THUPILTE 9
9
Pilna kipahtawina
1Pilna in a inn alam a,
khuom sagite aphutta hi.
2Agantate athatta a,
aman a zu toh atohhal a,
ann nehna ding dawkan zong adaw zouta hi.
3A suoh nungahte asawldoh a,
khopi sunga munsang tengah mi han in akikou sah hi.
4“Nou mi mawlte pouma tamlangah hing kihei unlen,”
theisiemna neilou pouma kungah;
5“Hing pei inlen ka ann hing ne unlen,
ka zu halsa dawn un,
6Motna taisan unlen,
hing pei un,
theisiemna lampi ah pei un,”
achi hi.
7Mi simmawhat mi phawhpa in zumna alawdoh giap a;
migilou phawhhilpa in ama liemna ding alawdoh giap hi.
8Misimmawhatte phawhhil sin,
ahisihleh nang ahing muda kha ding hi,
mipil phawh lachin nang ahing it ding hi.
9Mipil kungah thuhilna pe lachin,
ahing pil deu deu dinga,
midih hil lachin atheitam sem sem ding hi.
10 #
Job. 28.28; Late. 111.10; Thu. 1.7 Mangpa giin khu pilna kipatna ahi a,
Asiengthoupa theina khu theisiemna ahi.
11Aziehpen keima ziehin na damsung nite akibelap dinga,
na damsung kumte zong akibelap ding hi.
12Na pil leh nanga dinga pil na hi dinga;
hinanleh mi na simmaw leh pen,
nangman amaw na kipuoh ding hi.
Numei maw
13Numei mo khu akam atam a abil ap huoi hi,
amawl a bangma athei sih hi.
14A inn kotlam ah atou a,
khopi munsang touna tungte ah atou hi.
15Amauh lampi a tangtah a pei a,
agei a suoh khate pouma na han ding in:
16“Koi pou pilna tasam leh,”
mi mawlte pouma tanah hing ki heilut u’heh,
ana chi hi.
17“Tui kigu ahumdeu se a,
simtham a ann neh atuideu se hi.”
18Hinanleh amaun mi shite khunah a um uh chi leh,
amanu mi hatte shina hankhuh,
thutah ah a um uh chi,
athei sih uhi, achi hi.
Currently Selected:
THUPILTE 9: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
