SOERA JOBI FAZA 38.
FAZA 38.
I. Toʼele Jehowa ba mbanoea ba ifahede Jobi. II. Itoetoeroe chõnia halõw̃õ Lowalangi, ba wamazõchi fefoe hadia ia, si tebai aboto ba dõdõda. III. Faʼasalaw̃a Lowalangi ba famatõrõnia fefoe hadia ia.
1I. Ba hoemede Jehowa chõ Jobi ba weʼoegoeʼoegoe mbanoea, imane: (Raz. I. 19, 11. Hez. 1, 4).
2”Ha niha ba daʼõ, zamaloegõ tõdõ [goe] andrõ fehede si lõ faʼaboto ba dõdõ? (F. 42, 3).
3Faoso, amõbõ taloe, si mane ira matoea, ba oezofoezofoe chõoe, ba õfahaõ ndraʼodo!
4II. Heza so ndraʼoegõ, me oelata danõ? Ombachaʼõ, na so waʼaboto ba dõdõoe. (Amaed. 30, 4).
5Ha niha zi honogõi soeʼania — na õʼila ha niha zamatõrõ chõnia fanoeʼa!
6Hadia dajadaja gehomonia, ba ha niha zameʼe tooe tojo ba watalinga.
7Me maʼikiʼiki madala andrõ fefoe, ba me owoeawoea dõdõ nono Lowalangi, dozi. (Sin. 19, 2).
8Ha zameʼe baʼabaʼa nasi, lagõ mbawandroehõ, me aloea ia, me bõla ia, timba ba daloe nina, (Amaed. 8, 29),
9me oebeʼe noechania lawoeo, ba me oebeʼe lõlõnia zogõmigõmi sibai?
10Me oefachoi wondregenia ba me oebeʼe lagõ mbawandroehõnia, fabaja lazi.
11ba me oemane: ”Ba daʼe õroegi ba lõ õsawõ, ba ba daʼe aboto ndroeloemõ andrõ, si no fajaw̃a!” (Jer. 5, 22).
12Hadia, no õrai õbeʼe goroisa ba zi moloeo andrõ, no õrai õw̃aʼõ naha waʼojo mbanoea na mahemoloe mbanoea,
13enaʼõ itoegelai wondrege danõ, ba enaʼõ tetimba tooe zolaoe si lõ sõchi?
14Tobali si mane galõgalõ andrõ ba dandro, ba hoelõ noecha fefoe, hadia ia.
15Ba abõda haga ba zolaoe si lõ sõchi, ba terasa daʼio, si no moeʼoroʼõ.
16Hadia, no õroegi dawoejoe andrõ ba nasi, ba hadia, no mowaõwaõʼõ ba dojo namõ?
17Hadia, no teboka chõoe mbawandroehõ ba waʼamate, ba hadia, no aneheʼõ mbawa gõli mbanoea tooe, si no ogõmigõmi sibai?
18Hadia, no iroegi hõrõoe wamaigi faʼebolo danõ? Ombachaʼõ, na no ahori õʼila daʼõ?
19III. Heza atṍ so lala ba zonahia haga, ba faʼogõmigõmi andrõ — ba heza atṍ so nahiania?
20Fa õʼohe ba kandrania, fa õʼila lala ba nomonia?
21Õʼila, me loeo daʼõ sa toemboe ndraʼoegõ; no ara ndraʼoegõ ba goeli danõ.
22Hadia, no õroegi zi fahõna teoe si bakoe andrõ, ba no õʼila halasa deoe kara,
23nihõnagoe, ba mbaw̃a wamakao dania, ba mbaw̃a wasõndrata, ba mbaw̃a wanoewõ? (Jos. 10, 11. Jes. 30, 30).
24Heza so lala ba zi fabali haga, ba zi otarai angi timoe andrõ, wanõrõ oeli danõ misa.
25Ha zamatõrõ lala deoe, awõ lala gari mbanoea andrõ,
26ba wameʼe aechoe deoe ba danõ si lõ niha, ba danõ si mate, si lõ banoea niha,
27ba wangaboesoiʼõ si lõ sinanõ ba tanõ si mate, enaʼõ ifoeli toemboe ndroeʼoe? (Sin. 107, 35).
28Hadia, so nama deoe andrõ, ba ha niha nama mbõibõi namo andrõ?
29Ha niha zi adonogõ idanõ sabeʼe andrõ, ba ha ono namo si bakoe moroi jaw̃a ba mbanoea.
30Abeʼe nidanõ, timba gara, ba fadoro waʼabeʼe dete nasi.
31Hadia, õʼila õfabõbõ ”zara” andrõ, ba õʼila õtotoʼõ wesoe ”zi tõloe”.
32Hadia õʼila õʼohe baero ndrõfi seboea andrõ, na inõtõ, ba samatõrõ ”beroea” andrõ, awõ nononia, ndraʼoegõ?
33Hadia, õʼila nifachoi andrõ si jaw̃a ba mbanoea; hadia, no jaʼoegõ zamachoi famatõrõnia oeli danõ?
34Hadia, moeʼao ndraʼoegõ ba lawoeo, enaʼõ ihawoei ndraʼogõ teoe sabõlõbõlõ?
35Jaʼoegõ zolaoe gari mbanoea, enaʼõ itõrõ ba enaʼõ imane chõoe: Jaʼe ndraʼo?
36Ha zameʼe ba mboea [niha] faʼatoeatoea ba ha niha zamotõdõ zilatao? (F. 32, 8).
37Ha zangofaja lawoeo ba waʼatoeatoeania, ba asoa andrõ ba mbanoea si jaw̃a, ba ha zamatoetoee?
38Fa farafõ tooe gawoegawoe, fa fachitõ danõ sabeʼe.
39Hadia, ahoeloe ndraʼoegõ õ zi alawe zingo, ba dõhõ wangisõ nono zingo õbeʼe, (Sin. 104, 21),
40na lakõw̃õ ira ba nahara, na manaronaro ira ba ndroeʼoe? (Sin. 10, 9).
41Ha zangasiwai gõ gaga, na laʼangarõfi li Lowalangi ononia, na manõrõnõrõ ira lõ õ?” (Sin. 147, 9).
Currently Selected:
SOERA JOBI FAZA 38.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.