ܡܙܡܘܪܐ 8
8
ܠܪܝܫ ܓܘܕܐ ܕܙܡܪ̈ܐ: ܥܠ ܓܬܝܼܬ. ܡܙܡܘܪܐ ܕܕܘܝܕ.
1ܡܵܪܝܵܐ، ܡܵܪܲܢ،
ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ،
ܕܡܘܼܫܪܹܐ ܠܘܼܟ݂ ܚܸܩܪܘܼܟ݂ ܥܲܠ ܫܡܲܝܹ̈ܐ.
2ܡ̣ܢ ܦܘܼܡܵܐ ܕܝܵܠܹ̈ܕ݇ܐ ܘܝܲܠܘܼܕܹ̈ܐ ܫܘܼܬܐܸܣ ܠܘܼܟ݂ ܚܲܝܠܵܐ، ܒܥܸܠܬܵܐ ܕܕܲܠܩܘܼܒ݂ܠܵܝܘܼܟ݂،
ܠܡܲܫܠܘܼܝܹܐ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ.
3ܐܝܼܡܲܢ ܕܓܲܫܩܸܢ ܠܫܡܲܝܘܼ̈ܟ݂، ܦܘܼܠܚܵܢܵܐ ܕܨܸܒܥܵܬܘܼ̈ܟ݂،
ܣܲܗܪܵܐ ܘܟܵܘܟ݂ܒܹ̈ܐ ܕܡܘܼܬܒ݂ܵܝ ܠܘܼܟ݂ ܒܕܘܼܟܵܝܗܝ،
4ܡܘܼܕܝܼ ܝܠܹܗ ܐܢܵܫܵܐ ܕܕܵܟ݂ܪܹܬ ܠܹܗ،
ܘܒܲܪܢܵܫܵܐ ܕܣܲܚܒܸܪܸܬ ܠܹܗ؟
5ܘܥܒ݂ܝܼܕ ܠܘܼܟ݂ ܐܸܠܹܗ ܚܲܕܟ̰ܵܐ ܒܘܼܫ ܒܵܨܘܿܪܵܐ ܡ̣ܢ ܡܲܠܲܐܟܹ̈ܐ،
ܘܒܚܸܩܪܵܐ ܘܐܝܼܩܵܪܵܐ ܒܘܼܢܦܸܪܘܼܟ݂ ܐܸܠܹܗ.
6ܝܘܼܗܒܹܠ ܠܘܼܟ݂ ܫܘܼܠܛܵܢܵܐ ܐܸܠܹܗ ܥܲܠ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂؛
ܟܠ ܡܸܢܕܝܼ ܡܘܼܬܸܒ݂ ܠܘܼܟ݂ ܬܚܘܿܬ ܐܲܩܠܵܬܘܼ̈ܗܝ،
7ܥܸܪ̈ܒܹܐ ܘܬܵܘܪܹ̈ܐ ܟܠܵܝܗܝ،
ܘܐܘܼܦ ܚܲܝܘܵܬܹ̈ܐ ܕܕܸܫܬܵܐ؛
8ܛܲܝܪܹ̈ܐ ܕܫܡܲܝܵܐ ܘܢܘܼܢܹ̈ܐ ܕܝܵܡܵܐ،
ܟܠ ܓ̰ܵܘܓ̰ܵܢܵܐ ܒܪܵܗܛܵܐ ܕܡ̈ܝܼܵܐ ܓܵܘ ܝܵܡܵܬܹ̈ܐ.
9ܡܵܪܝܵܐ، ܡܵܪܲܢ، ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ.
Currently Selected:
ܡܙܡܘܪܐ 8: aii
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2014, Aramaic Bible Translation, Inc. All rights reserved.