THUPILTE 13
13
1Tapa pil in apa thuhilna a ngaikhie a,
hinanleh misimmaw hat miin phawhhilna,
a ngaikhe nuom sih hi.
2Mi’n akamsiem ga silhoi ane dinga,
hinanleh mi gin umloute hinna,
in hiemngamna ane ding hi.
3Akam vengzou miin ahinna akembita,
hinanleh a kam lienpi a kaah miin sietna atuoh ding hi.
4Mithasie hinna in alunggul a,
bangma anei sih hi,
hinanleh mithanuom hinna pen,
hausat sahin a um ding hi.
5Midihtat in zuou ahuo a,
hinanleh migilou khu ahuothuoi a,
zumna atuoh zel hi.
6Genbanglou a gamta mi khu dihtatna in a kem a,
hinanleh gitlouna in mikhiel apuasah hi.
7Mi ama leh ama kihausa sah a bangma neilou a um a,
hinanleh mi ama leh ama kizawng sah,
napi hauna thupitah nei a um hi.
8Mihing hinna tatna khu ahausatna ahi a,
hinanleh mizawng in vau hilna angai nuom sih hi.
9Midihtatte vah khu anuom a,
hinanleh migiloute meivah pen sumit ahi ding hi.
10Kiletsahna in kihauna apiengsah giap a,
hinanleh thuhilna ngaisah miten pilna anei uhi.
11Lepchietah a hausatnate akiem pai dinga,
hinanleh sepgimna thaman kholkhawm mi khu,
apung deu deu ding hi.
12Kinepna ahing zekai chiengin lungtang anasah a,
hinanleh lunggulna ahingtun chiengin,
hinna singkung ahi.
13Koipou thupieh simmaw khu suhsiet ahi dinga,
hinanleh koipou thupieh giing mi khu,
kipahman pieh in a um ding hi.
14Mipil dan khu hinna tuikhuh ahi a,
shina thangte apata suohtatna ahi.
15Theisiemna hoiin deisahna apie a,
hinanleh mi gin umloute lampi ahasa hi.
16Lunggelsiem mi pouma in theina toh kituohin,
nna asem ua,
hinanleh mi moten amotna uh asulang paipai uhi.
17Thupotu gilou khu buoina ah akelut zel a,
palai gin um in chidamna atut hi.
18Hoina dinga phawhhilna ngainuomlou mi in
gentheina leh zumna atuoh dinga,
bawlhoina ngaikhe miin pahtatna alaw ding hi.
19Lunggul bangbang a pichinsah a um khu,
hinna a dingin anuom a;
hinanleh mi mote a dingin,
gitlouna taisan khu sil kidahhuoi ahi.
20Mipilte toh zawhkhawm mi ahing pila,
mi mote toh kigop mi pen suhmang ahi ding hi.
21Silhoilou in mikhielte anuadel a,
hinanleh midihtatte kungah nuomman akipe ding hi.
22Mihoi in atu leh atate adingin gou anuasie a,
tualeh mikhielte hausatna pen midihtatte,
dinga gou kikholkhawm asuoh hi.
23Mizawngte lou hawna ah ann tampi apieng thei a,
hinanleh thudih a vaihawmna atahsap ziehin,
suhsiet in a um leng hi.
24Koi zong chieng zanglou mi khu atapa muda ahi,
atapa it in thununna ape mengmeng hi.
25Midihtatten ahinna uh ataimasang sie’n ane ding ua,
hinanleh migiloute agilkiel ding uhi.
Currently Selected:
THUPILTE 13: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
