Popular Bible Verses from MATHIU 10

Share

“Ngai un, ngiete lah a belam bangin ka hing sawl ahi; tuaziehin gul bangin pil unlen, vakhu banga poikhoi louin um un.

Koipou ahinna muin ataan dinga, keima zieh a ahinna taan pouma in amu ding hi.

Tualeh tahsa that thei a Hagau that theiloute giing sih un, hinanleh Hagau leh tahsa ani a gawtmun a sumang theipa Ama khu giing zaw un.

Tualeh koipou a kros pua a hing zui lou khu ka mi hitah ahi sih hi.

Koipou mite masang a hing hum pouma, ken zong van a ka pa mai ah, ama ka hum ding hi. Hinanleh koipou mite mai a, kei hing kilepsan pouma Ken zong van a ka Pa masang ah ka kilepsan ding hi.

Damloute sudam unlen, phahte siengthousah unlen, mishite kaithou unlen, dawite notdoh un, amanbeiin na mu ua, amanbei main pie un.

Tuaziehin zau sih un, vatou tampi sangin na manphazaw uhi.

“Leitunga lemna leengsah dinga hing peiin hing ngaisut sih un, lemna leengsah dinga hing pei ka hi sih a, namsau leengsah dinga hing pei ka hizaw hi.