LUK 3

Baptispa Johan leh anasepte

(Mat. 3.1-12; Mak. 1.2-8; Jn. 1.18-31)

1Tiberia Kaisar vaihawm kum sawm leh kum nga kum in, Pontius Pilat, Judia gam uhpipa ahi a, tualeh Herod khu Galili gam a kumpipa ahi a, asanggampa Philip khu Ituria leh Trokoniti kumpipa ahi a, tualeh Lisanias khu Abilene gam kumpipa ahi. 2Annas leh Kaiapha khu siempu lienpente ahi ua, khum hun laiin gamdai ah Zakaria tapa Johan kungah Pasian thu ahing tung hi. 3Tualeh ama khu Jordan lui kimvel a gam zousie ah khelnate ngaidamna dinga kisiana baptisma thugen in apei kawikawi hi.

4 # Isai. 40.3-5 Guolnei Isai laibu a,

“Gamdai a mikikou aw in,

Mangpa lamlien siel unlen,

alampite sutang un.

5Guom chin suhdim ahi dinga,

muol leh tang chin suhngiem ahi dinga,

tualeh akawina munte suh tang ahi dinga,

aphawhnate suhmam ahi dinga;

6Tualeh mi zousie in Pasian hundamna amu ding uh,”

chia kigiel bangin.

7 # Mat. 12.34; 23.33 Tuachi’n aman akunga baptisma tang dinga hing pei mipite kungah, “Nou gul suonte aw, lungthahna hing tung ding taisan dinga, hing vauhil koi ahiei? 8#Jn. 8.33Tuaziehin kisiana tham chingin ga suong un, tualeh Abraham ka pu uh ahi chiin na lungsim un ngaituo sih un, aziehpen Pasian in tam suongte Abraham hahlesuonte in ading sah thei hi. 9#Mat. 7.19Tu mamain zong sing zung chin ah heipi koi ahita, tuaziehin sing chin ga hoi a galou pouma phuain a um a, meikuong lai a pai in a um zel hi,” achi hi.

10Tuachi’n mipiten akungah, “Ahileh Kouten bang ka bawl ding uoi leh?” chiin adong uhi. 11Aman adawnga, akung uah, “Koipou puon ah ni neiin, aneilou hawm heh, tualeh koipou ann neiin tuamabangin bawl heh.” 12#Luk. 7.29Tuachi’n siedongmite zong baptisma tang dingin ahing pei ua, akung ah, “Siepa kouten bang ka bawl ding uoi?” achi uhi. 13Tualeh aman akung uah, “Ahing bihieh sah val uh khon nawn sih un,” achi hi. 14Tuamabangin galkapten zong akungah, “Kouten bang ka bawl ding uoi?” chiin adong uhi. Aman akung uah “Koima pawngbawlin sum lahpieh sih unlen, dihlou tahin koima heh sih unlen, na law uah lungkim un,” achi hi.

15Tuachi’n mipite kinemtahin a um ua, mi zousiein Johan khu Khrist ahi kha de aw, chia alungtang ua angaituo lai un; 16Johan in adawnga, akung uah, “Ken tuiin ka hing baptis a, hinanleh Kei sanga thupi zaw khat ahing pei dinga, Kei pen akedap khau sut taah zong ka hi hisih hi. Aman Hagau Siengthou leh meiin nou ahing baptis ding hi. 17Aman akhut in phazap atawi a, aphuol azap sieng kilkel dinga, tualeh bute abupangah asungkhawm ding hi, hinanleh bushite pen mei mit theilou toh ahaltum ding hi.”

18Tualeh hanthawnna thu dang tampi toh mipite kungah khantan hoi thu agen hi. 19#Mat. 14.3,4; Mak. 6.17,18Hinanleh kumpipa Herod in asanggampa Philip zi Herodia zieh leh asilgilou bawl zousie tung thu a Johan in aphawhhil ziehin; 20Asil bawlkhel zousie belapnain Johan suongkul ah akhumta hi.

Jesu baptisma tanna

(Mat. 3.13-17; Mak. 1.9-11; Jn. 1.32-34)

21Tualeh mipi zousie in baptisma atan zou tah un, Jesu’n zong baptisma atanga, thungetna anei laiin van ahing kihonga, 22#Siem. 22.2; Late. 2.7; Isai. 42.1; Mat. 3.17; Mak. 1.11; Luk. 9.35Tualeh Hagau Siengthou tahsa puoin vakhu bangin ahing kumsuh a, “Atungah atuta a, tualeh van a kipat in aw ahing pawt a, Nang ka Tapa deitah na hi, na tungah ka lungdam mama hi,” achi hi.

Jesu khanggui sutna

(Siem. 5.1-32; 11.10-26; Ruth. 4.18-22; 1 Khang. 1.1-4,24-27,34; 2.1-15; Mat. 1.2-6)

23Tualeh Jesu’n nasep apat chiil lai in kum sawmthum vel ahita a, mite ngaidanin Joseph tapa ahia, tua khu Heli tapa ahia,#Luke khanggui sutna pen Mathiu (1.17) khanggui sutna sangin ahuop lien zaw hi. 24Heli khu Matthat tapa ahia, Matthat khu Levi tapa ahia, Levi khu Melki tapa ahia, Melki khu Janna tapa ahia, Janna khu Joseph tapa ahia, 25Joseph khu Matathiah tapa ahia, Matathiah khu Amos tapa ahia, Amos khu Nahum tapa ahia, Nahum khu Esli tapa ahia, Esli khu Naggai tapa ahia, 26Naggai khu Maath tapa ahia, Maath khu Mattathiah tapa ahia, Matathiah khu Semei tapa ahia, Semei khu Joseph tapa ahia, Joseph khu Juda tapa ahia, 27Juda khu Joannas tapa ahia, Joannas khu Rhesa tapa ahia, Rhesa khu Zerubbabel tapa ahia, Jerubbabel khu Shealtiel tapa ahia, Shealtiel khu Neri tapa ahi, 28Neri khu Melki tapa ahia, Melki khu Addi tapa ahia, Addi khu Kosam tapa ahia, Kosam khu Elmodam tapa ahia, Elmodam khu Er tapa ahia, 29Er khu Joshua tapa ahia, Joshua khu Eliezer tapa ahia, Eliezer khu Jorim tapa ahia, Jorim khu Matthat tapa ahia, Matthat khu Levi tapa ahia, 30Levi khu Simeon tapa ahia, Simeon khu Juda tapa ahia, Juda khu Joseph tapa ahia, Joseph khu Jonan tapa ahia, Jonan khu Eliakim tapa ahi a, 31Eliakim khu Melia tapa ahia, Melia khu Menan tapa ahia, Menan khu Mattathah tapa ahia, Mattathah khu Nathan tapa ahia, Nathan khu David tapa ahia, 32David khu Jesse tapa ahia, Jesse khu Obed tapa ahia, Obed khu Boaz tapa ahi, Boaz khu Salmon tapa ahia, Salmon khu Nahshon tapa ahi, 33Nahshon khu Aminadab tapa ahia, Aminadab khu Aram tapa ahia, Aram khu Hezron tapa ahia, Hezron khu Perez tapa ahia, Perez khu Juda tapa ahia, 34Juda khu Jakob tapa ahia, Jakob khu Isaak tapa ahia, Isaak khu Abraham tapa ahia, Abraham khu Terah tapa ahia, Terah khu Nahor tapa ahia, 35Nahor khu Serug tapa ahia, Serug khu Reu tapa ahia, Reu khu Peleg tapa ahia, Peleg khu Heber tapa ahia, Heber khu Shelah tapa ahi a, 36Shelah khu Kainan tapa ahia, Kainan khu Arpaksad tapa ahia, Arpaksad khu Shem tapa ahia, Shem khu Noah tapa ahia Noah khu Lamek tapa ahia, 37Lamek khu Mathuselah tapa ahia, Mathuselah khu Enok tapa ahia, Enok khu Jared tapa ahia, Jared khu Mahalalel tapa ahia, Mahalalel khu Kainan tapa ahia, 38Kainan khu Enos tapa ahia, Enos khu Seth tapa ahia, Seth khu Adam tapa ahia, Adam khu Pasian tapa ahi.

Currently Selected:

LUK 3: ZOUBSI

Highlight

Copy