MATHIU 10

Sawltah sawm leh nite leh anasep uh

1Tualeh Aman anuazui sawm leh nite ahat zou in, akung uah dawibuate nawdoh theina leh damlouna chinteng leh natna chinteng damsah theina thuneina apie hi. 2Sawltah sawm leh nite min khu tamte ahi: Amasa pen in Simon, Peter kichipa leh a sanggampa Andru; Zebedi tapa Jakob leh asanggampa Johan; 3Philip leh Bartholomai; Thomas leh siekhonpa Mathiu; Alphai tapa Jakob leh Lebbai amintah Thaddeus; 4Kanaan mi Simon leh amansahpa Judas Iskariotte ahi uhi.

Sawm leh nite Jesu’n athuhilna

(Mak. 6.8-13; Luk. 9.2-6; 12.2-10)

5Sawm leh nite khu Jesu’n asawldoh a, amaute thu apie a, “Jentelte lampi ah pei sih unlen, Samarite khopi sung ah zong lut vawt sih un. 6Ahivang in Israel innkuon belam mangte kung ah peizaw un. 7Tualeh na pei kawm un, vangam anaita chiin gen zel un. 8Damloute sudam unlen, phahte siengthousah unlen, mishite kaithou unlen, dawite notdoh un, amanbeiin na mu ua, amanbei main pie un. 9Na sum ip sung uah, sana, dangka leh sum-eng guong sih un. 10#1 Kor. 9.14; 1 Tim. 5.18Na khuolzinna uah thungpi ahiei, puonah ni ahiei, kengdap ahiei, ahisihleh chiengkhut ahiei, keng sih un, aziehpen nasem mi khu neh mutah ahi.

11Tualeh khopi ahiei, khoneu ahiei, na lutna pou uah, na tunna ding taah uh mi kandoh unlen, na pawtdoh masangsie uh khunah tung khinkhian un. 12Innsunga na lut chiengun chibai buh un. 13Innsunga mite chibai buh taah ahi u’leh na tung ah hamuonna hing tung heh. Hinanleh atah sih uleh, na hamuonna uh na kung uah hing kilekia heh. 14#Nasep. 13.51Tualeh koipou nou hing kipahpi lou a, na thute uh angai nuom sih uleh, tua inn ahiei akipat ahisihleh tuomi khuo ahiei akipat na pawtdoh chiengun, na kengphang ua leivui thingkhie un. 15#Mat. 11.24; Siem. 19.24-28#Luk. 10.4-12Chitahtahin ka hing hil ahi, thukhen ni chiengin, tua khopi thuoh ding sangin, Sodom leh Gomorrah gam thuoh ding khu adan aum zaw ding hi.

16 # Luk. 10.3 “Ngai un, ngiete lah a belam bangin ka hing sawl ahi; tuaziehin gul bangin pil unlen, vakhu banga poikhoi louin um un. 17#Mak. 13.9-11; Luk. 12.11,12; 21.12-15Hinanleh mite lah ah kiveng un, aziehpen amaun vaihawmte ahing mansah ding ua, akikhopna innte uah noute ahing zep sah kha ding uhi. 18Tualeh Keima ziehin, gam uhpipate leh leengte masangah, amauleh Jentelte theipimi hi dingin ahing pui ding uhi. 19Hinanleh ahing matsah chieng un, bangchi ding a, bang gen ding ka diei chiin lunggim sih un, na gen ding uh ahuntah a hing kihil ding na hi uhi. 20Agenpa nouma na hisih ding ua, na Pa uh Hagau in nouma ah genzaw ding ahi zieh in.

21 # Mak. 13.12; Luk. 21.16 Tualeh asang gampan thalup dingin asanggampa amansah ding a, tualeh pain zong atate, aman sah ding; tualeh tate’n zong nulepate adou ding ua, athatlum sah ding uhi. 22#Mat. 24.9; Mak. 13.13; Luk. 21.17; Mat. 24.13; Mak. 13.13Ka min ziehin mi zousie muda na hi ding uh, hinanleh atawp dong a thuoh zou pouma hundam ahi ding hi. 23Hinanleh tam khopi sunga nou ahing suhgenthei chiengun, khopi dangah tailut un. Chitahtah in ka hing hil ahi, Mihing Tapa hing pei masangin, Israel khopi zousie na tuonsuoh sih ding uhi.

24 # Luk. 6.40; Jn. 13.16; 15.20 “Nuazui khat asiepa tungah a um ngai sih a, ahisihleh suoh khat apu tungah a um ngai sih hi. 25#Mat. 9.34; 12.24; Mak. 3.22; Luk. 11.15Nuazui khat asiepa banga ahing um leh suohpa zong a pupa um banga aum khu ahunbep ahi. Amaun inntehpa bawn Beelzebub achi uleh a innkuonpite uh achi tham valeh masih ding uoi. 26#Mak. 4.22; Luk. 8.17“Tuaziehin amauh giing sih un. Aziehpen langlou dinga ki phuol bangma um sih a, theilou dinga im zong bangma a um sih hi. 27Miel lah a nou ka hing hil pouma, khovah ah gen unlen, na bil ua na zahte uh inntungvum ah kitangkoupi un. 28Tualeh tahsa that thei a Hagau that theiloute giing sih un, hinanleh Hagau leh tahsa ani a gawtmun a sumang theipa Ama khu giing zaw un. 29Vatou ni paisasan khat in akizua zel asiei mah? Ahivang in alah ua khat zong na Pa uh theilouin tuol ah akesih ding hi. 30Na lutung ua na samzamte zousie uh nangawn sim sieng ahita hi. 31Tuaziehin zau sih un, vatou tampi sangin na manphazaw uhi. 32Koipou mite masang a hing hum pouma, ken zong van a ka pa mai ah, ama ka hum ding hi. 33#2 Tim. 2.12Hinanleh koipou mite mai a, kei hing kilepsan pouma Ken zong van a ka Pa masang ah ka kilepsan ding hi.

34“Leitunga lemna leengsah dinga hing peiin hing ngaisut sih un, lemna leengsah dinga hing pei ka hi sih a, namsau leengsah dinga hing pei ka hizaw hi. 35#Mik. 7.6Mi apa dousah dinga, tanuin anu dousah ding leh mouin a innpinu dousah ding a hing pei ka hi. 36Tualeh mi amelma khu ama innkuonpite mama ahi ding hi.

37Koipou apa ahiei, anu ahiei, kei sang a itzaw pouma ka mi hitah ahi sih; tualeh atapa ahiei, atanu ahiei, kei sang a it zaw khu ka mi hitah ahi sih hi. 38#Mat. 16.24; Mak. 8.34; Luk. 9.23Tualeh koipou a kros pua a hing zui lou khu ka mi hitah ahi sih hi. 39#Mat. 16.25; Mak. 8.35; Luk. 9.24; 17.33; Jn. 12.25Koipou ahinna muin ataan dinga, keima zieh a ahinna taan pouma in amu ding hi.

40 # Luk. 10.16; Jn. 13.20; Mak. 9.37; Luk. 9.48 “Koipou noute hing kipahpi khu, Kei hing kipahpi ahi a, tualeh koipou kei hing kipahpi khu, Kei hing sawlpa kipahpi ahi. 41Koipou guolnei khu, guolnei ahizieh a kipahpi in guolnei kipahman amu ding hi. Tualeh koipou mi dihtat ahi zieh a kipahpi in midihtat kipahman amu ding hi. 42Tualeh koipou tam mi neute lah a khat nuazui ahi zieha tuisih nou khat maimai pie zong, chitahtah in ka hing hil ahi, akipahman uh ataan vawt sih ding uhi.”

Currently Selected:

MATHIU 10: ZOUBSI

Highlight

Copy