ܡܙܡܘܪܐ 9
9
ܠܪܝܫ ܓܘܕܐ ܕܙܡܪ̈ܐ: ܥܠ ܡܘܼܬ-ܠܲܒܸܢ. ܡܙܡܘܪܐ ܕܕܘܝܕ.
1ܒܸܬ ܫܲܟܪܸܢ ܠܡܵܪܝܵܐ ܒܟܠܹܗ ܠܸܒܝܼ،
ܒܸܬ ܗܲܩܹܝܢ ܟܠܵܝܗܝ ܕܘܼܡܵܪ̈ܘܼܟ݂؛
2ܒܸܬ ܚܵܕܹܝܢ ܘܒܸܬ ܦܵܨܚܹܢ ܒܝܼܘܼܟ݂،
ܒܸܬ ܙܵܡܪܹܢ ܫܸܡܘܼܟ݂، ܝܵܐ ܥܸܠܵܝܵܐ.
3ܐܝܼܡܲܢ ܕܕܵܝܪܝܼ ܕܸܫ̃ܡܸܢܝܼ ܠܒܵܬܪܵܐ،
ܟܹܐ ܬܲܪܩܸܠܝܼ ܘܛܵܠܩܝܼ ܡ̣ܢ ܩܲܕܡܘܼܟ݂؛
4ܣܵܒܵܒ ܥܒ݂ܝܼܕ ܠܘܼܟ݂ ܕܝܼܘܵܢܝܼ ܘܕܝܵܢܬܝܼ؛
ܝܬܝܼܒ݂ ܠܘܼܟ݂ ܥܲܠ ܟܘܼܪܣܝܵܐ ܒܸܕܝܵܢܵܐ ܒܙܲܕܝܼܩܘܼܬܵܐ.
5ܢܓ̰ܝܼܘ ܠܘܼܟ݂ ܒܐܸܡܘܵܬܹ̈ܐ، ܛܘܼܠܸܩ ܠܘܼܟ݂ ܠܒܝܼܫܹ̈ܐ،
ܫܸܡܵܝܗܝ ܓܪܝܼܕ ܠܘܼܟ݂ ܠܥܵܠܲܡ ܥܵܠܡܝܼܢ.
6ܕܸܫ̃ܡܸܢ ܬܝܼܡ ܠܹܗ ܒܚܪܵܒ݂ܵܐ ܥܵܠܡܝܼܢܵܝܵܐ،
ܘܡܕܝܼܢܵܬܵܝ̈ܗܝ ܥܩܝܼܪܘܼܟ݂،
ܛܠܝܼܩ ܠܹܗ ܕܟ݂ܵܪܵܐ ܕܝܼܵܝܗܝ.
7ܐܝܼܢܵܐ ܡܵܪܝܵܐ ܠܥܵܠܲܡ ܝܬܝܼܒ݂ܵܐ ܝܠܹܗ،
ܡܘܼܩܘܝܼܵܐ ܝܠܹܗ ܟܘܼܪܣܝܹܗ ܠܕܝܵܢܬܵܐ.
8ܘܗ̇ܘ ܒܸܬ ܕܵܐܹܢ ܠܒܪܝܼܬܵܐ ܒܙܲܕܝܼܩܘܼܬܵܐ،
ܒܸܬ ܥܵܒܹܕ ܕܝܵܢܬܵܐ ܠܥܲܡܡܹ̈ܐ ܒܬܪܘܼܨܘܼܬܵܐ.
9ܘܒܸܬ ܗܵܘܹܐ ܡܵܪܝܵܐ ܒܹܝܬ ܓܵܘܣܵܐ ܠܡܘܼܠܝܸܨܹ̈ܐ،
ܒܹܝܬ ܓܵܘܣܵܐ ܒܥܕܵܢܵܐ ܕܐܘܼܠܨܵܢܵܐ.
10ܘܒܸܬ ܣܵܒܪܝܼ ܒܝܼܘܼܟ݂ ܝܵܕܥܵܢܹ̈ܐ ܕܫܸܡܘܼܟ݂،
ܒܗ̇ܝ ܕܠܹܐ ܝܘܸܬ ܫܒ݂ܝܼܩܵܐ ܠܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܡܵܪܝܵܐ.
11ܙܡܘܿܪܘܼܢ ܠܡܵܪܝܵܐ ܥܵܡܪܵܢܵܐ ܒܨܸܗܝܘܿܢ،
ܡܲܕܸܥܡܘܼܢ ܥܒ݂ܵܕܘܼ̈ܗܝ ܓܵܘ ܥܲܡܡܹ̈ܐ.
12ܒܗ̇ܝ ܕܫܵܩܠܵܢܵܐ ܕܬܘܼܥܠܵܐ ܕܕܸܡܵܐ ܟܹܐ ܕܵܟܹܪ ܠܡܘܼܠܝܸܨܹ̈ܐ؛
ܠܹܐ ܡܲܢܫܹܐ ܠܡܲܩܘܲܚܬܵܝܗܝ.
13ܪܲܚܸܡ ܥܲܠܝܼ، ܝܵܐ ܡܵܪܝܵܐ،
ܚܙܝܼ ܐܘܼܠܨܵܢܝܼ ܕܡ̣ܢ ܣܵܢܝܵܢܝܼ̈،
ܝܵܐ ܡܲܪܡܵܢܝܼ ܡ̣ܢ ܕܲܪ̈ܘܵܙܹܐ ܕܡܵܘܬܵܐ،
14ܕܗܲܩܹܝܢ ܟܠܵܝܗܝ ܬܸܫܒܘܿܚܝܵܬܘܼ̈ܟ݂
ܒܕܲܪ̈ܘܵܙܹܐ ܕܒܪܵܬ ܨܸܗܝܘܿܢ،
ܥܵܒ݂ܕܹܢ ܦܨܵܚܵܐ ܒܦܘܼܪܩܵܢܘܼܟ݂.
15ܛܒܝܼܥ ܠܗܘܿܢ ܐܸܡܘܵܬܹ̈ܐ ܒܓܘܼܒܵܐ ܕܚܦܝܼܪܗܘܿܢ،
ܒܓܲܪܕܵܐ ܕܛܘܼܡܸܪܗܘܿܢ ܦܝܼܫ ܠܵܗ̇ ܕܒ݂ܝܼܩܬܵܐ ܐܲܩܠܵܝܗܝ.
16ܦܝܼܫܵܐ ܝܠܹܗ ܝܕܝܼܥܵܐ ܡܵܪܝܵܐ ܒܕܝܼܘܵܢ ܕܥܒ݂ܝܼܕ ܠܹܗ،
ܪܲܫܝܼܥܵܐ ܒܦܘܼܠܚܵܢܵܐ ܕܐܝܼܕܘܼ̈ܗܝ ܟܹܐ ܦܵܐܹܫ ܕܒ݂ܝܼܩܵܐ ܒܩܘܼܠܬܵܐ. ܗܓܵܝܘܿܢܣܹܠܵܗ
17ܒܸܬ ܕܵܝܪܝܼ ܒܝܼܫܹ̈ܐ ܠܫܝܘܿܠ،
ܟܠܵܝܗܝ ܐܸܡܘܵܬܹ̈ܐ ܢܵܫܝܵܢܹ̈ܐ ܕܐܲܠܵܗܵܐ.
18ܣܵܒܵܒ ܠܥܵܠܲܡ ܠܹܐ ܦܵܐܹܫ ܡܘܼܢܫܝܼܵܐ ܣܢܝܼܩܵܐ،
ܠܹܐ ܛܵܠܹܩ ܣܲܒ݂ܪܵܐ ܕܡܸܣܟܹܢܹ̈ܐ ܠܥܵܠܲܡ.
19ܩܘܼܡ، ܝܵܐ ܡܵܪܝܵܐ، ܕܠܵܐ ܡܲܫ݇ܟ̰ܸܚ ܙܵܟ݂ܘܼܬܵܐ ܐܢܵܫܵܐ،
ܦܵܝܫܝܼ ܕܝܼܢܹܐ ܐܸܡܘܵܬܹ̈ܐ ܩܲܕܡ ܦܵܬܘܼܟ݂.
20ܡܲܬܸܒ݂، ܝܵܐ ܡܵܪܝܵܐ، ܙܕܘܼܥܬܵܐ ܥܲܠܵܝܗܝ،
ܕܝܵܕܥܝܼ ܐܸܡܘܵܬܹ̈ܐ ܕܒܢܲܝ̈ܢܵܫܵܐ ܝܢܵܐ ܐܵܢܝܼ.ܣܹܠܵܗ
Currently Selected:
ܡܙܡܘܪܐ 9: aii
Highlight
Share
Copy
Want to have your highlights saved across all your devices? Sign up or sign in
© 2014, Aramaic Bible Translation, Inc. All rights reserved.