SIEMCHILBU 36

Esau suonte min

1Tualeh tamte Esau (Edom kichipa) hahlesuonte ahi uhi. 2#Siem. 26.34Esau in Kanaan gam a nungahte zi in anei hi. Hitmi Elon tanu Adah leh Hivmi Zibeon tanu, Anah tanu Aholibamah leh, 3#Siem. 28.9Ishamael tanu Nebaioth sanggamnu, Basemath ahi uhi. 4Tualeh Adah in Esau dingin Eliphaz ahin pieh a, Basemath in Reuel ahing hi. 5Tualeh Aholibamah in Jeush leh Jaalam leh Korah ahing hi. Tamte pen Esau tapate Kanaan gam a aneite ahi uhi.

6Tuachi’n Esau in a zite, a tapate a tanute a innsung mi zousie leh a gantate zousie, tualeh Kanaan gam a a sum lamdoh zousie puoin a naupa Jakob apat in gamdang ah apeita hi. 7Anei a lamte uh a tam seng ziehin a tengkhawm thei sih uhi. Tualeh ganta a hau seng zieh un mi khuol ahina gam un adawl zou tasih uhi. 8Tuachi’n Esau khu Seir taangah a tengta hi. (Esau pen Edom ahi)

9Tualeh tamte Seir taanga Edom mite pa Esau hahlesuonte ahi uhi. 10Tamte Esau tapate min ahi; Esau zi Adah tapa Eliphaz leh Esau zi Basemath tapa Reuel. 11Tualeh Eliphaz tapate, min Teman, Omar, Zepho, Gatam leh Kenos ahi uhi. 12Tualeh Timna khu Esau tapa Eliphaz meinu ahia, aman Eliphaz dingin Amalek ahinpieh hi. Tamte Esau zi Adah tate ahi uhi. 13Tualeh tamte Reuel tapate ahi uhi, Nahath, Zerah, Shammah leh Mizzah, tamte Esau zi Basemath tapate ahi uhi.

14Tualeh tamte Esau zi Zibeon tanu Anah tanu Aholibamah tapate ahi uh, Aman Esau dingin Jeush, Jaalam leh Korah ahinpieh hi. 15Tamte Esau tapate laha a lamkaite ahi uhi; Esau tamasapen Eliphaz tapate, Eliphaz tapate lamkai Teman, lamkai Zepho, lamkai Kanaz. 16Lamkai Korah, Lamkai Gatam, tualeh lamkai Amalek, tamte Edom gam a Eliphaz akipat hing piengkhie lamkaite ahi uhi; tamte Adah tapate ahi uhi.

17Tualeh tamte pen Esau tapa Reuel tapate ahi uhi, lamkai Nahath, lamkai Zerah, lamkai shammah, lamkai Mizzah, tamte Edom gam a Reuel akipat hing pawtkhie lamkaite ahi uhi. Tamte Esau zi Basemath tapate ahi uhi. 18Tualeh tamte Esau zi Aholibamah tapate ahi uhi. Lamkai Jeush, lamkai Jaalam, lamkai Korah, tamte Esau zi Anah tanu Aholibamah akipat a hing piengte ahi uhi. 19Tamte Edom kichi Esau tapate ahi ua, tualeh tamte a lamkaite ahi uhi.

20Tamte tua gam a teng Hormi Seir tapate ahi uhi. Loton, Shobal, Zibeon, Anah leh. 21Dishon Ezer leh Dishan, tamte Edom gam a Seir tapate Hormite lamkai ahi uhi. 22Tualeh Lotan tapate Hori leh Hemam ahi uh. Lotan sanggamnu Timna ahi. 23Tualeh tamte Shobal tapate ahi uhi. Alvan Manahath; Ebal, Shepho leh Onam.

24Tualeh tamte Zibeon tate ahi, Ajah leh Anah, tam Anah khu gamdai a apa Sabiltungte achin laia, gamdaia tuisa pulna luikhuh mukhepa ahi. 25Tualeh Anah tate tamte ahi; Dishon leh Anah tanu Aholibamah. 26Tualeh tamte Dishon tate ahi uh, Hemdam, Eshbon, Ithran leh Cheran.

27Ezer tate tamte ahi uh, Bilhan, Zaavan leh Akan. 28Dishan tate tamte ahi, Uz leh Aran.

29Tamte Hormite akipat hing pawt lamkaite ahi uh, lamkai Lotan, lamkai Shobal, lamkai Zibeon, lamkai Anah. 30Lamkai Dishon, lamkai Ezar, lamkai Dishan tamte Seir gam a hing pawt Hormite lamkaite ahi uhi. 31Tualeh tamte Israel tate tunga leeng koiman vai ahawm masanga, Edom gam a vaihawm leengte ahi uhi. 32Tualeh Beor tapa Bela in Edom gamah vai ahawm a, a khopi min Dinhabah ahi. 33Tualeh Bela ashi bepin Bozrah khuo a um Zerah tapa Jobab in vai ahawm hi. 34Tualeh Jobab ashi bepin Teman gam a mi Husham in a taangin vai ahawm hi. 35Tualeh Husham ashi bepin Moab gamlah a Midian thatpa, Bedad tapa Hadad in a taangin vai ahawm hi; a khopi min Avir ahi. 36Tualeh Hadad ashi bepin Masrekah a um samlah in a taangin vai ahawm hi. 37Tualeh samlah ashi bepin, luipi gei a teng Rehoboth a um Shaul in a taangin vai ahawm hi. 38Tualeh Shaul ashi bepin Akbor tapa Baalhanan in a taangin vai ahawm hi. 39Tualeh Akbor tapa Baalhanan ashi bepin Hadar in a taang in vai ahawm hi. A khopi min Pau ahi, tualeh azi min Mehetabel, Mezahah tanu Matred tanu ahi.

40Tualeh tamte a innkuon u’leh a khomun u’leh amin uh dungzui a, Esau akipat hing pawt lamkaite minte ahi; Lamkai Timna lamkai Alvah, lamkai Jetheth. 41Lamkai Aholibamah, lamkai Elah, lamkai Pinon. 42Lamkai Kenaz, lamkai Teman, lamkai Mibzan. 43Lamkai Magdiel, lamkai Irom, tamte agam neina sung ua a umna uh dungzui a, Edom lamkaite ahi uhi, amapen Edom mite pa Esau ahi.

Currently Selected:

SIEMCHILBU 36: ZOUBSI

Highlight

Copy