MATAIO FAZA 3.
FAZA 3.
I. Johane samajagõ idanõ. II. Fangombachania. III. Tebajagõ idanõ Jesoe.
(A. 3, 1—12: Mar. 1, 1—8: Loek. 3, 1—20: Joh. 1, 6—28)
1I. Ba me loeo daʼõ, ba so Johane andrõ, samajagõ idanõ, mangombacha ia ba danõ si mate, ba Joedaia, imane: 2Mifalalini geraʼerami, noa saʼae ahatõ mbanoea zoroego andrõ. (F. 4, 17). 3Daʼõ sa niw̃aʼõ Jesaja, samaʼeleʼõ andrõ, me imane: ”So li ziʼao ba danõ si mate, imane: Mihaogõ lala Zoʼaja, mifadaja lalania. (Jes. 40, 3). 4Ba baroe Johane andrõ, ba boe gondra ba oeli zaw̃i mbõbõ taloe, ba õnia, ba tamo, awõ w̃e w̃ani ba gatoea. (Loek. 1, 15. Sal. II. 1, 8). 5Ba mõi baero chõnia mbanoea Jeroezalema ba banoea Joedaia andrõ, fefoe, awõ mbanoea si fatambai Joridano, fefoe. 6Ba lafabajagõʼõ idanõ ira chõnia ba Joridano ba laʼombachaʼõ horõra. (Hal. zin. 19, 3. 4).
7II. Ba me iʼila, ato zi mõi chõnia farizaio ba sadoekaio, nibajagõ idanõ, ba imane chõra: He jaʼami, ono goelõ! ha niha zangoromaʼõ chõmi lala wangefa ba wõnoe andrõ dania? (F. 12, 34; 23, 33). 8Miʼaʼasogõ saʼae mboeaboea, si nangea boeaboea wamalalini eraʼera. 9Bõi miwai, tola miw̃aʼo tõdõmi: Foeroegõma Gaberahamo; oew̃aʼõ sa chõmi, iʼila Lowalangi, ibaliʼõ maʼoewoe Gaberahamo gara andre. (Joh. 8, 33, b. t.). 10Ba no moetaoedoegõ wato ba w̃aʼa geoe, ba fefoe dõla geoe saʼae, si lõ boea si sõchi, ba laʼobõ ba latiboʼõ ba galitõ. (F. 7, 19. Joh. 15, 6). 11Jaʼodo, ba idanõ oebajagõ chõmi, ba wamalalini eraʼera, ba si so foerigoe dania, ba sabõlõ moroi chõgoe; ambõ solohe badagahenia ndraʼodo, ba Eheha niʼamoniʼõ ba alitõ ibajagõ chõmi daʼõ. (Hal. zin. 13, 24. 25; 2, 3. 4; Jes. 4, 4). 12So ba dangania dõrinia ba ihaogõ golajama mbasitõ chõnia ba oelitõ, ba ifaʼanõ ba halasa ba adaja andrõ, ba itoenoe ba galitõ si lõ matemate.
(A. 3, 13—17: Mar. 1, 9—11: Loek. 3, 21. 22: Joh. 1, 31—34)
13III. Me loeo daʼõ so Jesoe, iʼotarai Galilaia, isaw̃a Joridano, chõ Johane, ba wamabajagõʼõ idanõ jaʼia chõnia. 14Ba itenaw̃a ia Johane, imane: Mogoena sa chõgoe tebajagõ idanõ ndraʼo chõoe, ba mõi ndraʼoegõ chõgoe? 15Ba itema linia Jesoe, imane chõnia: Laoe manõ oea; si manõ sa zi nangea chõda, ba woloʼõ satoelõ andrõ, hadia ia fefoe. 16Awena itehe chõnia. Ba me no moebajagõ idanõ Jesoe, ba iʼanemaʼõ mõi mijaw̃a moroi ba nidanõ; ba hiza, tebokai mbanoea si jaw̃a, ba iʼila Geheha Lowalangi, si mõi mitooe, hoelõ marafadi, weʼamõi chõnia. 17Ba hiza li, si otarai zoroego, imane: Onogoe daʼõ, ono omasiõ, waʼomasigoe. (Jes. 11, 2; 42, 1. F. 17, 5. Loek. 9, 25. Fet. II. 1, 17).
Currently Selected:
MATAIO FAZA 3.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.