SOERA JOBI FAZA 32.
FAZA 32.
Hoehoeo Gelihoe andrõ: I. Hana wa lõ hedehedenia irege daʼe. II. Me tebai saʼae ladedema li Jobi si datõloe andrõ, ba terooe dõdõnia fahoehoeo.
1I. Ba me lõʼõ saʼae lademadema li Jobi si datõloe andrõ, me iboeʼaboeʼa manõ ba hoeloenia, 2ba mofõnoe Gelihoe andrõ, ono Mbaracheli, banoea Mboesi, maʼoewoe Rami. Chõ Jobi mofõnoe ia, me no si faboeʼaboeʼa chõ Lowalangi. 3Ba ba zi datõloe, si fahoewoe chõnia, mofõnoe ia, me lõ lasõndra wanedema li, ba wamadoehoeʼõ sala Jobi.
4Ba no ibazebaseʼõ Elihoe, ba wolaoe hoehoeonia chõ Jobi, me no si aʼa ira moroi chõnia. 5Ba me iʼila Elihoe, lõ fanedema li saʼae ba zi datõloe, ba tesao wõnoenia. 6Ba hoemede Gelihoe andrõ, ono Mbaracheli, banoea Mboesi, imane:
”Iraono na ndraʼo, ba satoea ami, ba no alaw̃õlaw̃õdo, si baʼabaʼaõ ndraʼo, ba wangombacha chõmi wangilagoe.
7No oemane dõdõgoe: Acha fahoehoeo zatoea, jamoefahaõ ita ba waʼatoeatoea si no ara ba goeli danõ!
8Ba eheha andrõ, si so barõ doto niha ba hanoehanoe Zi lõ ambõ faʼabõlõ, daʼõ zamaʼema chõra faʼaboto ba dõdõ. (Amaed. 2, 6. F. 38, 36. Sangomb. 2, 26. Jak. 1, 5).
9Tenga sa si no ara ba goeli danõ wondrege zatoeatoea, ba tenga si no satoea zangila hadia zatoelõ.
10Andrõ oew̃aʼõ: Fondrongondrongo chõgoe; daʼoetoenõ gõi zaboto ba dõdõgoe.
11II. Hiza, no oebazebazeʼõ hoehoeomi, no oefondrongondrongo wamahaõmi, irege misõndra enaʼõ zi ndroehoe famoeʼa.
12Noa sa oetõngõtõngõni chõmi, ba hiza, ba samõsa lõ ba chõmi sangila mamoeʼa niw̃aʼõ Jobi, lõ sangila manedema hoehoeonia.
13Bõi miwaʼõ: ’No faloechaga waʼatoeatoea; ha Lowalangi zangila molaw̃a jaʼia, tenga niha!’
14Chõgoe, ba lõ si faboeʼa ia; ba lõ oegoʼõgoʼõ niw̃aʼõmi, wanema linia.
15No tobali dõdõra, lõ fanema li saʼae; lõ lilī saʼae, no aetoe.
16Ba hadia, oebazebazeʼõ, me lõ hedehedera, me so manõ ba daʼõ, ba lõʼõ saʼae fanema li?
17Daʼoedemadema gõi, ndrohoendroehoe chõgoe, oetoenõ gõi hadia niʼilagoe.
18Noa sa afõnoe ndraʼo hoehoeo, iʼoʼoedo tõdõgoe, barõ dotogoe.
19Hiza, hoelõ doeo soʼotoeʼotoe, si lõ lala, bacha dõdõgoe; mamoka dania, si mane nahia si bohooe moefoʼõsi.
20Edõnado fahoehoeo, enaʼõ molala dõdõgoe; hoemede ndraʼo, ba wamoeʼa.
21Lõ oeʼeboeaʼõ dõdõgoe zamboeana; lõ oeʼalõsõigõ lelagoe ba niha, ha niha ia.
22Lõʼõ sa toʼõlõdo ba waʼalõsõ lela; lõ ara enaʼõ, ba iʼetoeʼõ nosogoe sombõi jaʼo.”
Currently Selected:
SOERA JOBI FAZA 32.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.