ܒܪܝܬܐ 10

ܬܵܘܠܕܵܬܹ̈ܐ ܕܢܘܿܚ

1ܐܲܢܹܐ ܝܢܵܐ ܬܵܘܠܕܵܬܹ̈ܐ ܕܫܹܝܡ، ܚܵܡ، ܘܝܲܦ̮ܬ، ܒܢܘܿܢܹ̈ܐ ܕܢܘܿܚ، ܐܵܢܝܼ ܕܦܝܼܫ ܠܗܘܿܢ ܝ݇ܠܝܼܕܹܐ ܐܸܠܲܝܗܝ ܒܢܘܿܢܹ̈ܐ ܡ̣ܢ ܒܵܬ݇ܪ ܛܵܘܦܵܢܵܐ.

ܒܢܘܿܢܹ̈ܐ ܕܝܲܦ̮ܬ

2ܐܲܢܹܐ ܝܢܵܐ ܒܢܘܿܢܹ̈ܐ ܕܝܲܦ̮ܬ: ܓܵܡܵܪ، ܡܵܓ݂ܘܿܓ݂، ܡܵܕܵܝ، ܝܵܘܵܢ، ܬܘܼܒܲܠ، ܡܵܫܵܟ، ܘܬܝܼܪܵܣ. 3ܘܒܢܘܿܢܹ̈ܐ ܕܓܵܡܵܪ: ܐܲܫܟܢܵܙ، ܪܲܝܦܵܬ، ܘܬܘܼܓܲܪܡܵܐ. 4ܘܒܢܘܿܢܹ̈ܐ ܕܝܵܘܵܢ: ܐܸܠܝܼܫܵܐ، ܬܲܪܫܝܼܫ، ܟܵܬܵܝܹ̈ܐ، ܘܕܘܼܕܵܢܵܝܹ̈ܐ. 5ܡ̣ܢ ܐܲܢܹܐ ܦܠܝܼܛ ܠܗܘܿܢ ܐ݇ܢܵܫܹ̈ܐ ܕܥܡܝܼܪܗܘܿܢ ܒܓܵܙܲܪ̈ܝܵܬܹܐ ܕܐܲܬܪ̈ܵܘܵܬܹܐ ܦܪ̈ܝܼܫܹܐ، ܟܠ ܚܲܕ ܒܠܸܫܵܢܵܐ ܕܓܵܢܹܗ، ܘܒܫܲܪܒܬܹܗ، ܘܒܥܲܡܹܗ.

ܒܢܘܿܢܹ̈ܐ ܕܚܵܡ

6ܒܢܘܿܢܹ̈ܐ ܕܚܵܡ: ܟܘܼܫ، ܡܸܨܪܵܝܸܡ، ܦܘܿܛ، ܘܟܢܲܥܢ. 7ܘܒܢܘܿܢܹ̈ܐ ܕܟܘܼܫ: ܣܒ݂ܵܐ، ܚܘܝܼܠܵܐ، ܣܵܒ݂ܬܵܐ، ܪܲܥܡܵܐ، ܘܣܲܒ݂ܬܟ݂ܵܐ. ܘܒܢܘܿܢܹ̈ܐ ܕܪܲܥܡܵܐ: ܫܒ݂ܵܐ، ܘܕܵܕܵܢ. 8ܟܘܼܫ ܡܘܼܠܸܕ ܠܹܗ ܠܢܸܡܪܘܿܕ. ܗ̇ܘ ܗܘܹܐ ܠܹܗ ܓܲܢ݇ܒܵܪܵܐ ܒܐܲܪܥܵܐ، 9ܗ̇ܘ ܗܘܹܐ ܠܹܗ ܓܲܢ݇ܒܵܪܵܐ ܕܨܲܝܕܵܐ ܩܵܕ݇ܡ ܡܵܪܝܵܐ، ܒܘܼܬ ܐܵܗܵܐ ܦܝܼܫܬܵܐ ܝܠܵܗ̇ ܐ݇ܡܝܼܪܬܵܐ، ”ܐܲܝܟ݂ ܢܸܡܪܘܿܕ، ܓܲܢ݇ܒܵܪܵܐ ܕܨܲܝܕܵܐ ܩܵܕ݇ܡ ܡܵܪܝܵܐ.“ 10ܫܘܼܪܵܝܵܐ ܕܡܲܠܟܘܼܬܹܗ ܝܼܗ݇ܘܵܐ ܒܵܒܹܠ، ܐܵܪܵܟ، ܐܵܟܵܕ، ܘܟܲܠܢܹܐ، ܒܐܲܪܥܵܐ ܕܣܸܢܥܵܪ. 11ܡ̣ܢ ܗ̇ܝ ܐܲܪܥܵܐ ܦܠܝܼܛ ܠܹܗ ܠܐܵܬܘܿܪ ܘܒܢܹܐ ܠܹܗ ܠܢܝܼܢܘܹܐ، ܠܪܚܘܿܒܘܿܬ ܡܕܝܼܢ݇ܬܵܐ، ܠܟܵܠܵܚ، 12ܘܠܪܵܣܵܢ ܒܹܝܠ ܢܝܼܢܘܹܐ ܘܒܹܝܠ ܟܵܠܵܚ، ܗ̇ܝ ܡܕܝܼܢ݇ܬܵܐ ܓܘܼܪܬܵܐ. 13ܡܸܨܪܵܝܸܡ ܡܘܼܠܸܕ ܠܹܗ ܠܠܘܿܕܵܝܹ̈ܐ، ܠܥܵܢܵܡܵܝܹ̈ܐ، ܠܠܲܗܒ݂ܵܝܹ̈ܐ، ܠܢܲܦ̮ܬܘܿܚܵܝܹ̈ܐ، 14ܠܦܲܬܪ̈ܘܿܣܵܝܹܐ، ܘܠܟܲܣܠܘܿܚܵܝܹ̈ܐ (ܕܡܸܢܲܝܗܝ ܦܠܝܼܛ ܠܗܘܿܢ ܦܠܸܫܬܵܝܹ̈ܐ)، ܘܟܲܦܬܘܿܪ̈ܵܝܹܐ.

15ܟܢܲܥܢ ܡܘܼܠܸܕ ܠܹܗ ܠܒܘܼܟ݂ܪܹܗ ܨܲܝܕܘܿܢ، ܠܚܹܝܬܵܝܹ̈ܐ، 16ܠܝܵܒ݂ܘܿܣܵܝܹ̈ܐ، ܠܐܵܡܘܿܪ̈ܵܝܹܐ، ܠܓܲܪ̈ܓܘܼܫܵܝܹܐ، 17ܠܚܵܘܵܝܹ̈ܐ، ܠܥܲܪ̈ܩܵܝܹܐ، ܠܣܝܼܢܵܝܹ̈ܐ، 18ܠܐܵܪ̈ܘܿܕܵܝܹܐ، ܠܨܡܵܪ̈ܵܝܹܐ، ܘܠܚܡܵܬܵܝܹ̈ܐ. ܡ̣ܢ ܒܵܬ݇ܪ ܗܵܕܵܐ ܦܪܝܼܣ ܠܗܘܿܢ ܫܲܪ̈ܒܵܬܹܐ ܕܟܢܲܥܢܵܝܹ̈ܐ. 19ܘܗܘܹܐ ܠܹܗ ܬܚܘܼܡܵܐ ܕܟܢܲܥܢܵܝܹ̈ܐ ܡ̣ܢ ܨܲܝܕܘܿܢ ܒܐܘܼܪܚܵܐ ܠܓܵܪܵܪ ܗܲܠ ܥܵܙܵܐ، ܘܒܐܘܼܪܚܵܐ ܠܣܕܘܿܡ، ܘܥܵܡܘܿܪܵܐ، ܘܠܐܵܕܡܵܐ ܘܨܒ݂ܘܿܐܝܼܡ، ܗܲܠ ܠܸܫܲܥ. 20ܐܲܢܹܐ ܝܢܵܐ ܒܢܘܿܢܹ̈ܐ ܕܚܵܡ، ܒܫܲܪ̈ܒܵܬܲܝܗܝ، ܒܠܸܫܵܢܲܝ̈ܗܝ، ܒܐܲܪ̈ܥܵܬܲܝܗܝ، ܘܒܥܲܡܡܲܝ̈ܗܝ.

ܒܢܘܿܢܹ̈ܐ ܕܫܹܝܡ

21ܠܫܹܝܡ، ܐܲܚܘܿܢܵܐ ܓܘܼܪܵܐ ܕܝܲܦ̮ܬ، ܦܝܼܫ ܠܗܘܿܢ ܝ݇ܠܝܼܕܹܐ ܝܵܠܹ̈ܕ݇ܐ، ܘܗܘܹܐ ܠܹܗ ܒܵܒܵܐ ܕܟܠܲܝܗܝ ܒܢܲܝ̈ ܥܵܒ݂ܵܪ. 22ܒܢܘܿܢܹ̈ܐ ܕܫܹܝܡ ܝܼܢܵܐ: ܥܝܼܠܵܡ، ܐܵܫܘܿܪ، ܐܲܪܦܲܟ݂ܫܵܕ، ܠܘܿܕ، ܘܐܵܪܵܡ. 23ܐܲܢܹܐ ܝܢܵܐ ܒܢܘܿܢܹ̈ܐ ܕܐܵܪܵܡ: ܥܘܼܨ، ܚܘܼܠ، ܓܵܬܵܪ، ܘܡܵܫ. 24ܐܲܪܦܲܟ݂ܫܵܕ ܡܘܼܠܸܕ ܠܹܗ ܠܫܵܠܵܚ، ܘܫܵܠܵܚ ܡܘܼܠܸܕ ܠܹܗ ܠܥܵܒ݂ܵܪ. 25ܘܠܥܵܒ݂ܵܪ ܦܝܼܫ ܠܗܘܿܢ ܝ݇ܠܝܼܕܹܐ ܬܪܹܝ ܒܢܘܿܢܹ̈ܐ: ܫܸܡܵܐ ܕܚܲܕ ܦܵܠܵܓ݂،#10‏:25 ܫܸܡܵܐ ܕܦܵܠܵܓ݂ ܩܵܠܹܗ ܒܸܕܡܵܝܵܐ ܝܠܹܗ ܠܚܲܒܪܵܐ ܕܦܠܵܥܬܵܐ ܒܠܸܫܵܢܵܐ ܥܸܒ݂ܪܵܝܵܐ ܣܵܒܵܒ ܒܝܵܘܡܵܢܘܼ̈ܗܝ ܦܝܼܫ ܠܵܗ̇ ܦܠܝܼܥܬܵܐ ܐܲܪܥܵܐ؛ ܘܫܸܡܵܐ ܕܐܲܚܘܿܢܘܼܗܝ ܝܲܩܛܵܢ. 26ܘܝܲܩܛܵܢ ܡܘܼܠܸܕ ܠܹܗ ܠܐܲܠܡܘܿܕܵܕ، ܠܫܵܠܵܦ، ܠܚܨܲܪܡܘܼܬ، ܠܝܵܪܵܚ، 27ܠܗܲܕܘܿܪܵܡ، ܠܐܘܿܙܸܠ، ܠܕܸܩܠܵܐ، 28ܘܠܥܘܿܒܵܠ، ܘܠܐܲܒ݂ܝܼܡܲܠ، ܘܠܫܒ݂ܵܐ، 29ܠܐܵܘܦܹܝܪ، ܠܚܘܝܼܠܵܐ، ܘܠܝܘܼܒܵܒ݂. ܟܠܲܝܗܝ ܐܲܢܹܐ ܒܢܘܿܢܹ̈ܐ ܕܝܲܩܛܵܢ ܝܼܗ݇ܘܵܘ. 30ܬܚܘܼܡܲܝ̈ܗܝ، ܐܲܝܟܵܐ ܕܟܹܐ ܚܵܝܝܼ ܗ݇ܘܵܘ، ܦܪܝܼܣ ܠܹܗ ܡ̣ܢ ܡܹܫܵܐ، ܒܐܘܼܪܚܵܐ ܠܣܹܦܵܪ، ܗܲܠ ܪ̈ܘܼܡܝܵܬܹܐ ܒܡܲܕܢܚܵܐ. 31ܐܲܢܹܐ ܝܢܵܐ ܒܢܘܿܢܹ̈ܐ ܕܫܹܝܡ، ܒܫܲܪ̈ܒܵܬܲܝܗܝ، ܒܠܸܫܵܢܲܝ̈ܗܝ، ܒܐܲܪ̈ܥܵܬܲܝܗܝ، ܒܥܲܡܡܲܝ̈ܗܝ.

32ܐܲܢܹܐ ܝܢܵܐ ܫܲܪ̈ܒܵܬܹܐ ܕܒܢܘܿܢܹ̈ܐ ܕܢܘܿܚ، ܒܬܵܘܠܕܵܬܲܝ̈ܗܝ ܘܒܥܲܡܡܲܝ̈ܗܝ. ܡ̣ܢ ܐܲܢܹܐ ܦܝܼܫ ܠܗܘܿܢ ܦܪܝܼܣܹܐ ܐܸܡܘܵܬܹ̈ܐ ܥܲܠ ܐܲܪܥܵܐ ܡ̣ܢ ܒܵܬ݇ܪ ܛܵܘܦܵܢܵܐ.

Currently Selected:

ܒܪܝܬܐ 10: ABTAB

Highlight

Copy