4; Aiy 55:6-7; Emo 5:14-15; Sam 76:9; Yol 2:13-14; Emo 5:15; Yna 3:9Fiku yanagetapa afaʼa maiʼnisageno Ala kava neʼmoʼa lekana pai maleʼniya afinaʼmo afole aigiye. Yasimoʼmo haletiʼya yaʼmo alino halelino neʼviya agufa kava huno alino lapafaitalesigetapa ugae. Ala kava neʼmoʼa aipamo lusi kava huno leno lapatesiya kavaʼmo lapakaeteʼmo afole aigiyanagi lapakaemo yagu yaga kavaʼmo nehaya vayane, huʼna, hogotetapa alita anupa huʼnetapaeʼmo Ala kava nefeʼmo kahauya hiyo. Fatago kavaʼamo alisayafeʼmo kahauya huge yagu yaga kavaʼamo alisayafeʼmo kahauya huge hutetapa himuʼnamu kavaʼmo ago ataleyo. Ala kava neʼmoʼa aipamo lusi kava huno leno apatesiya afinaʼmo alino fala kino lapatesifigi amalageka hutapa agegeyo.
Ala kava neʼmoʼa Yuta nofi vayaʼmo maiʼnaya hapaopaleʼmo maiʼnaya alu nofi vayaʼaina kayoʼmo apamigiye, huno huʼniya gemae
4 #
Emo 1:6-8; Sak 9:5 Ala kava neʼmoʼa Filisitiya nofi vayaʼaina kayoʼmo apamisigeʼa muki Filisitiya vayaʼmo Gasa taoniʼapifatiʼmo ataleʼa ugae. Mago Asikeloni taoniʼapimo noʼatufaʼageʼmo hanegaiye. Kame vayaʼapimogimo Asanoti taonifi vayaʼeʼmo yegemo haineno felugakukuʼmo hisiya kanaleʼmo aliʼa hapafaiʼa apatalegae. Ekiloni taonifi vayaʼeʼmo aliʼa hapafaiʼa apatalegae. 5#Iyi 25:16; Yas 13:3Vaehae, huʼna, Lapakaemo Filisitiya vayaʼmo lapakitapimo Keleti vayaʼmo solovala anitegamo maiʼnaya vayane, huʼna, ehetapiye, hosu yaʼmo aligae. Ala kava neʼmoʼa lapakaefeʼmo gemo ago hu maleʼniye. Agaemo ina ge huno lapa nepaiye. Filisitiya vayaʼmo Kenani koteʼmo maiʼnaya vayaʼenagi, huʼna, aliʼna hosu huʼna lapatalesugeno magoke vekamo alagi oʼmaigiye. 6#Aiy 17:2Lapakaemo solovala ani haigifiʼmo haneʼniya mopaʼamo hiʼyagofa koʼagekeʼmo ha malegaiye. Ani haopalegamo sipisipileʼmo neʼyagaiya vayaʼmo maisageʼa sipisipi anagaʼmo kegiʼyafiʼmo maigae. 7#Aiy 11:11; Mka 2:12; Lu 1:68Yuta vayapatiʼmo ofaliʼa afaʼa faiʼa kasalo paesaya vayaʼmogimo lapakae mopamo aliteʼa sipisipileʼmo yagaiʼa apategae. Sipisipi anagaʼapimo ani haigifiʼmo kahaumo neʼa maisageʼa yagaiʼa neʼapataya vayaʼmo Asikeloni taonifiʼmo havaegae. Ala kava neʼmo Gotiʼapimoʼmo emineno kalavusifatiʼmo hatu maeno apateʼniya vayaʼmo hapa maesigeʼa noʼapifiʼmo alagepa huʼa maigae.
8 #
Yel 48:27-28; Iyi 25:3 Ala kava neʼmo muki lokiyaʼamo haneʼniya vekamoʼmo Isaleli vayaʼai Gotiʼapimoʼmo ina gemo hunoʼaeʼmo, Nagaemo ago afiʼnovana Movapu vayaʼmogi vayaʼniyeʼmo ina hosu kavaʼmo huʼnae, ma hosu kavaʼmo huʼnae, huʼa huge Emoni vayaʼmogi huʼa faipa huʼa apatege huteʼa vaiʼmo apamiʼnae. Apakaemo himuʼnamu gemo huʼapaeʼmo, Mopatapimo aligune, huʼa huʼnae. 9#Yel 15:1-2; 48:1-4; Loa 29:23; Mka 5:7-8Nagaemo afaʼa maiʼnove, huʼna huʼnova gemo lama gemo haneʼniya kava huʼna nagoʼyamo ataleʼna alagi lama gemo huʼnaeʼmo, Nagaemo Satomi taonifiʼmo maiʼnaya vayaʼmo aliʼna hano huʼna apataleʼnovanageno muki mopaʼapimo alagi hosuʼniya kava huno Movapu vayaʼmogi mopaʼapimo alagi hosugiye. Nagaemo Gomola taonifiʼmo maiʼnaya vayaʼmo aliʼna hano huʼna apataleʼnogeno muki mopaʼapimo alagi hosuʼniya kava huno Emoni vayaʼmogi mopaʼapimo alagi hosugiye. Kahaumo muki mopaʼapileʼmo aino atagu faeno lagisigeno hagemo neʼaliya kelimo alino hamalesigeno ani koʼmo alagi alino hosu huteno hanege hanege hunoʼageʼmo hanegaiye. Nagae vayaʼmo asole vayapatiʼmo logufaʼamo maisaya vayaʼmogi kame huteʼa kagemi yaʼapimo aliteʼa mopaʼapileʼmo maigae.
10 #
Aiy 16:6
Apakaemo Movapu vayaʼmogiʼe Emoni vayaʼmogiʼeʼmo Ala kava neʼmo muki lokiyaʼamo haneʼniya vekamo vayaʼalegamo hosu kavaʼmo huge vaiʼmo apamige himuʼnamu gemo huge faipa huno apatege huʼa huʼnayaʼmofeʼmo Ala kava neʼmoʼa ani kayoʼmo apamigiye. Apakufamo avaleliʼa haiʼnayaʼmofeʼmae. 11#Sak 13:2; Sam 2:8-12; Mka 4:1-3Ala kava neʼmoʼa apakaetegamo alopa kavaʼmo hisigeʼapaeʼmo lusi kava huʼa apamoʼyamo aigae. Agaemo ma mopafi vayaʼai gotiʼapimogimo ina agufa yakana huno alino ha maleno apatesigeʼa muki kotegamo maiʼnaya vayaʼmogimo koʼapileti koʼapiletiʼmo agaetefekeʼmo mono hugae. 12#Aiy 20:4-5; Iyi 30:4-5Lapakaemo Itiyopiya vayane, huʼna, Nagaemo kame vayatapimo aliʼna apatesugeʼa uʼa kamiti lahapaegae. 13#Aiy 10:12Ala kava neʼmoʼa Asiliya vayaʼmogi hoga koteʼmo maiʼnaya vayaʼmo naipeletiʼmo alagi apaisageno Niniva taoniʼapimo noʼatufaʼageʼmo hanesigeno kaʼme koʼmo hau huteno kalusopa kokana huno hanegaiye. 14#Aiy 34:11-14Pulumaka anaganagi sipisipi anaganagi muki alu afela afu alu afela afu anaganagi huʼa eʼa ani taonifiʼmo havaegae. Heʼa halagape vaiʼnaya noteʼmo nama anagaʼmo maige yasi kateʼmo maiʼneʼa apake aige hugae. Ayu nokoʼmo kipateʼmo ilipole yaʼmo hanegaiye. Ati vayaʼmogimo nokatoʼmuʼamo aliʼa akaiʼa atalesageno alagepa Sita yosaletiʼmo alo huʼnaya yaʼmo hosugiye. 15#Aiy 47:8; Le 18:7-8; Yop 27:23Ani taonifiʼmo muki maiʼnaya vayaʼmogi alagepa hutageʼmo maigune, huteʼa apamogaga aiʼnae. Apakaemo apaipafiʼmo huʼapaeʼmo, Alagepa hutageʼmo maiʼnonageʼapaeʼmo mago alu vayaʼmo lagaekana huʼa oʼmaiʼnae, huʼa huʼnayaʼmonanafa taoniʼapimo noʼatufaʼageʼmo haneʼniye. Muki afela afu anagaʼmo eʼa havaesaya noʼatufamo haneʼniye. Muki vayaʼmogimo eʼa ageteʼapaeʼmo olahaiye, huʼa huteʼa apayaʼmo aiʼa akaiteʼa ataleʼa ugae.
Currently Selected:
Sefanaiya 2: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
