SIEMCHILBU 49

Jakob in aasi kuona Israel tate aguolzawlna

1Tualeh Jakob in a tapate a han a, tambangin agen hi, “Ni nukhia lam chienga na tung ua sil hing tung ding ka hing hil theina dingin hing kikhawm un. 2Nou Jakob tapate aw hing kikhawm unlen, ngaikhie un, na pa uh Israel thu ngaiun. 3Reuben nang kata masa, ka sil bawl theina, ka hatna kipatna na hi, a sangpen hina leh thuneina nanga ahi. 4Hinanleh tuibanga detlou na hia, tungnung pen hina na nei sih ding hi, napa lupna tunga na kal ziehin na buasah ta hi, ka lupna ah akal hi. 5Simeon leh Levi unau ahi ua, gitlouna vanzahte khu atenna uah a um hi.

6Aw ka hinna, nang vang akithukupna uah kigol sinlen; ka thupina nangpen a kikhopna uah pang sin, a lungthah un mi athat ua, aluhlul un bawngtal thahui asatbai uhi. 7Alungthah na uh zauhuoitah ahi ziehin, ham sietin um henlen, a thangpaina u’zong hamsiet in um tahen, hinsetah ahi ziehun, Jakob sungah amaute ka khenkhe dinga, tualeh Israel sungah ka thethang ding hi. 8Juda nangpen na unauten ahing phat ding ua; na khut zong na galte ngawng ah na nga dinga: na pa tate na masangah kunva uh. 9#Kisim. 24.9; Kihil. 5.5Juda khu Humpibahnei nou ahi; ka tapa na samat na peitou santa hi; na kun a, Humpibahnei bangin na boh a, tualeh Humpibahnei nu bangin koi ahiei ama phawng ngam ding? 10Lengchieng pen Juda toh kikhen sih vanin, dan pepa chieng zong akeng kaala kipat pawtmang vawtsih va, Shiloh ahing tun masang sie; tualeh nam chinin ama thu amang ding uhi. 11A sabiltung grep kungah khi vanin, a sabiltungnou a grep kung deitel ah khiva, a puon silte greptui in sawp vanin, tualeh apuon zalte grep sisan in asawp nalai ding hi. 12A mitte greptui a san sahin aum dinga a hate bawngnawi a vamsah in a um ding hi. 13Zebulun tuipi geiah teng vanin kuong khawlna luipieu ahi dinga, a gamgi Sidon tandong ahi ding. 14Issakar pen van gih lomni kikaal a kuol sabiltung hattah ahi. 15Khawldam hoiin a thei a, tualeh gam zong nuomin athei hi, van po dingin alieng angiemsah a, paubawl a nasepsah ding suoh ahing hita hi. 16Dan in Israelte lah ah nam khat bangin a mite avaihawm pieh ding. 17Dan khu lamgei a gul um, lamlai a gulngan sakol kengpawng tuh pieh a, sakol tungtuong mi, a nua langa kithalngase a, thalkiehsahpa ahi ding hi. 18Aw Mangpa, na hundamna ka ngah zing hi. 19Gad pen galhon in asim ding ua, hinanleh atawp ah aman anua del ding hi. 20Asher khu aneh hoi vanin, leeng ann neh tuitah tah a piengsah ding hi. 21Nephtali pen Sazuhpi kihazan ahia, thu hoi tah tahte agen zel hi. 22Joseph khu gui ga nuomtah tuikhuh kunga pou, a bate a baang tunga zam, hieng ga nuomtah ahi. 23Thal kap miten ama nahpitahin asu genthei ua, akap ua, a muda uhi. 24Hinanleh ama thal mung pen khautahin aum ngitnget a, akhut banthahat khu Jakob Pasian khut hattahin asuhat a, (Khuna pat Belampu, Israel suongpi ahing um hi.) 25Na pa Pasian nangma hing panpi ding, bangkimbawlthei pa, Tunglam van guolzawlnate leh Nuoilam a kipha Tuipi thuhtah guolzawlnate nawite leh naubu guolzawlna a nang hing guolzawl ding pa ngei khu suh hat in aum hi. 26Na pa hing guolzawlnate in kei hing suongtute hing guolzawlnate, tangtawn muol tawptan dongin a khup zawta hi; tuate khu Joseph lutungah um vanin, a unaute akipat khentuom a umpa lusip ah aum ding hi. 27Benjamin pen Ngie gongsan ahia, zingmawng in asa kei ne vanin, nitah lam chieng a gallah vante ahawm ding hi.” 28Tamte zousie Israel nam sawm leh nite ahi ua, tualeh tampen apa un akung ua a thugen leh a guolzawl nate ahi; Guolzawlna a tan ding bang chiet un a guolzawl hi. 29Tuachi’n amaute thugousie apie a, akung uah, “Ka chi pite kunga puia um ding ka hita a. Hitmi Ephron lou a um kokhuh ah ka pu leh pate kungah hing vui un.’ 30#Siem. 23.3-20Kanaan gam a Mamre mazawn a, Makpelah loua kokhuh Abraham in kivuina mun gou dinga Hitmi Ephron akipata alou toh alei khawm ahi. 31#Siem. 25.9,10; Siem. 35.29Khummun ah Abraham leh azi Sarah avui ua, tuanah Isaak leh a zi Rebekah avui uhi, khunah ken zong Leah kana vuita hi. 32Lou leh a sunga um kokhuh Heth tate apat a kilei ahi,” achi hi. 33#Nasep. 7.15Tualeh Jakob in a tapate kunga thugou a siepieh zouin a kengte lupna tungah anga tou a, ashita a, a chi pite kungah puiin aum ta hi.

Currently Selected:

SIEMCHILBU 49: ZOUBSI

Highlight

Copy