SOERA MALEACHI FAZA 3.
FAZA 3.
I. Tefaʼeleʼõ waʼaso Mesia ba faʼaso zangehao lala chõnia. II. Ba wangoehoekoe so Jehowa, ba ndramoefalalini geraʼerara ba ndro moetõrõ nifachoi andrõ. III. No faehoe ira zeboea horõ zangataʼoefi Lowalangi.
1I. Hiza oefatenge zinenge andrõ chõgoe, enaʼõ ihaogõ lala fõnagoe; ba lõ moedõnadõna, ba mõi ba gosalinia Zoʼaja andrõ, niʼaloeimi, malaʼika wawoeʼoesa li andrõ, somasi ami, zi so; hiza so ia dania, iw̃aʼõ Jehowa ngahõnõ. (Mat. 11, 10. Mar. 1, 2. Loek. 1, 76; 7, 27). 2Ba ha niha zanaha baw̃a waʼasonia andrõ, ba ha niha zi tola, na toʼele ia? Me hoelõ si mane alitõ ba zolaoegõ anaʼa ia, ba me hoelõ si mane idanõ nawoe ba zamabago noecha. (Jer. 2, 22. Sach. 13, 9). 3Ba doemadao dania ia wolaoegõ firõ andrõ ba fangehao jaʼia, ba ihaogõ Nono Lewi andrõ, iheta zi tenga, nifolaoe ba ganaʼa ba ba wirõ, enaʼõ tobali solohe soemange Jehowa ira, si nangea. (Hes. 44, 15. Sin. 5, 21). 4Ba enaʼõ omasi dania Jehowa zoemange nibeʼe mado Joeda, awõ nibeʼe Jeroezalema, si mane me loeo fõna sibai, si mane ba gõtõ si no noemalõ.
5II. Ba mõido chõmi, ba wangoehoekoe, ba sasi salio ndraʼo, oedoe zi fakelemoe andrõ ba oedoe zohorõ, fabaja si mõi ba hõloe na faja ba sangambõsi loeo genoni ba samakao lacha mbanoea ba si lõ ama, si lõ ina, ba samoejoeʼõ hoekoe, ba niha bõʼõ, lõ fangataʼoefi jaʼodo, iw̃aʼõ Jehowa ngohõnõ. (Moz. II. 22, 22. Moz. III. 19, 13. Jak. 5, 4). 6Jaʼodo, sa Jehowa, ba lõ si tobali ndraʼodo; ba jaʼami, Iraono Gizeraëli, ba lõ sahori na ami. (Moz. IV. 23, 19. Sin. 33, 1. Amaed. 19, 21). 7Iʼotarai gõtõ ndra toeami, ba no miʼerogõ gamachoitagoe ba lõ niʼoʼõmi. Mifoeli ami chõgoe, ba oefoelido chõmi, iw̃aʼõ Jehowa ngahõnõ, ba mimane: Hezo atṍ nifalalinima eraʼerama? (Sach. 1, 3). 8Hadia, tola maõ ilimo Lowalangi niha, wa milimo ndraʼodo? ba mimane: Hezo nilimoma jaʼoegõ? Ba zi samboea niʼofoeloe andrõ ba ba zoemange nihalõ fegero andrõ. (Neh. 13, 10). 9Andrõ wa no moeʼelifi ami, me milimolimo ndraʼodo, samboea soi manõ jaʼami. 10Miʼohe ba nomo girõgirõ zi samboea niʼofoeloe, maʼasamboea, enaʼõ so mbalazo ba nomo andrõ chõgoe, ba mitandraigõ ndraʼo ba daʼõ, iw̃aʼõ Jehowa ngahõnõ, na lõ oebokai dania chõmi mbaʼabaʼa andrõ ba mbanoea si jaw̃a, wamadoewa howoehowoe chõmi, irege zi no fahõna. (Moz. I. 7, 11. Raz. II. 7, 19). 11Ba oetenaw̃a chõmi damo andrõ, fa bõi lafakiko mboea danõ, ba lõʼõ saʼae chõmi si zizimõ ba w̃ew̃e nagoe ba kaboe, iw̃aʼõ Jehowa ngahõnõ. 12Ba lasoeno dania ami soi baero, fefoe, sohahaoe tõdõ ami law̃aʼõ; me tanõ omasiõ saʼae ami, dania, iw̃aʼõ Jehowa ngahõnõ. (Jes. 62, 4. Dan. 11, 16. Sach. 7, 14).
13III. Milaw̃a ndraʼo fehedemi, iw̃aʼõ Jehowa, ba misofoe na: Hadia nifagõlõsima chõoe? 14Mimane: Zajazaja gõlõ wamosoemange Lowalangi, ba hadia hare, me tatõrõ nifachoinia, ba me taʼonoecha noecha ba wangeʼesi, bõrõ Jehowa ngahõnõ? (Gen. 26, 5). 15Ba tasoeno saʼae zi fajaw̃a; tenga ha fa no mofozoe zolaoe si lõ atoelõ, noa na gõi latandraigõ Lowalangi, ba lõ fotoe. 16Ba fahoehoeo zangataʼoefi Jehowa, ba ihenegõ Lowalangi ba irongo, ba tefazõchi zoera fõnania, soera famasoegi ba dõdõ, bõrõ zangataʼoefi Jehowa andrõ, samosoemange tõinia. (Fam. 20, 12). 17Ba chõgoe ira, iw̃aʼõ Jehowa ngahõnõ, na no iroegi baw̃a andrõ, niʼasogõgoe, ba oeʼorifi ira, si mane fangorifi niha ononia matoea samosoemange jaʼia. (Moz. V. 7, 6; 8, 5. Sin. 118, 24. Sach. 14, 7). 18Ba ifoeli dania miʼila waʼafaehoera zatoelõ zi lõ atoelõ, ba faʼafaehoera zamosoemange Lowalangi zi lõ mamosoemange jaʼia.
Currently Selected:
SOERA MALEACHI FAZA 3.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.