LUK 4

Jesu Khrist sol a a umna

(Mat. 4.1-11; Mak. 1.12,13)

1Tuachi’n Jesu khu Hagau Siengthoua dim in Jordan lui a kipat in akinuale kia a, tualeh gamdai ah Hagau puiin aum a, 2Ni sawmli sung diabol sol in a umta a; tua nite sungin Aman bangma ane sih a, tuachi’n atawpin agil ahing kielta hi. 3Tuachi’n diabol in akungah “Pasian Tapa na hileh tam suong tanghou suoh dingin thupie in,” achi hi.

4 # Danp. 8.3 Hinanleh Jesu’n adawnga “Mihing tanghou guohin ahing sih dinga, Pasian thu chin in ahing zaw ding chi gel ahi,” achi hi. 5Tuachi’n diabol in Ama khu muol sang tung khat ah apuitou a, mitphiet kallouin leitung leenggam zousie a ensahta hi. 6Tuachi’n diabol in akungah, “Tamte zousie tunga thuneina leh athupina ka hing pe ding, ka kunga piehkhiet ahitah ziehin, ka pieh ut tapou kungah ka pe zel hi.” 7Tuaziehin kei na hing bieh pouleh abawnin nanga ahi ding, achi hi. 8#Danp. 6.13Tuachi’n Jesu’n adawnga akungah, “Setan ka nualangah um in;

Mangpa na Pasian na be dinga

Ama nna bou na sep ding ahi,

chi gel ahi,”

achi hi.

9Tuachi’n diabol in Ama khu Jerusalem ah apui a, “Pasian biehinn sipvum ah akoi a, akungah, Pasian Tapa na hileh tana kipat in kesuh in; 10#Late. 91.11,12Aziehpen Aman nang hing humbit dingin, avansawlsiengte thu ape dinga, 11Amaun akhut un ahing dom ding ua, tua ahisihleh na kengin suong asui kha ding hi, chiin akigiel hi,” achi hi. 12#Danp. 6.16Tualeh Jesu’n adawnga, akungah, “Mangpa na Pasian ze et sin,” akichi hi. 13Tuachi’n diabol in asolna ding tenga asol zouin hun lemtang a dingin apeisanta hi.

Jesu Nazareth a aumna

(Mat. 4.12; Mak. 1.14)

14Tuachi’n Jesu khu Hagau silbawltheinain Galili gam ah akinuale kiata a, tualeh atanchin khu khum gam kimvel ah athang suohta hi. 15Tualeh akikhopna innte uah, thu ahil zel a mi zousie pahtat in a um hi.

Nazareth ah Jesu anuol uh

16Tuachi’n akhanletna khuo Nazareth ahing tungta hi. Tualeh abawldan ngaina bangin khawlni in kikhopna innah aluta, Laisiengthou sim dingin ading hi. 17Tualeh akungah guolnei Isai laibu apie ua, tuachi’n Aman tua laibu aphen a tam thu kigelna mun laitah aphendoh hi,

18 # Isai. 61.1,2 “Mi liengvaite kunga khantan hoi,

gen dinga sathau ahing nutah ziehin,

Mangpa Hagau ka tungah a um hi,

Aman lungtang hasete sudam ding leh,

saltangte kunga suotatna thu leh,

mittote kunga mitvah kiana thu gen ding leh,

bawlsietna thuohte zalenna leh,

19Mangpa lungdam kum thu gen dingin ahing sawl hi,”

chi khu.

20Tuachi’n laibu khu aziel a, thu nasempa apekia a, atouta hi. Tualeh kikhopna inn a um mi zousie mit atungah atuta hi. 21Tuachi’n Aman akung uah, “Tuni’n tam Laisiengthou thu na zah un atangtung ta hi,” chiin agen panta hi. 22Tuachi’n mi zousiein athu atheipi ua, tualeh akama pawt hepina thute lamdang asa mama uhi. Tualeh amaun “Tampa khu Joseph tapa hilou amah?” achi uhi. 23Tualeh Aman akung uah, “Nouten tam paunah Daktor nang leh nang kisudam in, Kapernaum khuo a na silbawlte ka na zah zousie uh tanah, nangma kholam ah zong bawl in na hing chi ding uhi,” achi hi. 24#Jn. 4.44Tuachi’n Aman “Adihtahin ka hing hil ahi, guolnei koima ama gam sung ah akipahpi ngai sih u hi.

25 # 1 Leeng. 17.1 Hinanleh thudih ka hing hil ahi, Elijah damlai a kum thum leh ha guh van akikha a, leitunga kiel nasatah atun laiin Meithai tampi a um uhi. 26#1 Leeng. 17.8-16Hinanleh Sidon gam a Zarephath khuo a meithainu khat kungah chilou alah ua koima kungah Elijah sawl ahi sih hi. 27#2 Leeng. 5.1-14Tualeh guolnei Elisha damlai in, Israel gam ah phah tampi a um uh, hinanleh Siria mi Naaman chilou koima suhsiengthou in a um sih hi achi hi. 28Tuachi’n kikhopna inn a um zousie in tam thute azah tah un alungthah chietta ua; 29Tualeh adingdoh ua, khopi akipat a deldoh ua, akhuo uh umna muolvuma kawlkhoua sawnkhieh dingin apuita uhi. 30Hinanleh ama khu akikaal uah apeisuoh a, apei mangta hi.

Hagau bua nei mi suhdamna

(Mak. 1.21-28)

31Tuachi’n Galili gam a khuo khat Kapernaum ah ahing peisuh a, tualeh khawlnite in amauh thu ahil a; 32#Mat. 7.28,29Tualeh thuneitah a thu agen ziehin athuhil khu lamdang asa mama uhi. 33Tualeh kikhopna inn ah hagau bua nei mi khat a um a, tualeh aw ngaitahin akikou a; 34“Kouma tangin hing um sahin, Nazareth Jesu nang leh kouten bang ahiei kizopna inei? Koute sumang ding a hing pei na hiei mah? Nang koi na hiei chi ka hing thei hi, Pasian Mi Siengthou na hi,” achi hi.

35Hinanleh Jesu’n aphawh a, “Sip inlen asunga pat in hing pawtdoh in achi hi. Tualeh dawi in amapa alah ua asawnpua zouin ahing pawtdoh a, bangma alaw nawn sih hi. 36Tualeh abawn un lamdang asa mama ua, Tami bang thu atai le! Thuneitah leh silbawltheitahin dawibuate thu apie a, apawt mai uhi,” chiin akihou uhi. 37Tuachi’n tua kim gam mun chin ah atanchin athangta hi.

Peter sungnu damsahna

(Mat. 8.14,15; Mak. 1.29-31)

38Tualeh Ama adingdoh a, kikhopna inn apat apawt a, Simon inn ah alutta hi. Tualeh Simon zinu nu khu napitahin ana khosih a, tuachi’n Ama khu amanu a dingin ana nget pieh uhi. 39Tuachi’n Ama khu amanu geiah a dinga, khosih khu aphawh a, tuachi’n aphata hi, tualeh ahing thou pai a ana uh asep piehta hi.

Galili gam pumpi a Jesu nasepna

(Mat. 4.23-25; 8.16-17; Mak. 1.32-39)

40Tualeh nitumkuon ahing hi tahin, natna tuomtuom a na, damlou nei zousie in akungah ahing pui ua; tualeh Aman ama uh tung chiet ah khut angama asudamta hi. 41Tualeh dawite zong “Nang Khrist Pasian Tapa na hi chia kikou in,” mi tampite sunga kipat in ahing pawtdoh uhi. Tualeh Aman amauh aphawh a, aham ding uh aphal sih hi, amaun Khrist ahi chi athei zieh un. 42Tualeh khuo ahing vah bepin, apawtdoh a koima umlouna mun sip ah a peita hi. Tualeh mipiten Ama asui ua, akungah ahing pei ua, amauh nuasie lou dingin tuhtaang atum uhi; 43Hinanleh Aman akung uah, “Pasian leenggam tanchin khodanga zong ka gen ding ahi, tua ding mawnga sawl ka hi zieh in,” achi hi. 44Tuachi’n Galili gam a kikhopna innte ah thu agen zel hi.

Currently Selected:

LUK 4: ZOUBSI

Highlight

Copy